राजनीति/समाज

नेपाल । निर्वाचन आयोगले प्रतिनिधि समाको निर्वाचनमा समानुपातिक मतको आधारमा राजनीतिक दलले पाउने सांसदको सिट सङ्ख्या निर्धारण गरेको छ । समानुपातिक तर्फको मतगणना बुधबार नै सकिएको थियो । तर जिल्लाबाट प्राप्त विवरणलाई अध्ययन गरेर आयोगले बिहीबार सिट बाँडफाँटको टुङ्गो लगाएको हो । आयोगका अनुसार समानुपातिकतर्फ कुल ११० सिटमध्ये सबैभन्दा धेरै सिट राष्ट्रिय स्वतन्त्र पार्टीले पाएको छ । रास्वपाको भागमा ५७ सिट परेको छ । नेपाली कांग्रेसले २० सिट पाएको छ भने संसदमा तेस्रो ठुलो दल बनेको नेकपा (एमाले) ले १६ सिट पाएको छ । नेपाली कम्युनिष्ट पार्टीले नौ सिट पाएको आयोगले जनाएको छ । चार महिनाअघि मात्रै खुलेको श्रम संस्कृति पार्टी र राष्ट्रिय प्रजातन्त्र पार्टीले चार चार सिट पाएको निर्वाचन आयोगले जनाएको छ । निर्वाचनमा कुल सदर मतसङ्ख्याको आधारमा प्रचलित निर्वाचन कानुन बमोजिम तोकिएको थ्रेसहोल्ड (तीन प्रतिशत) पार ग...

नेपाल । निर्वाचन आयोगले उम्मेदवारलाई आफ्नो निर्वाचन खर्च विवरण बुझाउन अनुरोध गरेको छ । आयोगले विज्ञप्ति जारी गरी निर्वाचन सम्पन्न भएको मितिले ३५ दिनभित्र राजनीतिक दलले निर्वाचन आयोगमा र उम्मेदवारले आफ्नो जिल्लामा रहेको प्रदेश–जिल्ला निर्वाचन कार्यालयमा निर्वाचन प्रचारप्रसारमा भएको आम्दानी तथा खर्चको विवरण तथा सो विवरण सार्वजनिक गरेको जानकारी गराउन अनुरोध गरेको हो । आफ्नो जिल्लामा रहेको प्रदेश(जिल्ला निर्वाचन कार्यालयको सूचना पाटी, सम्बन्धित गाउँपालिका वा नगरपालिका वा वडा कार्यालयको सूचना पाटी, राजनीतिक दलको जुनसुकै तहको कार्यालय वा वेवसाइट (राजनीतिक दलको तर्फबाट उम्मेदवार भएका उम्मेदवारको हकमा), आमसञ्चार माध्यम (पत्रपत्रिका, रेडियो, टेलिभिजन आदि) वा सामाजिक सञ्जाल (फेसबुक, ट्विटर, ईन्स्टाग्राम आदि) मा आफ्नो निर्वाचन विवरण सार्वजनिक गर्न आयोगको अनुरोध छ । निर्वाचन खर्चको विवरण नबुझाउने त...

नेपाल । न्यायपरिषद्ले प्रधानन्यायाधीशका रूपमा ६ जनाको नाम संवैधानिक परिषद्मा पठाएको छ। संविधान तथा कानुनअनुसार योग्यता पुगेका सर्वोच्च अदालतका ६ न्यायाधीशको नाम पठाइएको परिषद्ले जनाएको छ । प्रधानन्यायाधीश प्रकाशमानसिंह राउतले १८ चैतदेखि अनिवार्य अवकाश पाउन लागेपछि नयाँ प्रधानन्यायाधीश नियुक्तिको प्रक्रिया अघि बढेको हो । परिषद्का अनुसार वरिष्ठतम न्यायाधीश सपना प्रधान मल्ल तथा न्यायाधीशहरू कुमार रेग्मी, हरिप्रसाद फुयाँल, मनोजकुमार शर्मा, नहकुल सुवेदी र तिलप्रसाद श्रेष्ठको नाम भावी प्रधानन्यायाधीशका लागि पठाइएको हो । सामान्यतया वरिष्ठतम न्यायाधीश नै प्रधानन्यायाधीशमा नियुक्त हुने प्रचलन छ । ...

नेपाल । पूर्वप्रधानमन्त्री डा. बाबुराम भट्टराई बुधबार भारत जाने भएका छन् । नयाँदिल्लीमा आयोजना हुने ‘एनएक्सटी २०२६’ ग्लोबल समिटमा सहभागी हुन उनी भारत प्रस्थान गर्न लागेका हुन् । उनको सचिवालयका अनुसार समिटमा भट्टराई ‘गेस्ट अफ अनर’ का रूपमा सहभागी हुनेछन् । उक्त समिट भारत मण्डप नयाँदिल्लीमा मार्च १२, १३ र १४ मा आयोजना हुँदैछ । आयोजकका अनुसार सम्मेलनमा विश्वभरका नीति–निर्माता, सांसद, प्रविधि विज्ञ, व्यवसायी तथा शैक्षिक क्षेत्रका प्रतिनिधिहरूको सहभागिता रहनेछ । समिटमा विश्व शासन, प्रविधि, अर्थतन्त्र, शिक्षा, सुरक्षा, स्वास्थ्य, वातावरण तथा अन्तर्राष्ट्रिय सम्बन्धजस्ता समसामयिक विषयमा छलफल हुने कार्यक्रम तय गरिएको छ । सम्मेलनमा भारतीय प्रधानमन्त्री नरेन्द्र मोदी समेत सहभागी हुने कार्यक्रम रहेको बताइएको छ । विभिन्न देशका सांसद, नीति–निर्माता, विज्ञ तथा युवा प्रतिनिधिहरूको उल्लेख्य सहभागिता र...

नेपाल । भारतका प्रधानमन्त्री नरेन्द्र मोदीले दिनुभएको बधाई सन्देशप्रति रास्वपाका वरिष्ठ नेता बालेन्द्र शाह (बालेन) ले आभार व्यक्त गर्नुभएको छ । मङ्गलवार भारतका प्रधानमन्त्री मोदीको पोस्टमा प्रतिक्रिया दिँदै बालेनले नेपाल–भारत सम्बन्धलाई आगामी दिनमा थप सुदृढ र परिणाममुखी बनाउन सहकार्य गर्ने प्रतिबद्धतासमेत जनाउनुभएको छ । प्रधानमन्त्री मोदीले सोमबार रास्वपा सभापति रवि लामिछाने र वरिष्ठ नेता बालेनलाई टेलिफोन गरी चुनावी सफलताका लागि बधाई दिनुभएको थियो । मोदीले सामाजिक सञ्जालमा पोस्ट गर्दै आगामी नयाँ सरकारसँग आपसी समृद्धि र हितका लागि मिलेर काम गर्ने प्रतिबद्धता जनाउनुभएको थियो । प्रस्तावित प्रधानमन्त्रीका उम्मेदवार बालेनले मोदीको पोस्टमा मङ्गलवार लेख्नुभएको छ, “धन्यवाद छ शुभकामनाका लागि, सम्माननीय प्रधानमन्त्री नरेन्द्र मोदीज्यू । नेपाल–भारतबिच विद्यमान ऐतिहासिक, घनिष्ठ तथा बहुआयामिक सम्बन्...

नेपाल । प्रतिनिधि सभा निर्वाचनको प्रत्यक्ष तर्फको मतगणना सकिएको छ । सबै १६५ क्षेत्रको मतगणना सकिएको छ । एक स्थान धनुषा–१ को मतगणना सम्पन्न भएपनि आयोग र अदालतले रोके पनि मत परिणाम सार्बजनिक गरिएको छ र सो क्षेत्रमा नेकपाका मातृका यादवलाई विजयी घोषित गरिएको छ । सर्वोच्च अदालतले आदेश दिएपछि सोहि अनुसार हुने गरि आयोगले अहिलेको मतगणनाअनुसार परिणाम सार्बजनिक गर्दै यादवलाई प्रमाण पत्र दिएको छ । प्रत्यक्षतर्फ राष्ट्रिय स्वतन्त्र पार्टीले अभूतपूर्ण जित हासिल गर्दै १२५ सिट जितेको छ । त्यस्तै नेपाली काँग्रेसले १८ सिट जितेको छ भने नेकपा एमालेले ९ सिट जितेको छ । त्यसै गरि नेपाली कम्युनिष्ट पार्टीले ८ सिट जितेको छ भने श्रम संस्कृति पार्टीले ३ सिट जितेको छ । त्यस्तै राप्रपाले एक सिट जितेको छ भने स्वतन्त्र उम्मेदार एक जना महावीर पुनले जित हासिल गरेका छन् । यस पटक प्रत्यक्षमा मधेशवादी दल र नागरिक उन्मुक्...

नेपाल । भारतका प्रधानमन्त्री नरेन्द्र मोदीले टेलिफोन गरी सभापति रवि लामिछाने र वरिष्ठ नेता बालेन्द्र शाहलाई चुनावमा रास्वपाको शानदार विजयका लागि बधाई दिएका छन् । उनले सामाजिक सञ्जालमा टेलिफोन गरी विजयका लागि बधाई दिएको उल्लेख गरेका छन् । आगामी सरकारका लागि पनि शुभकामना व्यक्त गर्दै आपसी समृद्धिका लागि काम गर्ने प्रतिबद्धता पनि जनाएका छन् । उनले लेखेका छन्, ‘दुवै नेताहरूलाई उनीहरूको आगामी नयाँ सरकारका लागि शुभकामना व्यक्त गरेँ र दुई देशको पारस्परिक समृद्धि, प्रगति र कल्याणका लागि काम गर्ने भारतको प्रतिबद्धता व्यक्त गरेँ ।’ उनले संयुक्त प्रयासले आगामी समयमा भारत र नेपालको सम्बन्ध नयाँ उचाइमा पुग्ने विश्वास पनि व्यक्त गरेका छन् ।...

नेपाल । समानुपातिक निर्वाचन प्रणालीतर्फ हालसम्म कुल एक करोड दुई लाख ५३ हजार ३७७ मतगणना भएको छ । यही फागुन २१ मा सम्पन्न प्रतिनिधिसभा सदस्य निर्वाचनअन्तर्गत मंगलबार बिहान ५ः५० बजेसम्मको विवरणअनुसार राष्ट्रिय स्वतन्त्र पार्टी (रास्वपा) ले सबैभन्दा बढी अर्थात् ४९ लाख २९ हजार ८५० मत प्राप्त गरेको छ । निर्वाचन आयोगकाअनुसार निर्वाचनमा नेपाली कांग्रेसले १६ लाख ६७ हजार ७३३, नेकपा (एमाले) ले १३ लाख ८५ हजार ७३०, नेपाली कम्युनिष्ट पार्टीले सात लाख ४८ हजार ८१६, श्रम संस्कृति पार्टीले तीन लाख ४६ हजार ७८६, राष्ट्रिय प्रजातन्त्र पार्टीले तीन लाख २२ हजार २२ मत प्राप्त गरेको छ ।...

नेपाल । रास्वपा केन्द्रीय सदस्य तथा प्रभावशाली नेता असिम शाहले मन्त्री बन्नका लागि भनसुन र मिडिया ट्रायल नगर्न नवनिर्वाचित सांसदहरुलाई आग्रह गरेका छन् । अत्यधिक बहुमतसहित रास्वपाको सरकार बन्ने निश्चित भएपछि सांसदहरुले मन्त्रीको चर्चा गरेसँगै बालेननिकट नेता शाहले प्रधानमन्त्री भएपछि बालेनले नै आफ्नो टिम छनौट गर्ने बताएका हुन् । असिम शाहकै घरमा बालेन र रविसहितको एकता घोषणा र हस्ताक्षर भएको थियो । फेसबुकमा शाहको स्टाटस ‘मन्त्री बन्न दौडधुप गर्न, भनसुन गर्न,मिडिया ट्रायल गर्न वा प्रचार गर्न आवश्यक छैन,केही नगरे पनि हुन्छ,जब बालेन शाह प्रधानमन्त्रीका रूपमा नियुक्त हुनुहुन्छ, उहाँले आफ्नो क्याबिनेटको टिम आफैं छनोट गरेर बनाउनुहुनेछ,उहाँलाई सबै सांसदहरूको योग्यता र क्षमताबारे राम्रो जानकारी छ।’...

नेपाल । नेकपा एमाले मकवानपुरको उपाध्यक्ष हिदम लामा कार्यवाहक अध्यक्ष भएका छन् । आइतबार बसेको आठौँ सचिवालय बैठकले लामालाई कार्यबाहक अध्यक्ष बनाएको हो । हालै सम्पन्न निर्वाचनमा पार्टीका उम्मेदवार पराजय भएसँगै पार्टी अध्यक्ष श्रीधर पोखरेलले आइतबार राजीनामा दिएपछि एमाले नेतृत्वमा लामा पुगेका हुन् । लामा भीमफेदी गाउँपालिकाका अध्यक्ष हुन् ।...