सुझाव र कारवाहीको सिफारिससहित संसदीय छानबिन विशेष समितिले बुझायो प्रतिवेदन
नेपाल । सहकारीको बचत रकम अपचलन सम्बन्धमा संसदीय छानबिन विशेष समितिको प्रतिवेदन संसद्ले सरकारलाई पठाएको छ । सोमवार प्रतिनिधिसभामा पेश भएको प्रतिवेदन आवश्यक कार्यार्थ सरकारलाई पठाइएको हो ।
बैठकमा समिति सभापति सूर्यबहादुर थापा क्षेत्रीबाट प्रतिवेदन बुझेपछि सभामुख देवराज घिमिरेले सरकारलाई पठाउन सचिवालयलाई निर्देशन दिएका हुन् ।
विभिन्न सहकारीहरूको बचत रकम अपचलन भएको भन्दै छानबिन गर्न प्रतिनिधिसभाले थापाको संयोजकत्वमा गत जेठ १५ गते ७ सदस्यीय छानबिन विशेष समिति गठन गरेको थियो । उक्त समितिले ६६ वटा बैठक गरेको र विभिन्न ४५१ जना व्यक्तिहरूसँग सुझावमूलक जानकारी र अन्तरक्रिया गरेको थियो।
प्रतिवेदन पेश गर्दै संयोजक थापाले सहकारी ठगीको आरोपित ४७ जना सहकारी सञ्चालक, गोर्खा मिडिया नेटवर्क प्रालिका सञ्चालक तथा कर्मचारीसमेत ३ जना र नियामक निकायका ५ जना गरी जम्मा ५५ जनासँग सोधपुछ गरिएको जानकारी सदनलाई गरा...
