राजनीति/समाज

नेपाल । सरकारले त्रिभुवन विश्वविद्यालय क्रिकेट मैदान र नेपाल क्रिकेट सङ्घबिच भाडा सम्झौता छिट्टै हुने प्रस्ट पारेको छ । प्रधानमन्त्री तथा मन्त्रीपरिषद्को कार्यालय सिंहदरबारमा सोमबार बसेको मन्त्रीपरिषद् बैठकका निर्णय सार्वजनिक गर्दै सरकारका प्रवक्ता सस्मित पोखरेलले त्रिवि र क्यानबिच सम्झौताको म्याद सकिएकाले पुनः सम्झौता गर्न लागेको बताउनुभयो । शिक्षा, विज्ञान तथा प्रविधिमन्त्रीसमेत रहनुभएका पोखरेलले त्रिवि उपकुलपति, रेक्टर, रजिस्ट्रारसँग सकारात्मक कुरा भएकाले नयाँ सम्झौता हुने जानकारी दिनुभयो । “मेरो बिहान त्रिविका उपकुलपति, रजिस्ट्रार, रेक्टरसहितका पदाधिकारीसँग भेट भएको थियो । सकारात्मक कुरा भएको छ । त्रिवि मैदान खाली गर्न खोजिएको होइन,” उहाँले भन्नुभयो, “लिज सकिएकाले फेरि सम्झौता गर्नुपर्ने भएको छ । त्यसमा सकारात्मक कुराकानी भएको छ । त्यसमा कुनै समस्या छैन, सम्झौता हुन्छ ।” राज्यले त्रि...

नेपाल । नेपाली कम्युनिस्ट पार्टी (नेकपा) ले आगामी राष्ट्रिय महाधिवेशन मंसिर महिनामा आयोजना गर्ने निर्णय गरेको छ। केन्द्रीय संयोजन समितिको बैठकले महाधिवेशन मंसिर ११ देखि १५ गतेसम्म काठमाडौँमा सञ्चालन गर्ने निर्णय गरेको एक नेताले जानकारी दिएका छन्। महाधिवेशनपूर्व संगठनात्मक तयारीलाई व्यवस्थित बनाउन विभिन्न तहगत कार्यतालिका पनि तय गरिएको छ। सोअनुसार जेठ मसान्तभित्र संघीय, प्रदेश, पालिका, वडा तथा जनवर्गीय संगठनहरूको संरचनागत समायोजन सम्पन्न गरिनेछ। त्यसपछि असार र साउन महिनामा श्रम शिविर तथा सदस्यता नवीकरण कार्यक्रम सञ्चालन गरिनेछ। भदौ १५ सम्म वडा अधिवेशन, भदौ मसान्तसम्म पालिका तहका अधिवेशन र असोज मसान्तभित्र जिल्ला अधिवेशन सम्पन्न गर्ने योजना छ। त्यस्तै कात्तिक १५ भित्र प्रदेश अधिवेशन पूरा गरी अन्तिम चरणमा मंसिर ११ देखि १५ गतेसम्म राष्ट्रिय महाधिवेशन काठमाडौँमा आयोजना गर्ने निर्णय गरिएको ह...

नेपाल । नेपाली कांग्रेस संसदीय दलको नेतामा भीष्मराज आङ्देम्बे निर्विरोध चयन भएका छन् । सोमबार कांग्रेस संसदीय दलको बैठकले आङ्देम्बेलाई दलको नेताका रूपमा चयन गरेको हो । त्यसअघि पार्टी केन्द्रीय कार्यसम्पादन समितिको बैठकले संसदीय दलको नेताका लागि आङ्देम्बेको नाम सर्वसम्मत रूपमा प्रस्ताव गरेको प्रवक्ता देवराज चालिसेले बताए । यसअघि मोहन आचार्य र अर्जुननरसिंह केसीको नामसमेत चर्चामा रहे पनि अन्तिममा आङ्देम्बेको नाममा सहमति जुटेको हो ।...

नेपाल । संविधान संशोधनका लागि बहसपत्र तयार गर्न गठित कार्यदल, २०८२ ले सोमबार संविधान र कानुनविद्सँग छलफल गरेको छ । प्रधानमन्त्रीका राजनीतिक सल्लाहकार असीम शाह संयोजक रहेको कार्यदलले प्रधानमन्त्री तथा मन्त्रीपरिषद्को कार्यालयमा संविधान र कानुनविद्हरूसँग छलफल गरेको हो । छलफलमा कार्यदलका सदस्य सचिव लीलाधर सुवेदीले संविधान संशोधनका आवश्यक विषयमा प्रस्तुति दिनुभएको थियो । उहाँले संविधान संशोधनका लागि शासकीय स्वरूप, प्रत्यक्ष निर्वाचित कार्यकारी राष्ट्रपति, विज्ञ मन्त्री हुने, सांसद मन्त्री नहुने व्यवस्था, मन्त्रीपरिषद् गठन, मन्त्रीको जवाफदेहिता, निर्वाचन प्रणाली, विदेशमा रहेका नागरिकको मताधिकार छलफलका विषय हुनुपर्नेमा धारणा राख्नुभएको थियो । उहाँले संवैधानिक निकायको सङ्ख्या, पदाधिकारीको सङ्ख्या, पदाधिकारी नियुक्तिलाई उत्कृष्ट बनाउने उपाय जस्ता विषय संविधान संशोधनका लागि छलफलको विषय हुनुपर्नेब...

नेपाल । नेपाल प्रहरीले काठमाडौँ उपत्यकाका विभिन्न स्थानमा अतिक्रमित सुकुम्वासी बस्ती हटाउने क्रममा हालसम्म १ हजार २ सय ७२ वटा घर–टहरा भत्काएको जनाएको छ । शनिबारदेखि सुरु भएको अभियान जारी रहेको र अझै ३ सय ७८ वटा घर–टहरा हटाउन बाँकी रहेको प्रहरीको भनाइ छ । प्रहरीका अनुसार काठमाडौँ उपत्यकाअन्तर्गत थापाथली, गैरीगाउँ–बानेश्वर, मनोहरा जडीबुटी (काठमाडौँ) र मनोहरा बस्ती (भक्तपुर) क्षेत्रमा गरी कुल १ हजार ६ सय ५० वटा घर–टहरा रहेका थिए । थापाथली क्षेत्रमा शनिबार १४३ वटा घर–टहरा पूर्ण रूपमा भत्काइएको छ । उक्त स्थानका ३४ परिवारका जम्मा ११५ जनालाई उद्धार गरी कीर्तिपुरस्थित राधास्वामी सत्सङ्ग भवनमा राखिएको प्रहरीले जनाएको छ । त्यसैगरी, गैरीगाउँ बानेश्वर क्षेत्रमा कुल ५७८ वटा घर–टहरा रहेका थिए, जसमा २१५ वटा पक्की र ३६३ वटा कच्ची घर थिए । शनिबार ५६० वटा घर–टहरा भत्काइएको थियो भने आइतबार थप ५ वटा भत्क...

नेपाल । नेपालमा सोमबारदेखि ७७ वटै जिल्लामा सञ्चालन हुने कक्षा १२ को परीक्षामा ४ लाख १८ हजार ८ जना परीक्षार्थी सहभागी हुने राष्ट्रिय परीक्षा बोर्डले जनाएको छ । बोर्डका अनुसार नियमिततर्फ ३ लाख ३२ हजार १ सय ७८ र आंशिकतर्फ ८५ हजार ८ सय ३० जना विद्यार्थी सहभागी हुँदैछन्। २०७९ यताका विद्यार्थी आंशिक परीक्षामा सहभागी हुनेछन्। जापानको एभरेस्ट स्कुलबाट पनि ३६ जना विद्यार्थीले परीक्षा दिँदैछन्। गत वर्षभन्दा परीक्षार्थीको संख्या घटेपछि परीक्षा केन्द्रको संख्या पनि कम भएको परीक्षा नियन्त्रण कृष्णप्रसाद शर्माले जानकारी दिए। यस वर्ष १ हजार ४ सय २१ वटा परीक्षा केन्द्र तोकिएको छ। गत वर्ष ५ लाख ११ हजार ५ सय २५ परीक्षार्थी थिए। उक्त परीक्षाको नतिजा गत साउनमा प्रकाशित हुँदा ६१ दशमलव १७ प्रतिशत विद्यार्थी उत्तीर्ण भएका थिए। ...

नेपाल । काठमाडौँ उपत्यकाभित्रका अव्यवस्थित बस्ती हटाउने र त्यहाँका बासिन्दालाई सुरक्षित रूपमा स्थानान्तरण गर्ने सन्दर्भमा सरकारले ११ बुँदे महत्त्वपूर्ण निर्णय गरेको छ । सहरी विकास मन्त्री सुनील लम्सालको अध्यक्षतामा शुक्रबार मन्त्रालयमा बसेको सरोकारवाला निकायहरूको बैठकले वैशाख १२ र १३ गतेदेखि बस्ती खाली गर्ने कार्य अघि बढाउने निर्णय गरेको हो । बैठकका मुख्य निर्णय : सूचना र माइकिङ : जिल्ला प्रशासन कार्यालय काठमाडौँले जारी गरेको सूचना बमोजिम प्रचारप्रसार गर्ने र संरचना भत्काउनुपूर्व नै माइकिङ गरी बस्ती खाली गर्न पूर्वसूचना दिइनेछ । हटाउने र खाली गर्ने : वैशाख १२ र १३ गते संरचनाहरू हटाउन र खाली गर्न आवश्यक पर्ने मेसिनरी उपकरण तथा अन्य सामग्रीको प्रबन्ध विभिन्न निकायले तत्काल मिलाउने छन् । मानवीय उद्धार र स्वास्थ्य : उद्धारका क्रममा अशक्त, अपाङ्गता भएका व्यक्ति, बालबालिका, गर्भवती, सुत्केर...

नेपाल । प्रहरीले राप्रपाका नेता, पूर्वमन्त्री तथा निर्माण व्यवसायी विक्रम पाण्डेलाई पक्राउ गरेको छ । सार्वजनिक ठेक्का विवरण हेरफेर गरेको र ई–बिडिङको वेबसाइट ह्याक गरेको आरोपमा प्रहरीको केन्द्रीय अनुसन्धान ब्यूरो (सीआइबी) ले उनलाई पक्राउ गरेको हो।

नेपाल । प्रधानमन्त्री वालेन्द्र शाह (बालेन) ले खोलाकिनारामा रहेका सुकुमवासीको व्यवस्थापन यही सरकारले गर्ने प्रतिबद्धता जनाउनुभएको छ । खोलाकिनाराका जग्गा हडपेर बसेका सुकुमवासीलाई आइतबारसम्म खाली गर्न सुरक्षाकर्मीले निर्देशन दिएपछि सरकारको चर्को आलोचना भइरहेको अवस्थामा प्रधानमन्त्रीले बिहीबार यस्तो प्रतिबद्धता जनाउनुभएको हो । सरकारले सुकुमवासीको समस्यालाई स्थायी समाधान गर्ने सन्दर्भमा सरकारले आन्तरिक तयारी गरिरहेको पनि उहाँले बताउनुभएको छ । शुक्रबार सामाजिक सञ्जाल फेसबुकमा लामो ‘स्टाटस’ लेख्दै प्रधानमन्त्री बालेनले भन्नुभएको छः बिर्सनुभयो कि सम्झनुहुन्छ, हरेक वर्षको बाढीका कारण काठमाडौँका नदीकिनारमा रहेका हजारौँ मानिस ज्यान मात्र जोगाएर आफ्ना सबै सामान छोड्दै भाग्नुपरेको अनि सरकारले उद्धार गर्नुपरेको दृश्य! यो वर्षौँदेखिको समस्या हो र हरेक वर्ष दोहोरिने नियति पनि। यो समस्यालाई अ...

नेपाल । प्रधानमन्त्री बालेन्द्र शाहले अतिक्रमित सुकुम्बासी बस्तीहरू खाली गराउन सुरक्षा निकायका प्रमुखहरूलाई निर्देशन दिएका छन् । गृह मन्त्रालयको जिम्मेवारीसमेत सम्हालिरहेका प्रधानमन्त्री शाहले बुधबार साँझ सुरक्षा निकायका प्रमुखहरूसँगको भेटमा आउँदो शनिबार र आइतबारदेखि बस्ती हटाउने काम सुरु गर्न निर्देशन दिएका हुन् । प्रधानमन्त्री कार्यालय स्रोतका अनुसार बस्ती हटाउने अभियान काठमाडौं उपत्यकाबाटै सुरु गरिनेछ । शाह काठमाडौं महानगरपालिकाका मेयर रहेका बेला पनि सुकुम्बासी बस्ती हटाउने प्रयास गरेका थिए । तर, त्यसबेला सुकुम्बासीहरूको प्रतिवादका कारण उक्त प्रयास सफल हुन सकेको थिएन । प्रधानमन्त्री भएपछि पुनः उनले अतिक्रमित रूपमा बसोबास गरिरहेका बस्तीहरू हटाउन सुरक्षा निकायलाई निर्देशन दिएका हुन् । यसैबीच प्रधानमन्त्री शाहको निर्देशन पछि काठमाडौंको सुकुमबासी बस्ती हटाउने तयारी थालिएको छ । बिहीबार ...