राजनीति/समाज

-नातिबाबु भट्ट (कोलोराडो, अमेरीका) । अमेरिकामा रहेका नेपाली हाईस्कुल तहका विद्यार्थीलाई लक्षित गर्दै कलेज तयारी, नेतृत्व विकास तथा भविष्यको सफलतासम्बन्धी विशेष वेबिनार आयोजना हुने भएको छ। अमेरिकन सोसाइटी अफ नेपलिज इन्जिनियर्स (ASNEngr) ले नेपलिज युथ अफ अमेरिका (NYA) सँगको समन्वयमा आगामी अगस्ट २३, २०२६, आइतबार उक्त वेबिनार आयोजना गर्न लागेको हो। ASNEngr ले विद्यार्थी तथा युवाका लागि कलेज तयारी र शैक्षिक अवसर सम्बन्धी कार्यक्रमलाई आफ्नो शैक्षिक तथा मार्गदर्शन गतिविधिको एक हिस्साका रूपमा अघि बढाउँदै आएको छ। “College Readiness • Leadership • Future Success” शीर्षकमा आयोजना हुने कार्यक्रममा हाईस्कुल तहका नेपाली विद्यार्थीलाई अमेरिकी कलेज शिक्षा तथा भविष्यको करियर यात्राका लागि आवश्यक तयारीबारे व्यावहारिक जानकारी दिइने आयोजकले जनाएको छ। कार्यक्रममा कलेज आवेदन प्रक्रिया, छात्रवृत्ति, विद्यार्थ...

नेपाल । नेपाली कांग्रेसका सभापति गगनकुमार थापाले पूर्वसभापति शेरबहादुर देउवालगायत तत्कालीन सत्ताको नेतृत्वप्रति कटाक्ष गर्दै निर्वाचनमा बहुमत वा दुई तिहाइ प्राप्त हुँदैमा जनताको समर्थन सधैँ कायम रहन्छ भन्ने सोच गलत भएको बताएका छन् । नन्दप्रसाद जानुका फाउन्डेसनद्वारा आयोजित पुस्तक विमोचन तथा सम्मान कार्यक्रममा बोल्दै थापाले आफूले तत्कालीन कांग्रेस नेतृत्वलाई नागरिकको असन्तुष्टिबारे पटक–पटक सचेत गराए पनि त्यसलाई गम्भीर रूपमा नलिइएको बताए । उनले लोकतन्त्रमा निर्वाचनबाट प्राप्त संख्या मात्रै पर्याप्त नहुने बताए । जनताको निरन्तर समर्थन, नैतिक नेतृत्व र नागरिकको विश्वास पनि उत्तिकै महत्वपूर्ण हुने उनको भनाइ थियो । तत्कालीन पार्टी सभापति शेरबहादुर देउवा र केपी शर्मा ओलीसँग आफूले पटक–पटक असहमति तथा चिन्ता राखेको स्मरण गर्दै उनले त्यसबेला आफूहरूले देखेका समस्या र दिएका सुझावलाई नेतृत्वले गम्भीर ...

नेपाल । नेपाली कम्युनिस्ट पार्टीका संयोजक पुष्पकमल दाहाल प्रचण्डले संघीय लोकतान्त्रिक गणतन्त्रका निम्ति गरिएको आन्दोलनको मुख्य नेतृत्वकर्ता भएकाले पार्टीकै काँधमा धेरै ठूलो जिम्मेवारी रहेको बताएका छन्। बागमती प्रदेश कमिटीको बैठकलाई सम्बोधन गर्दै विगतमा पञ्चायती निरङ्कुशता विरोधीदेखि निरङ्कुश राजतन्त्र विरोधी आन्दोलन गरेको स्मरण गरे। उनले जनताको अधिकारमाथिको हमला नरोकिए सडकबाटै प्रतिवाद गर्नुपर्ने हुनसक्ने बताए। लाखौँ क्रान्तिकारी कार्यकर्ता र नेताहरूको जमात भएको पार्टी नेकपा नै भएको जिकिर थरे। उनले गत भदौ २४ गतेको विध्वंस देखिसकेपछि सम्भव भएसम्म विचार, राजनीति, सङ्गठनमा मूलभूत रूपमा समानता राख्नेहरू मिलेर जानुपर्ने निष्कर्ष निकालेको बताए। ...

नेपाल । रास्वपा संसदीय दलको विधान संशोधनका लागि मुख्य सचेतक कविन्द्र बुर्लाकोटीको संयोजकत्वमा १५ सदस्यीय कार्यदल गठन भएको छ। कार्यदलका सदस्यहरूमा प्रकाशचन्द्र परियार, क्रान्तिशिखा धिताल, गणेश कार्की, सुलभ खरेल, गजला समिम मिकरानी, मोहनलाल आचार्य, कामिनी चौधरी, पुकार बम, राम लामा, टीका सङ्ग्रौला, शिवजी यादव, पुष्पा चौधरी र समिना मियाँ रहेका छन् । ...

नेपाल । बागमती प्रदेशका मुख्यमन्त्रीमा नेपाल कम्युनिष्ट पार्टी (एमाले) का किरण थापा मगर नियुक्त भएका छन् । बागमती प्रदेश प्रमुख दीपकप्रसाद देवकोटाले नेपालको संविधानको धारा, १६८ को उपधारा २ अनुसार थापा मगरलाई मुख्यमन्त्रीमा नियुक्त गरे । उनलाई राष्ट्रिय प्रजातन्त्र पार्टी र नेपाली कम्युनिस्ट पार्टीको समर्थन रहेको छ ।...

नेपाल । राष्ट्रिय स्वतन्त्र पार्टीका सभापति रवि लामिछानेले अख्तियार दुरुपयोग अनुसन्धान आयोगमाथि कुनै किसिमको राजनीतिक हस्तक्षेप नहुने स्पष्ट पार्नुभएको छ । राज्य व्यवस्था तथा सुशासन समितिको बिहीबारको बैठकमा ‘अख्तियार दुरुपयोग अनुसन्धान आयोगको कामकारबाहीका सम्बन्धमा पदाधिकारीसँगको छलफल’मा उहाँले बिना पूर्वाग्रह काम गरेर इतिहास रच्न आयोगका पदाधिकारीलाई सुझाव दिनुभयो । सभापति लामिछानेले भ्रष्टाचार सम्बन्धी अनुसन्धान र अभियोजनलाई व्यवस्थित र वस्तुनिष्ठ बनाउन आग्रह गर्नुभयो ।...

नेपाल । रास्वपाका सभापति रवि लामिछानेले संसद्को मर्यादा कायम गर्ने प्रमुख जिम्मेवारी आफ्नै पार्टीको रहेकोले सांसदहरूलाई थप मर्यादित र जिम्मेवार बन्न आग्रह गरेका छन् । बुधबार सभापति लामिछानेले ठूलो राजनीतिक दलमा धेरै सांसदहरू हुँदा कहिलेकाहीँ बोल्ने क्रममा एक–दुई जनाबाट विवादित अभिव्यक्ति आउन सक्ने भए पनि त्यसलाई समग्र पार्टीको धारणाको रूपमा बुझ्न नहुने स्पष्ट पारे । पछिल्लो समय संसद्मा पार्टीका सांसदहरूको प्रस्तुति, उठाइएका विषयहरू र सरकारका कामकारबाहीबारे नागरिकस्तरबाट उठेका प्रश्नहरूप्रति लक्षित गर्दै बुधबार उनले सांसदहरूसँग आन्तरिक अन्तरक्रिया तथा छलफल गरिएको जानकारी दिए । सरकार, मन्त्रालय तथा मन्त्रीहरूको कार्यशैलीप्रति पार्टीभित्र कुनै असन्तुष्टि भए नभएको विषयमा समेत छलफल भएको र संसद्मा जनसवालका मुद्दाहरूलाई अझ बढी परिपक्व ढङ्गले उठाउन अभिमुखीकरण कार्यक्रमहरू सञ्चालन गरिने उनले बता...

नेपाल । सरकारले शिक्षण सहयोग अनुदान कोटामा कार्यरत शिक्षक तथा कर्मचारीको तलब वृद्धि गर्ने निर्णय गरेको छ । यो निर्णयसँगै प्रारम्भिक बाल विकास (इसिडी) सहजकर्ता, विद्यालय कर्मचारी र विद्यालय सहयोगीको तलब वृद्धि हुने छ । सरकारका प्रवक्ता एवं शिक्षा तथा खेलकुदमन्त्री सस्मित पोखरेलले बुधबार सिंहदरबारमा बसेको मन्त्रीपरिषद् बैठकका निर्णय सार्वजनिक गर्दै माध्यमिक तह (कक्षा ९–१०) र आधारभूत तह (कक्षा ६–८) मा शिक्षण सहयोग अनुदान कोटामा कार्यरत शिक्षकको तलब क्रमशः माध्यमिक तृतीय श्रेणी र निम्न माध्यमिक तृतीय श्रेणीका शिक्षकको सुरु तलब बराबर कायम गर्ने निर्णय भएको जानकारी दिनुभयो । यसै गरी सरकारले प्रारम्भिक बाल विकास सहजकर्ता, विद्यालय कर्मचारी र विद्यालय सहयोगीका लागि सङ्घीय सरकारले उपलब्ध गराउँदै आएको पारिश्रमिक अनुदानमा मासिक पाँच हजार रुपियाँका दरले वृद्धि गर्ने निर्णय गरेको छ । मन्त्री पोखरेलका...

नेपाल । भारतका स्थल सेनाध्यक्ष जनरल धीरज सेठ नेपालको चारदिने औपचारिक भ्रमण पूरा गरी बुधबार स्वदेश फिर्ता हुनुभएको छ । प्रधान सेनापति अशोकराज सिग्देलको औपचारिक निमन्त्रणामा नेपाल भ्रमणमा आउनुभएका सेनाध्यक्ष सेठलाई त्रिभुवन अन्तर्राष्ट्रिय विमानस्थलमा बलाधिकृत रथी प्रदीपजङ्ग केसीले बिदाइ गर्नुभएको थियो । भ्रमणका क्रममा सेनाध्यक्ष सेठलाई राष्ट्रपति रामचन्द्र पौडेलले नेपाली सेनाको मानार्थ महारथीको दर्जाबाट सुशोभित गर्नुभएको थियो । उहाँले राष्ट्रपति पौडेल, प्रधानमन्त्री एवं रक्षामन्त्री वालेन्द्र शाह र प्रधान सेनापति सिग्देलसँग छुट्टाछुट्टै शिष्टाचार भेट गर्नुभएको थियो । सेनाध्यक्ष सेठको यो भ्रमणले दुई देशबिच रहँदै आएको सौहार्दपूर्ण सैनिक सम्बन्धलाई अझ सुमधुर एवं प्रगाढ बनाउन मद्दत पुगेको नेपाली सेनाले जनाएको छ । ...

नेपाल । सुदूरपश्चिम प्रदेश सभा सदस्य तथा पूर्वभौतिक पूर्वाधार विकास मन्त्री प्रकाशबहादुर देउवालाई पदमुक्त गरिएको छ । सुदूरपश्चिम प्रदेश सभाका सचिव देवबहादुर बोगटीले नेपालको संविधान र प्रदेश सभा नियमावलीको प्रावधानअनुसार लगातार १० भन्दा बढी बैठकमा बिना सूचना अनुपस्थित रहेका कारण उनलाई पदमुक्त गरिएको जानकारी दिए । मंगलबार नै सभामुख भीमबहादुर भण्डारीले देउवालाई पदमुक्त गर्नेसम्बन्धी निर्णय गरेको उनले बताए । नेपालको संविधानको धारा १८० को (घ) मा प्रदेशसभा सदस्यको स्थान रिक्त हुनेसम्बन्धी व्यवस्था गरिएको छ । उक्त दफामा सूचना नदिई लगातार १० वटा बैठकमा अनुपस्थित हुने प्रदेशसभा सदस्यको पद रिक्त हुने व्यवस्था छ । यस्तै, सुदूरपश्चिम प्रदेशसभा नियमावली, २०८० ले पनि सोहीअनुसार व्यवस्था गरेको छ । देउवा गत वर्ष भदौ २८ गते जेनजी आन्दोलनलगत्तै व्यक्तिगत कामका लागि अमेरिका गएका थिए । उनी यसयता न...