राजनीति/समाज

नेपाल । विभिन्न पेसागत माग राखेर २८ दिनदेखि आन्दोलरत शिक्षक र सरकारबिच मङ्गलबार साँझको वार्ता सहमतिनजिक पुगेको छ । वार्तामा सहभागी दुवै पक्षका सदस्यका अनुसार सहमतिबारे बुधबार औपचारिक घोषणा हुने छ । सहमति भएपछि शिक्षकहरू पनि बुधबारदेखि नै आन्दोलनबाट विद्यालय फर्किने छन् । मङ्गलबार शिक्षा, विज्ञान तथा प्रविधि मन्त्रालयमा राति साढे १० बजेसम्म वार्ता भएको थियो । वार्तामा शिक्षकले उठाएका मागमध्ये मन्त्रीपरिषद्बाट निर्णय गराउन सकिने मागमा दुवै पक्षबिच सहमति भएको शिक्षा मन्त्रालयका प्रवक्ता शिवकुमार सापकोटाले बताउनुभयो । तर तत्काल पूरा गर्न सकिने मागमा मन्त्रीपरिषद्ले निर्णय गरे पनि विद्यालय शिक्षा ऐन आउने सुनिश्चितता गराउने विषयमा थप छलफल गर्नुपर्ने भएका कारण मङ्गलबार निर्णय नभएको हो । शिक्षा विधेयक अहिले संसद्को शिक्षा, स्वास्थ्य तथा सूचना प्रविधि समितिमा छलफलकै क्रममा छ । छलफलकै क्रममा रहे...

नेपाल । प्रथम जननिर्वाचित प्रधानमन्त्री बिपी कोइरालाले नेपालको विकासका लागि बोक्नुभएको समाजवादी चिन्तनको सार्थक कार्यान्वयनको विषयमा लेखिएको पुस्तक ‘बिपीको समाजवाद र स्थानीय सरकार’ लोकार्पण गरिएको छ । बिपी कोइराला सोसलिस्ट इन्टरनेसनल नेपालद्वारा सोमबार राजधानीमा आयोजित कार्यक्रममा पूर्वराष्ट्रपति डा. रामवरण यादव, डा। शेखर कोइरालालगायतले पुस्तक लोकार्पण गर्नुभयो । पूर्वराष्ट्रपति डा. यादवले बिपी कोइरालाको सिद्धान्तलाई बुझ्न उहाँले लेख्नुभएका जेल जर्नल, उहाँको आत्मवृत्तान्त र सकेसम्म सबै पुस्तकको पनि अध्ययन गर्न आग्रह गर्नुभयो । बिपी कोइराला सोसलिस्ट इन्टरनेसनल नेपालका अध्यक्ष इन्दिरा थापाले बिपीले नेपालको विकास समाजवादको कार्यान्वयनबाट मात्र हुन सक्छ भनेर लिनुभएको समाजवादको सिद्धान्तलाई स्थानीय सरकारसँग समन्वय गरेर कसरी देश विकास गर्ने भन्ने सन्दर्भमा पुस्तक तयार भएको बताउनुभयो । लेखक सि...

नेपाल । नेपाली कांग्रेसका महामन्त्री गगन थापाले नेकपा एमालेसँग भएको सहमति अनुसार चल्न आफूहरू प्रतिबद्ध रहेको बताएका छन् । सोमबार राजधानीमा नेपाली काँग्रेसको उद्योग व्यापार विभागद्वारा आयोजित अन्तरक्रिया कार्यक्रमलाई सम्बोधन गर्दै सरकारमा बस्नको लागि सरकार बनाएर नहुने उनले बताए । सरकारले नागरिकमा देखिएको बेचैनीलाई सम्बोधन गर्नेगरी काम गर्नुपर्ने महामन्त्री थापाको भनाई थियो ।...

नेपाल । पूर्वप्रधानमन्त्री तथा नेपाल समाजवादी पार्टी (नयाँ शक्ति) का अध्यक्ष डा बाबुराम भट्टराई र भारतीय रक्षामन्त्री राजनाथ सिंहबीच भेटवार्ता भएको छ । प्रगतिशील नेपाली समाजको अधिवेशनमा भाग लिन शुक्रबार भारत पुगेका अध्यक्ष भट्टराई र भारतीय रक्षामन्त्री सिंहबीच सोमबार नयाँ दिल्लीमा भेटवार्ता भएको हो । भेटका क्रममा उनीहरूबीच दुई देशको सम्बन्धलाई थप प्रगाढ बनाउनेबारे सकारात्मक छलफल भएको पूर्वप्रधानमन्त्री भट्टराईको सचिवालयले जनाएको छ । सचिवालयका अनुसार विशेषगरी दुई देशबीचको आर्थिक सम्बन्धलाई कसरी नयाँ उचाइमा पुर्याउने र थप प्रभावकारी बनाउने भन्नेबारे छलफल भएको थियो । भेटमा अध्यक्ष भट्टराईले भारतको कश्मिर क्षेत्रको पहलगाममा भएको आतङ्कवादी हमलाबारे दुःख व्यक्त गर्दै निन्दा तथा भत्सर्ना गरेका थिए ।...

नेपाल । सरकार र नेपाल शिक्षक महासंघबीच सोमबार भएको वार्ता सकारात्मक देखिएको छ । सत्तारुढ दल कांग्रेस, एमालेका नेताहरुसहित भएको वार्ताले निष्कर्ष नजिक पुगेको हो । कांग्रेसका उपसभापति पूर्णबहादुर खड्काको निवासमा बैठक भएको थियो । तत्कालीन शिक्षामन्त्री विद्या भट्टराईले तयार पारेको ७ बुँदे प्रस्तावकै वरिपरि रहेर सहमति जुटाउने प्रयास भएको बुझिएको छ । वार्तामा कांग्रेस उपसभापति पूर्णबहादुर खड्का, अर्थमन्त्री विष्णु पौडेल, गृहमन्त्री रमेश लेखक, शिक्षामन्त्री रघुजी पन्त, एमाले महासचिव शंकर पोखरेल, कांग्रेस महामन्त्री गगन थापा र विश्वप्रकाश शर्मा सहभागी थिए । त्यस्तै शिक्षक महासंघका तर्फबाट अध्यक्ष लक्ष्मीकिशोर सुवेदीसहित ३ जना सहभागी थिए । ...

नेपाल । सरकारले आगामी आर्थिक वर्षको नीति तथा कार्यक्रम प्रस्तुत गर्न राष्ट्रपति रामचन्द्र पौडेलसमक्ष सिफारिस गर्ने निर्णय गरेको छ । सोमबार बसेको मन्त्रीपरिषद् बैठकले यस्तो निर्णय गरेको सरकारका प्रवक्ता एवं सूचना, सञ्चार तथा प्रविधिमन्त्री पृथ्वीसुब्बा गुरुङले जानकारी दिनुभयो । संविधानको धारा ९५ बमोजिम संघीय संसद्को दुवै सदनलाई राष्ट्रपतिले सम्बोधन गर्न आगामी वैशाख १९ गते दिउँसो ३ बजे कार्यतालिका राखिएको उहाँले बताउनुभयो । मन्त्रीपरिषद् बैठकले विभिन्न मन्त्री र कर्मचारीको विदेश भ्रमणसम्बन्धी निर्णय गरेको पनि उहाँले जानकारी गराउनुभयो । मन्त्री गुरुङले मङ्गलबार वा बुधबारसम्म शिक्षा मन्त्रालय र शिक्षकबिच सहमति हुने विश्वास व्यक्त गर्नुभयो ।...

नेपाल । राप्रपाका अध्यक्ष राजेन्द्र लिङ्देनले कोटेश्वरस्थित भाटभटेनीमा भएको तोडफोड र लुटपाटमा कांग्रेसका एक सहमहामन्त्रीका छोरासमेत संलग्न भएको अभिव्यक्तिप्रति ध्यानाकर्षण भएको जनाएको छ । कांग्रेसको केन्द्रीय सूचना, सञ्चार तथा प्रचार विभागले विज्ञप्तिमार्फत कांग्रेसका एक सहमहामन्त्रीका छोरासमेत संलग्न भएको, प्रहरीद्वारा समातिएको र गृहमन्त्रीको आदेशले उनको रिहाइ गरिएको भनी अध्यक्ष लिङ्देनले दिएको अभिव्यक्ति भ्रमपूर्ण रहेको भन्दै भर्त्सना र निन्दा गरेको छ । कांग्रेसले राप्रपाका कार्यकर्ताहरुले गरेका अवाञ्छित क्रियाकलाप र लुटपाटको ढाकछोप गर्न सो अवाञ्छित कार्यको दोष एक जिम्मेवार र सभ्य नागरिकमाथि लगाएको भन्दै निन्दा गरेको छ । यही वैशाख १२ गते राप्रपा अध्यक्ष लिङ्देनले संसदमा आफ्नो मन्तव्यका क्रममा सो अभिव्यक्ति दिएका थिए । एउटा राजनीतिक पार्टीका अध्यक्षकोतर्फबाट संसदमा आधारहीन कुरा प्रस्तु...

नेपाल । विद्यालय शिक्षा ऐन जारी हुनुपर्ने र उक्त ऐनमा पेसागत हकअधिकार सुनिश्चित हुनुपर्ने माग गर्दै आन्दोलनमा उत्रेको नेपाल शिक्षक महासंघसँग शिक्षा, विज्ञान तथा प्रविधि मन्त्रालयले शनिबार वार्ता गरेको छ । मन्त्रालयमा भएको वार्तामा आन्दोलनरत शिक्षकले आफूहरूको माग र आन्दोलनबाट फिर्ता हुनुअघि मन्त्रालयले पूरा गर्नुपर्ने न्यूनतम सर्तहरू प्रस्तुत गरेका थिए । पहिलो दिनको औपचारिक वार्ता भएका कारण मन्त्रालयले शिक्षकका मागबारे जानकारी मात्रै लिएको थियो । दुवै पक्षले थप छलफल गरेर अर्को दिन पनि वार्ता गर्ने सहमति गरेका छन् ।...

नेपाल । नेपाली कांग्रेसका नेता एवम् पूर्वस्वास्थ्य राज्यमन्त्री तीर्थराम डङ्गोलको गएराति निधन भएको छ । लामो समयदेखि प्रोष्टेज क्यान्सर र मिर्गौलाको उपचार गराइरहेका डङ्गोलको शुक्रबार राति सिनामङ्गलस्थित केएमसी अस्पतालमा निधन भएको उनको परिवार स्रोतले जनाएको छ । विसं २००४ सालमा काठमाडौँमा जन्मिएका ७७ वर्षीय उनी कांग्रेस काठमाडौँको कोषाध्यक्ष र जिल्ला सभापति तथा काठमाडौँ महानगरपालिकाको पूर्वउपप्रमुख समेत थिए ।...

नेपाल । प्रधानमन्त्री एवं नेकपा (एमाले) का अध्यक्ष केपी शर्मा ओलीले नेपाली कांग्रेसका सभापति शेरबहादुर देउवा थाइल्याण्डबाट फर्केपछि सरकार ढल्छ भनेर भ्रम फैलाउनेहरु अहिले फत्रक्क गलेका टिप्पणी गरेका छन् । नेकपा (एमाले) संसदीय दलको बैठकमा उनले त्यस्ता भ्रमको पछाडि नलागेर आफ्नो काम र ‘मिसन’ मा केन्द्रित हुन दलका सांसदहरुलाई निर्देशन दिएको प्रधानमन्त्रीको निजी सचिवालयले जनाएको छ । ‘ प्रतिगमनकारीहरुले आन्दोलनका नाममा हिंसात्मक तथा संविधानविरोधी गतिविधि गरेकाले त्यसको सशक्त प्रतिकार गर्नुपर्नेमा जोड दिँदै संसदीय दलका नेता नेता ओलीले अवाञ्छाति गतिविधि गर्नेलाई कानुनको दायरामा ल्याउन सरकार पछि नपर्ने बताए । अमेरिकी सरकारसँग भएको सम्झौता र दुवै देशका संसदबाट पारित मिलेनियम च्यालेन्ज कर्पोरेशन (एमसीसी) अमेरिकी पक्षबाट बन्द गरिएको सन्दर्भ उल्लेख गर्दै प्रधानमन्त्री ओलीले अब नेपालले आफ्नो विकास अरुक...