खेलकुद

नेपाल । फिफा विश्वकपको समूह सीको खेलमा ब्राजिलले स्कटल्यान्डलाई पराजित गर्दै समूहको शिर्षमा रहँदै नकआउट चरणमा प्रवेश गरेको छ। मयामी स्टेडियममा भएको खेलमा ब्राजिलले स्कटल्यान्डलाई ३–० ले पराजित गरेको हो । पहिलो हाफमा २–० को अग्रता बनाएको ब्राजिलले दोस्रो हाफमा १ गोल थप्यो । पहिलो हाफमा भिनिसियस जुनियरले २ गोल गरेका थिए । दोस्रो हाफमा म्याथेयस कुन्हाले गोल थपे। ब्राजिल र स्कटल्यान्डबिचको खेलमा भिनिसियस जुनियरले खेलको सातौं मिनेटमा गोल गरेका छन् । उनले स्कटल्यान्डका गोलकिपरले राम्रोसँग कलेक्ट गर्न नसकेको बललाई गोलमा परिणत गरेका हुन् । खेलको पहिलो हाफमा थप गरिएको तेस्रो मिनेटमा भिनिसियस जुनियरले हेडरमार्फत गोल गर्दै खेललाई ब्राजिलको पक्षमा ल्याए। दोस्रो हाफमा पनि स्टकल्यान्डमाथि ब्राजिलकै दबदबा रह्यो। दोस्रो हाफमा खेलको ६० औं मिनेटमा म्याथेयस कुन्हाले २ डिफेन्डरलाई बिट गर्दै राम्रो गोल गरे।...

नेपाल । कोलम्बिया फिफा विश्वकप २०२६ को नकआउट चरणमा प्रवेश गरेको छ । दोस्रो चरणको अन्तिम प्रतियोगिता अन्तरगत समूह ‘के’ मा डीआर कंगोलाई १–० ले हराउँदै ६ अंकका साथ अन्तिम ३२ मा स्थान बनाएको हो । मेक्सिकोको स्टाडियो ग्वाडालाजारामा भएको खेलको एक मात्र गोल ड्यानिएल मुनोजले गरे ।

नेपाल । फिफा विश्वकप अन्तर्गत समूह एलको खेलमा घानाले पूर्व च्याम्पियन इंग्ल्यान्डलाई गोलरहित बराबरीमा रोकेको छ । बोस्टनमा भएको यस खेलमा अंक बाँडेसँगै दुवै टोली नकआउट चरण (राउन्ड अफ ३२) को नजिक पुगेका छन्। यो नतिजासँगै इंग्ल्यान्ड र घाना समूहको शीर्ष दुई स्थानमा कायम रहेका छन्। अब समूह चरणको अन्तिम खेलमा इंग्ल्यान्डले पानामा र घानाले क्रोएसियाको सामना गर्नेछन्, जहाँ दुवै टोलीलाई अर्को चरणमा स्थान सुरक्षित गर्न मात्र १–१ अंक (बराबरी) को आवश्यकता पर्नेछ। यसैगरी फिफा विश्वकपमा वैकल्पिक खेलाडी बुदिमिरको गोलमा क्रोएसियाले पहिलो जित निकालेको छ। समूह एलको निकै नै रोमाञ्चक र निर्णायक खेलमा क्रोएसियाले पानामाविरुद्ध १–० को जित निकालेको हो। क्यानडाको टोरोन्टो स्टेडियम भएको खेलमा क्रोएसियाले विश्वकपको नकआउट यात्रा कायमै राखेको छ। खेलको पहिलो हाफ गोलरहित बराबरीमा सकिए पनि क्रोएसियाले दोस्रो हाफको ...

नेपाल । पोर्चुगलका भेट्रान स्ट्राइकर क्रिस्टियानो रोनाल्डोले फुटबल इतिहासमा अर्को अभूतपूर्व कीर्तिमान कायम गरेका छन्। जारी फिफा विश्वकप अन्तर्गत समूह केको खेलमा पोर्चुगलले उज्बेकिस्तानलाई ५–० को फराकिलो अन्तरले पराजित गर्दा रोनाल्डोले दुई गोल गर्दै इतिहास रचेका हुन्। यो जितसँगै ४१ वर्षीय रोनाल्डो ६ वटा फरक–फरक विश्वकप संस्करणमा गोल गर्ने विश्वकै पहिलो खेलाडी बनेका छन्। यसअघि उनले अर्जेन्टिनाका लियोनेल मेस्सीसँगै ५ वटा विश्वकपमा गोल गरेको कीर्तिमान साझेदार गरेका थिए।  ...

नेपाल । नवप्रवेशी जोर्डन एक खेल अगावै फिफा विश्वकप–२०२६ को समूह चरणबाट बाहिरिएको छ । समूह ‘जे’ अन्तर्गत लेभिस स्टेडियममा मङ्गलबार बिहान भएको खेलमा अल्जेरियाले जोर्डनलाई २–१ गोलले हरायो । एसियाली टोली जोर्डनले सुरुवाती गोल गरे पनि हार टार्न सकेन । जोर्डनका लागि ३६औँ मिनेटमा निजार अल–रशदानले सुरुवाती अग्रता दिलाउनुभएको थियो । दोस्रो हाफमा खेलमा फर्किएको अल्जेरियाले ६९औँ मिनेटमा बराबरी गोल फर्कायो । नाधिर बेनबोउलीले हेडगोल गर्दै खेललाई बराबरीमा ल्याउनुभयो । त्यसपछि ८२औँ मिनेटमा अमिन गुइरीले उत्कृष्ट गोल गर्दै अल्जेरियाको नकआउट सम्भावना जिवित बनाउनुभयो । पहिलो जितसँगै दुई खेलबाट तीन अङ्क बनाएको अल्जेरिया समूहको तेस्रो स्थानमा छ । समान तीन अङ्क बनाएको अस्ट्रिया गोल अन्तरका आधारमा दोस्रो स्थानमा छ । शीर्षस्थानमा रहेको साविक विजेता अर्जेन्टिना ६ अङ्क जोड्दै नकआउट चरणमा पुगिसकेको छ । सोमबार र...

नेपाल । फिफा विश्वकप २०२६ अन्तर्गत न्यूजर्सी स्टेडियममा भएको समूह चरणको एक निकै नै रोमान्चक र तनावपूर्ण खेलमा नर्वेले अफ्रिकी च्याम्पियन सेनेगललाई ३–२ गोल अन्तरले पराजित गरेको छ। खेलको अन्तिम समयसम्म निकै प्रतिस्पर्धात्मक बनेको यस खेलमा नर्वेलाई जिताउन स्टार स्ट्राइकर एर्लिङ हालान्डले उत्कृष्ट प्रदर्शन गरे। मार्कस होल्मग्रेन पेडेरसनले खेलको ४३औँ मिनेटमा गोल गर्दै नर्वेलाई सुरुवाती अग्रता दिलाएका थिए। पहिलो हाफमा १–० गोलले अगाडि रहेको नर्बेले दोस्रो हाफ सुरु भएको लगत्तै स्टार खेलाडी एर्लिङ हालान्डले गोल गर्दै नर्वेको अग्रता दोब्बर बनाए। सेनेगलका इस्माइला सारले ५३औँ मिनेटमा गोल गर्दै टोलीलाई खेलमा फर्काउने प्रयास गरे। सेनेगलले गोल फर्काएको ५ मिनेट नबित्दै हालान्डले व्यक्तिगत दोस्रो गोल गर्दै नर्वेलाई ३–१ को बलियो स्थितिमा पुर्‍याए। खेलको अन्तिम समय (इन्जुरी समय) मा सेनेगलका इस्माइला सारले...

नेपाल । स्टार स्ट्राइकर किलियन एम्बापेको उत्कृष्ट दुई गोलको मद्दतले फ्रान्सले फिफा विश्वकप २०२६ मा इराकमाथि ३–० को सहज र सानदार जित दर्ता गरेको छ। फिलाडेल्फिया स्टेडियममा भएको खेलमा फ्रान्सले पूर्ण रूपमा दबाब कायम राखेको थियो। खेलको सुरुवातदेखि नै आक्रामक बनेको फ्रान्सका लागि १४औँ मिनेटमा किलियन एम्बापेले पहिलो गोल गर्दै टोलीलाई सुरुवाती अग्रता दिलाएका थिए। पहिलो हाफपछि केहीबेर वर्षाले रोकिएको खेलको दोस्रो हाफमा फ्रान्स थप आक्रामक देखियो। खेलको ५४औँ मिनेटमा एम्बापेले व्यक्तिगत दोस्रो गोल गर्दै फ्रान्सको अग्रता दोब्बर बनाए। उनको यो विश्वकपमा १६ खेलबाट १६ गोल भएको छ। त्यसपछि खेलको ६६औँ मिनेटमा ओस्मान डेम्बेलेले अर्को उत्कृष्ट गोल थपेपछि फ्रान्सले इराकमाथि ३–० को सहज जित सुनिश्चित गर्‍यो। इराकले फ्रान्सेली रक्षापङ्क्तिलाई तोड्न खासै अवसर पाउन सकेन। लगातार दोस्रो जितसँगै फ्रान्स विश्वकपको ...

नेपाल । अर्जेन्टिना फिफा विश्वकप २०२६ को नकआउट चरणमा प्रवेश गरेको छ । खेलमा अष्ट्रियालाई २–० गोलले हराउँदै अर्जेन्टिना राउन्ड अफ ३२ मा पुगेको हो। अर्जेन्टिनाको जितमा दुवै गोल कप्तान लियोनल मेसीले गरे। उनले खेलको ३८ औं मिनेटमा पहिलो गोल गरेका हुन्। उक्त गोलसँगै मेसीले फिफा विश्वकप इतिहासमा सर्वाधिक गोल गर्ने खेलाडीको नयाँ कीर्तिमान बनाए। मेसीले विश्वकपमा आफ्नो कुल गोल संख्या १७ पुर्‍याए। यससँगै उनले जर्मनीका पूर्व फरवार्ड मिरोस्लाभ क्लोजको १६ गोलको कीर्तिमान तोडेका हुन्। ३८ वर्षीय मेसीले गत साता अल्जेरियाविरुद्ध ३–० को जितमा ह्याट्रिक गर्दै क्लोजको कीर्तिमान बराबरी गरेका थिए। मेसी यति मै रोकिएनन्। खेल सकिनै लाग्दा इन्जुरी समयमा मेसीले व्यक्तिगत तथा टोलीका लागि दोस्रो गोल गर्दै टोलीलाई २–० को जित दिलाए। योसँगै विश्वकपमा उनको गोल संख्या १८ पुग्यो। समूह जे अन्तर्गत अर्जेन्टिनाको दुई खेलबा...

नेपाल । युवा खेलाडी लामिन यामालको सशक्त पुनरागमन र मिकेल ओयार्साबालको उत्कृष्ट दुई गोलको मद्दतले फिफा विश्वकपमा स्पेनले साउदी अरेबियामाथि ४–० को सहज जित हासिल गरेको छ। पहिलो खेलमा नयाँ टोली केप भर्डेसँग को बराबरीमा रोकिएको स्पेनले यो खेलमा भने सुरुदेखि नै पूर्ण दबाब बनाएको थियो । मुख्य प्रशिक्षक लुइस डे ला फुएन्तेको टोलीले खेलको पहिलो हाइड्रेशन ब्रेक अगावै ३–० को अग्रता लिइसकेको थियो । यता, फिफा विश्वकप अन्तर्गत समूह जीको खेलमा बेल्जियम र इरानबिचको प्रतिस्पर्धात्मक खेल गोलरहित बराबरीमा सकिएको छ । लस एन्जलसमा भएको यस खेलमा दुवै टोलीले गोलका केही राम्रा अवसरहरू पाए पनि गोलकिपरहरूको उत्कृष्ट प्रदर्शनका कारण अंक बाँड्न बाध्य भए। यो बराबरीसँगै दुवै टोलीले २ खेलबाट समान २–२ अंक जोडेका छन् । उता फिफा विश्वकप अन्तर्गत समूह एचको रोमान्चक र नाटकीय खेलमा डेब्युट्यान्ट टोली केप भर्डेले पूर्व विजेत...

नेपाल । एसियाली पावर हाउस जापानले फिफा विश्वकपमा ट्युनिसियामाथि सनसनीपूर्ण जित निकालेको छ । समूह ‘एफ’ अन्तर्गत मोन्टेरी स्टेडियम आइतबार बिहान भएको खेलमा जापानले ट्युनिसियालाई ४–० गोलले हरायो । एकपक्षीय खेलमा जापानले पहिलो र दोस्रो हाफमा दुई दुई गोल गरेको थियो । जापानका लागि कामाडाले खेल सुरुभएकामे चौथो मिनेटमै गोल गर्नुभयो । उयदाले ३१औँ मिनेटमा गोल गर्दै जापानको अग्रता दोब्बर बनाउनुभयो । त्यसपछि इटोले ६९औँ र उयदाले ८३औँ मिनेटमा व्यक्तिगत दोस्रो गोल थप्दै जापानलाई सजिर्लै जिताउनुभयो । जितसँगै दुई खेलबाट चार अङ्क बनाएको जापानले नकआउट सम्भावना बलियो बनाएको छ । जापान समूहको दोस्रो स्थानमा छ । लगातार दोस्रो हार खेपेको ट्युनिसिया एक खेल अगावै विश्वकपको समूह चरणबाट बाहिरिएको छ । यही समूहको अर्को खेलमा नेदरल्यान्ड्सले स्वीडेनलाई ५–१ गोलले हराउँदै अघिल्लो चरणमा पुग्ने आधार बलियो बनाएको छ । दुई ...