राजनीति/समाज

नेपाल । राष्ट्रपति रामचन्द्र पौडेलले जापानका प्रधानमन्त्री सनाय तकाइचीसँग शिष्टाचार भेट गर्नुभएको छ । भेटमा राष्ट्रपति पौडेलले नेपाल र जापानबिच कूटनीतिक सम्बन्ध स्थापना भएदेखिको सम्बन्ध अझ निकटता र गहिरो मित्रताका साथ अघि बढिरहेको बताउनु भएको छ । उहाँले यो सम्बन्ध र सहयोगलाई सुदृढ गर्न जापानी नेतृत्वसँग मिलेर काम गर्न चाहेको बताउनुभएको छ। जापानको औपचारिक भ्रमणमा रहनुभएका राष्ट्रपति पौडेलसँग जापानका प्रधानमन्त्री सनायले मंगलबार गर्नुभएको शिष्टाचार भेटका अवसरमा राष्ट्रपति पौडेलले सो धारणा व्यक्त गर्नुभएको हो । जापानले द्विपक्षीय अनुदान, ऋण, बहुपक्षीय सहायता र प्राविधिकलगायतका क्षेत्रमा गर्दै आएको सहयोगले नेपालमा मानव संसाधन विकास, स्वास्थ्य, कृषि, पूर्वाधार विकास, वातावरण संरक्षण र संस्कृति जगेर्ना गर्ने कार्यमा महत्त्वपूर्ण योगदान पुगेको उहाँको भनाइ थियो । सो अवसरमा जापानका प्रधानमन्त्र...

नेपाल । राष्ट्रपति रामचन्द्र पौडेलले उत्पादन, जलविद्युत्, पर्यटन, सेवा, सूचना प्रविधि, खानी र कृषिजस्ता नेपालको प्राथमिकताका क्षेत्रमा लगानी गर्न धेरैभन्दा धेरै जापानी लगानीकर्तालाई आग्रह गरेका छन् । नेपाल र जापानबीच कूटनीतिक सम्बन्ध स्थापनाको ७० औँ वार्षिकोत्सव मनाउन सोमबार जापानको राजधानी टोकियोमा आयोजित विशेष समारोहलाई सम्बोधन गर्दै राष्ट्रपति पौडेलले सो आग्रह गरेका हुन् । उनले राजनीतिक मुद्दालाई निष्कर्षमा पुर्‍याएपश्चात् नेपालको प्राथमिकता अब नेपाली जनताको द्रुत सामाजिक–आर्थिक विकास, प्रगति र समृद्धि हासिल गर्नुमा केन्द्रित रहेको बताएको राष्ट्रपति पौडेलका प्रेस सल्लाहकार किरण पोखरेलले जानकारी दिए ।...

नेपाल । निर्वाचन आयोगले समानुपातिक बन्दसूचीमा समेटिएकामध्ये ७६ जनाको नाम हटाएको छ । सोमवार आयोगले प्रेस विज्ञप्ति जारी गर्दै आगामी फागुन २१ गते हुने निर्वाचनको समानुपातिक उम्मेदवारहरूको विवरण रुजु भइ ७६ जनाको नाम बन्दसूचीबाट हटाइएको जनाएको छ। जसमा कर्जा सूचना केन्द्रको कालो सूचीमा रहेका, प्रदेशसभा सदस्य समानुपातिक निर्वाचन प्रणालीतर्फको बन्दसूचीमा नाम भएका, निर्वाचन आयोगबाट तोकिएको जरिवाना नतिरेका, पच्चिस वर्ष उमेर पूरा नभएकालगायत रहेका आयोगका प्रवक्ता नारायणप्रसाद भट्टराईले बताए।...

काठमाडौँ । प्रधानमन्त्री सुशीला कार्कीले राष्ट्रिय सभाको बैठकलाई सोमबार पहिलोपटक सम्बोधन गर्दै तोकिएको समयमा स्वच्छ, निष्पक्ष र भयरहित वातावरणमा प्रतिनिधि सभाको निर्वाचन हुने विश्वास व्यक्त गर्नुभएको छ । यही माघ ४ गतेदेखि सुरु भएको सभाको १९औँ अधिवेशनअन्तर्गतको पाँचौँ बैठकमा प्रधानमन्त्री कार्कीले सम्बोधन गर्दै सरकारका प्राथमिकताका रूपमा रहेको प्रतिनिधि सभा सदस्य निर्वाचनको तयारी र सुशासनका क्षेत्रमा भइरहेका कामबारे सदस्यहरूलाई जानकारी गराउनुभयो । उहाँले आफू कुनै शासकीय आकाङ्क्षा बोकेर नभई विषम परिस्थितिमा प्रधानमन्त्री भएकाले तोकिएको सयमा प्रतिनिधि सभाको निर्वाचनबाट बन्ने नयाँ सरकारलाई जिम्मेवारी हस्तान्तरण गर्न आफू आतुर रहेको पनि स्पष्ट गर्नुभयो । प्रधानमन्त्री कार्कीले गत भदौ २३ र २४ गतेको जेनजी आन्दोलनको अवस्थामा गठित अन्तरिम सरकारका प्रधानमन्त्री कार्कीले राष्ट्रिय सभाको हालै भएको नि...

नेपाल । आगामी फागुन २१ गते हुन लागेको प्रतिनिधि सभाको निर्वाचनमा मकवानपुर जिल्लाको क्षेत्र नम्बर १ मा नेपाली कम्युनिष्ट पार्टीले युवा उम्मेदवार विजय गौतमलाई अघि सारेको छ । नेपाली कम्युनिष्ट पार्टीका उम्मेदवार विजय बकैया गाउँपालिकाका वासिन्दा हुन् । मकवानपुर जिल्लामा नेपाली कम्युनिष्ट पार्टीको प्रभाव उल्लेख्य छ । विगतमा पहिलो संबिधान सभा निर्वाचनमा त्यतिबेला ४ वटा क्षेत्रमा विभाजित सबै क्षेत्रमा तत्कालीन नेकपा माओवादी केन्द्र (हालको नेकपा) का उम्मेदवारले विजय हासिल गरेका थिए । त्यसपछिका निर्वाचनहरुमा भने नेकपाका उम्मेदवारले संघीय संसद पदमा जित निकाल्न सकेका छैनन् । तर प्रदेश सभा, उपमहानगर र गाउँपालिकाहरुमा जित्दै आएको छन् । हाल जिल्ला समन्वय समितिका अध्यक्ष र हेटौंडा उपमहानगरको मेयर पनि नेकपाकै नेता छन् । यसरी विगतलाई विश्लेषण गर्दा पनि यतिबेला मकवानपुरको क्षेत्र नम्बर १ मा विजय गौतम बलि...

नेपाल । चलचित्र पत्रकार संघ नेपालका निवर्तमान अध्यक्ष दिनेश सिटौलाको निधन भएको छ । ग्रान्डी अस्पतालले आइतबार दिउँसो १२ः४५ बजे सिटौलाको उपचारको क्रममा सिटौलाको निधन भएको घोषणा गरेको हो । ४५ वर्षीय सिटौला अछाममा राष्ट्रिय स्वतन्त्र पार्टी (रास्वपा) का वरिष्ठ नेता तथा काठमाडौँका पूर्व मेयर बालेन्द्र शाह (बालेन) को चुनावी प्रचारमा सहभागी भइरहेका बेला एक्कासि बेहोस हुनुभएको थियो । उहाँलाई तुरुन्त अछाम जिल्ला अस्पतालमा लगेर कार्डियोपल्मोनरी रेससिटेसन (सिपिआर) दिइएको थियो । ४५ मिनेट सिपिआर दिएपछि मुटुको चाल फर्किएको थियो । त्यसपछि उहाँलाई भेन्टिलेटरमा राखेर सेनाको हेलिकोप्टरमार्फत तत्काल काठमाडौँ ल्याई ग्रान्डी अस्पताल भर्ना गरिएको थियो । ...

नेपाल । नेपाली कांग्रेसका सभापति गगनकुमार थापाले देशको प्रशासनिक र राजनीतिक प्रणालीमा सुधार ल्याउन सही कानून र थिति बसाल्नुपर्ने बताएका छन् । शनिबार काठमाडौँ निर्वाचन क्षेत्र नम्बर ४ मा पार्टी कार्यकर्ताहरूसँगको भेटघाटका क्रममा उनले सस्तो लोकप्रियताका लागि ‘स्टन्ट र चटक’ देखाएर वास्तविक सुधार सम्भव नहुने स्पष्ट पारे। थापाले सार्वजनिक संस्थाहरूमा हुने आर्थिक कारोबारलाई पारदर्शी बनाउन र अनियमितता रोक्न डन्डा बोकेर हिँड्नुको साटो बलियो कानून र प्रक्रिया निर्माण गर्नुपर्नेमा जोड दिए । उनले कांग्रेस अब योजनाबद्ध सुधारको बाटोमा हिँडिसकेको र यसका लागि सबैको साथ आवश्यक रहेको बताए। ...

नेपाल । आगामी फागुन २१ गतेका लागि तय भएको प्रतिनिधिसभा निर्वाचनको प्रत्यक्षतर्फको १५ जिल्लाको मतपत्र छपाइको काम सम्पन्न भएको छ । निर्वाचन आयोगका अनुसार हालसम्म कुल १५ जिल्लाको १८ निर्वाचन क्षेत्रको मतपत्र छपाइको काम सम्पन्न भएको छ । मतपत्र छपाइको काम जनक शिक्षा सामग्री केन्द्र भक्तपुरमा जारी छ । डोल्पा, मुगु, जुम्ला, कालिकोट, हुम्ला, सल्यान, जाजरकोटको प्रत्यक्षतर्फको मतपत्र छपाइको काम सम्पन्न भएको छ । त्यसैगरी, दैलेख निर्वाचन क्षेत्र नं १ र २, सुर्खेतको १ र २, रुकुमपश्चिम, बाजुरा र अछामको क्षेत्र नं १ र २, कैलाली क्षेत्र नं १, झापा क्षेत्र नं ५ र सुनसरीको क्षेत्र नं १ को प्रत्यक्षतर्फको मतपत्र छपाइको काम सम्पन्न भएको छ । नमूना मतपत्रतर्फ १० लाख ९८ हजार २०० छपाइ सम्पन्न भएर निर्वाचन क्षेत्रमा पुगिसकेको आयोगले जनाएको छ । समानुपातिकतर्फको दुई करोड आठ लाख ३० मतपत्र छपाइ सम्पन्न भइसकेको छ ।...

नेपाल । राष्ट्रपति रामचन्द्र पौडेल जापानको चारदिने भ्रमणको सिलसिलामा आइतबार त्यसतर्फ प्रस्थान गर्दै छन् । नेपाल र जापानबीचको कूटनीतिक सम्बन्ध स्थापनाको ७०औँ वार्षिकोत्सवको उपलक्ष्यमा जापान सरकारको निमन्त्रणामा राष्ट्रपति पौडेल जापान जान लागेका हुन् । नेपाली प्रतिनिधिमण्डलको नेतृत्व गर्दै राष्ट्रपति पौडेल आइतबार राति साढे ११ बजे जापान प्रस्थान गर्ने कार्यक्रम रहेको परराष्ट्र मन्त्रालयले जनाएको छ । राष्ट्रपति पौडेलको जापान भ्रमण माघ १८ देखि २१ गतेसम्म ९चार दिन० हुने परराष्ट्र मन्त्रालयले जनाएको छ। मन्त्रालयका अनुसार राष्ट्रपति पौडेलले माघ २० गते टोकियोस्थित इम्पेरियल प्यालेसमा जापानका सम्राट् नारुहितोसँग राजकीय भेटवार्ता गर्ने कार्यक्रम तय छ । राष्ट्रपति पौडेलसँग माघ २० गते नै टोकियोमा जापानका प्रधानमन्त्री ताकाइची सानेले भेटवार्ता गर्ने कार्यक्रम छ। यसअघि माघ १९ गते राष्ट्रपति पौडेल जाप...

नेपाल । माघ शुक्ल पूर्णिमाका दिन आइतबार एक महिना लामो स्वस्थानी व्रत कथा समापन गरिँदैछ । पौष शुक्ल पूर्णिमादेखि वैदिक सनातन हिन्दू धर्मावलम्बीले घरघरमा सुरु गरेको एकमहिने स्वस्थानी व्रत आज विधिपूर्वक समापन गर्न लागिएको हो। पौष शुक्ल पूर्णिमादेखि विधिपूर्वक स्वस्थानीको व्रत सुरु गरी नित्य मध्याह्नकालमा पार्वतीसहित महादेवको पूजा गरेका देशभरका भक्तजनले आज व्रत समापन गर्न लागेका हुन् । त्यसै दिनदेखि सुरु गरिएको स्कन्द पुराणअन्तर्गतको केदार खण्डको माघ माहात्म्यमा कुमार र अगस्त्यबीच भएको संवादलाई स्वस्थानी कथाका रूपमा भन्ने र सुन्ने काम पनि आजैदेखि अन्त्य गरिँदैछ । विधिपूर्वक एकमहिने व्रत गरेका बर्तालुले माघ शुक्ल पूर्णिमाका दिन आज १०८ जनै, १०८ सुपारी, १०८ पान, १०८ पmूल, १०८ रोटी, १०८ अक्षता विभिन्न थरिका फलफूल, धुप, बत्ती, नैवेद्य, श्रीखण्ड, रक्तचन्दन, सिन्दूर, वस्त्र, भेटी चढाई व्रतको कामन...