खेलकुद

नेपाल । अष्ट्रेलियाको नर्दन टेरिटोरीमा जारी टप इन्ड टी–२० सिरिजमा नेपालले लगातार दोस्रो जित निकालेको छ । आफ्नो पाँचौँ खेलमा बुधबार नेपालले मेलबर्न रेनेगेड्स एकेडेमीलाई ३३ रनले हराएको हो । टस जितेर सुरुमा ब्याटिङ गरेको नेपालले दिएको १४० रनको लक्ष्य पछ्याएको मेलबर्न २० ओभर खेल्दै सबै विकेट गुमाएर १०६ रनमा समेटिएको हो । नेपालको जितमा बलिङतर्फ सोमपाल कामीले पाँच विकेट हात पार्नुभयो । चार ओभर बलिङ गर्दा १७ रन दिएर सोमपालले पाँच विकेट हात पार्नुभएको हो । डार्विनको काजालिस एरेनामा टस जितेर पहिले ब्याटिङ गरेको नेपालले निर्धारित २० ओभरमा नौ विकेट गुमाएर एक सय ३९ रन बनाएको थियो । नेपालका लागि कुशल मल्लले सर्वाधिक २९ रनको योगदान दिनुभयो । उहाँले २२ बलमा एक चौका र एक छक्कासहित सर्वाधिक २९ रन बनाउनुभो । त्यसैगरी कप्तान दीपेन्द्रसिंह ऐरीले २८ बलमा २७ रन बनाउँदा लोकेश बमले १६ बलमा २४ रन थप्नुभयो । भी...

नेपाल । अस्ट्रेलियामा जारी टप इन्ड टी–२० सिरिजमा नेपालले पहिलो जित दर्ता गरेको छ । मङ्गलबार भएको चौथो खेलमा नेपालले होबार्ट हरिकेन्सलाई ६६ रनले हराएको हो । टस जितेर सुरुमा ब्याटिङ गरेको नेपालले दिएको १८१ रनको चुनौती पछ्याएको हरिकेन्स १६।१ ओभरमा सबै विकेट गुमाउँदै ११४ रनमा समेटिएको हो । नेपालको जितमा नन्दन यादव नायक बन्नुभयो । तीन ओभर बलिङ गर्नुभएका नन्दनले १७ रन दिएर पाँच विकेट हात पार्नुभएको हो । यसअघि टस जितेर सुरुमा ब्याटिङ गरेको नेपालका लागि आरिफ शेखले सर्वाधिक ३३ रन बनाउनुहुँदा आशिफ शेखले २९ रन जोड्नुभयो। कुशल भुर्तेलले २७ रन बनाउँदा नेपालका लागि लोकेश बमले नटआउट विस्फोटक ब्याटिङ गर्दै ११ बलमा २५ रन जोड्नुभयो। भीम सार्कीले १८ रन जोड्नुभयो भने अन्य ब्याट्सम्यानले दोहोरो अङ्कमा रन जोड्न सकेनन्। नेपालले पूरै २० ओभर खेल्दै सात विकेटको क्षतिमा १८० रन बनाएको हो। नेपाललाई सस्तैमा रोक्न हर...

नेपाल । अस्ट्रेलियामा जारी टप एन्ड टी–२० सिरिजमा नेपालले लगातार तेस्रो हार खेपेको छ । डार्विनस्थित टिआइओ मैदानमा सोमबार भएको खेलमा नेपाल स्थानीय मेलबर्न स्टार्स एकेडेमीसँग ३१ रनले पराजित भयो । यसअघि नेपाल आफ्नो पहिलो खेलमा स्थानीय क्लब नर्दन टेरिटोरी स्ट्राइकरसँग ४२ रन र दोस्रो खेलमा बङ्गलादेश ‘ए’ सँग ३२ रनले पराजित भएको थियो । जितका लागि एक सय ७६ रनको लक्ष्य पछ्याएको नेपाल निर्धारित २० ओभरमा सात विकेटको क्षतिमा एक सय ४४ रनमा समेटिएको थियो । नेपालका लगि आसिफ शेखले सर्वाधिक ५३ रन बनाउनुभयो । यस्तै कप्तान रोहितकुमार पौडेलले ३३, कुशल भुर्तेलले २५ र कुशल मल्लले ११ रन बनाउनुभयो । बलिङमा मेलबर्नका अस्टिन एनलेजार्क र डग वारेनले दुई दुई तथा आर्यन शर्मा र क्रिस होवेले एक एक विकेट लिनुभयो । यसअघि टस जितेर पहिले ब्याटिङ रोजेको मेलबर्नले निर्धारित २० ओभरमा सात विकेटको क्षतिमा एक सय ७५ रन बनाएको थि...

नेपाल । आर्सनलले इङ्लिस प्रिमियर लिगको नयाँ सिजनको आफ्नो पहिलो खेलमा म्यानचेस्टर युनाटेइडमाथि कठिन जित निकालेको छ । ओल्ट ट्राफोर्डमा आइतबार राति भएको खेलमा आर्सनलले युनाइटेडलाई १–० गोलले हरायो । पाहुना टोली आर्सनललाई जिताउन रिकार्डो कालाफिओरीले १३औँ मिनेटमा गर्नुभएको गोल निर्णायक बन्यो । जितसँगै आर्सनलले तीन अङ्क बनाएको छ । युनाइटेडले हारबाट सिजनको सुरुवात गरेको छ । आइतबार राति नै भएको अर्को खेलमा नटिङ्घम फरेस्टले ब्रेन्टफोर्डलाई ३–१ गोलले हरायो । चेल्सी र क्रिस्टल प्यालेसले गोलरहित बराबरी खेल्दै अङ्क बाँडे ।...

नेपाल । साविक विजेता बार्सिलोनाले स्पेनिस ला लिगा २०२५–२६ मा सुखद सुरुवात गरेको छ । मालोर्काको घरेलु मैदानमा आइतबार राति भएको खेलमा बार्सिलोना ३–० गोलले विजयी भयो । बार्सिलोनालाई जिताउन राफिन्हाले सातौँ मिनेटमा गोलको खाता खोल्नुभयो । फेरान टोरेसले २३औँ मिनेटमा टोलीको अग्रता दोब्बर बनाउनुभयो । इन्जुरी समयमा लामिन यामललेले गोल गर्दै बार्सिलोनालाई सजिलै जिताउनुभयो । १० खेलाडीमा समेटिएको मालोर्काको गोल फर्काउने प्रयास सफल भएन । जितसँगै बार्सिलोनाले तीन अङ्क बनाएको छ । मालोर्काले हारबाट सिजनको सुरुवात गरेको छ ।...

नेपाल । अस्ट्रेलियामा जारी टप एन्ड टी–२० सिरिजको दोस्रो खेलमा नेपाल बङ्गलादेश ‘ए’ सँग ३२ ले पराजित भएको छ । डार्विनको मरारा क्रिकेट मैदानमा शनिबार जितका लागि एक सय ८७ रनको प्रतिस्पर्धात्माक लक्ष्य पछ्याएको नेपाल निर्धारित २० ओभरमा सात विकेटको क्षतिमा एक सय ५४ रनमा समेटिएको थियो । नेपालको यो लगातार दोस्रो हार हो । यसअघि शुक्रबार नेपाल आफ्नो पहिलो खेलमा स्थानीय क्लब नर्दन टेरिटोरी स्ट्राइकरसँग ४२ रनले पराजित भएको थियो । नेपालका लागि कुशल मल्लले सर्वाधिक अविजित ५९ रन बनाउनुभयो । उहाँले ४७ बलमा ६ चौका र एक छक्काको सहयोगमा उक्त रन बनाउनुभएको हो । यस्तै आशिफ शेखले २८, लोकेश बमले १५, नन्दन यादवले अविजित १४, कुशल भुर्तेलले १२ र कप्तान रोहित पौडेलले १० रन बनाउनुभयो । बलिङमा बङ्गलादेशका रकिबुल हसनले तीन विकेट लिनुभयो । हसन महमुदले दुई तथा टोफेल अहमद, र रिपोन मेनडोलले एक एक विकेट लिनुभयो । यसअघि ...

नेपाल । टप एन्ड टी–२० सिरिजका लागि अस्ट्रेलियामा रहेको नेपाली राष्ट्रिय क्रिकेट टोलीले थप पाँच वटा अभ्यास खेल खेल्ने भएको छ । नेपाल क्रिकेट संघ (क्यान) का अनुसार नेपालले अगस्ट २६ देखि ३० तारिखसम्म क्रिकेट एसिटी र साउथ अस्ट्रेलियासँग अभ्यास खेल खेल्ने पक्का भएको हो । नेपालले अगस्ट २६ मा एसिटी तथा अगस्ट २८ मा साउथ अस्ट्रेलियासँग दुई दुई वटा टी–२० खेल खेल्ने छ । यस्तै अगस्ट ३० तारिख साउथ अस्ट्रेलियासँगै एकदिवसीय खेल खेल्ने छ । यसअघि नेपालले बिहीबारदेखि अस्ट्रेलियामा सुरु भएको टप एन्ड टी–२० सिरिजको पहिलो खेलमा शुक्रबार प्रतिस्पर्धा गर्ने छ । अगस्ट २४ सम्म डार्विनमा हुने टप एन्ड टी–२० सिरिजमा नेपालले शुक्रबार स्थानीय टोली नर्दर्न टेरिटोरी स्ट्राइकरसँग प्रतिस्पर्धा गर्ने छ । यस्तै नेपालले अगस्ट १६ मा बङ्गलादेश ‘ए’, १८ मा मेलबर्न स्टार्स, १९ मा होबार्ट हुरिकेन्स, २० मा मेलबर्न रेनेगेड्स र २२ ...

नेपाल । आफ्ना भारतीय प्रतिद्वन्द्वीलाई हराउँदै म्याट्रिक्स फाइट नाइट (एमएफएन) बान्टमवेट च्याम्पियन बन्न सफल बझाङका रवीन्द्र ढाँटलाई प्रोत्साहनस्वरुप रु. पाँच लाख प्रदान गरिने भएको छ । प्रधानमन्त्री केपी शर्मा ओलीले गत सोमबारको मन्त्रिपरिषद्को निर्णयअनुसार उहाँलाई उक्त रकम प्रदान गरिने जानकारी बुधबार सामाजिक सञ्जाल फेसबुकबाट दिनुभएको हो । प्रधानमन्त्रीले च्याम्पियन ढाँटका प्रशिक्षकलाई रु. दुई लाख प्रदान गरिने निर्णय भएको जानकारी पनि दिनुभएको छ । गत शनिबार भारतमा भएको प्रतिस्पर्धामा रवीन्द्रले भारतका च्याम्पियन चुनरेङ कोरेनलाई पराजित गर्नुभएको हो ।...

नेपाल । नेपाली राष्ट्रिय फुटबल टोलीका कप्तान एवं गोलरक्षक किरण चेम्जोङले बङ्गलादेशमा ब्यावसायिक लिग खेल्नु हुनेभएको छ । किरणलाई बङ्गलादेश पुलिस क्लबले अनुबन्ध गरेको हो । ३५ वर्षीय किरणको यो चौथो विदेशी क्लब हो । यसअघि उहाँलेले माल्दिभ्सको ट्रस्ट एन्ड केयर स्पोर्ट्स र माजिया तथा भारतको मिनर्भा पञ्जाव क्लबबाट लिग खेलिसक्नुभएको छ । किरण बङ्गलादेश पुलिसमा अनुबन्ध हुने दोस्रो नेपाली खेलाडी हुनुहुन्छ । यसअघि नेपालका आयुष घलानलाई क्लबले अनुबन्ध गरिसकेको छ । सलग खेल्नका लागि मङ्गलबार बङ्गलादेश पुग्नुभएको छ ।...

नेपाल । नेपाली राष्ट्रिय क्रिकेट टोलीले लगाउने नयाँ जर्सी सार्वजनिक भएको छ । नेपाली राष्ट्रिय क्रिकेट टोलीले लगाउने जर्सी नासा सेक्युरिटीजले प्रायोजन गरेको हो । नयाँ जर्सीको आइतबार राष्ट्रिय खेलकुद परिषद् (राखेप) का सदस्य सचिव टंकलाल घिसिङ र नेपाल क्रिकेट संघ (क्यान) का अध्यक्ष चतुरबहादुर चन्दले सार्वजनिक गर्नुभयो । जर्सी प्रायोजनसम्बन्धी सम्झौतामा आइतबार नै क्यानका अध्यक्ष चन्द र नासा सेक्युरिटीजका निर्देशक मदन पौडेलबिच हस्ताक्षर भएको छ । यसअघि नेपाली क्रिकेट टोलीको प्रायोजकमा केल्मी थियो । जर्सीमा क्यान र नासा सेक्युरिटिजको लोगो राखिएको छ । सोही कार्यक्रममा अस्ट्रेलियामा अगस्ट १४ देखी २४ सम्म हुने टप एन्ड टी–२० सिरिज खेल्ने नेपाली राष्ट्रिय क्रिकेट टोलीको बिदाइ गरिएको छ । सिरिजका लागि यसअघि नै क्यानले रोहित पौडेलको कप्तानीमा १६ सदस्यीय खेलाडी टोलीको घोषणा गरेको थियो । नेपालले अस्ट्रे...