खेलकुद

नेपाल । अखिल नेपाल फुटबल संघ (एन्फा) ले तीन वर्षदेखि शहीद स्मारक ‘ए’ डिभिजन लिग नगरेपछि खेलबिहीन बनेका फुटबल खेलाडीले बिहीबार एन्फा मुख्यालयमा धर्ना दिएका छन् । राष्ट्रिय टोलीका खेलाडीहरूले एन्फा मुख्यालयमा पुगेर धर्नासहित आन्दालन गरेका हुन् । खेलाडीहरूले एन्फाले यसवर्ष पनि ‘ए’ डिभिजन लिग गर्छु भनेर छलछाम गरेको बताएका छन् । खेलाडीहरूले विरोध स्वरूप आफुले विभिन्न समयमा पाएको मेडल समेत एन्फा गेटमा झुन्ड्याएका थिए । एन्फाले हालै मात्र यस वर्ष पुसमा राष्ट्रिय लिग गरेर अर्को वर्षको पुसमा मात्र शहीद स्मारक ‘ए’ डिभिजन लिग होम एन्ड अवेका आधारमा गर्ने निर्णय गरेको थियो । खेलाडीले भने पहिले लिग सकेर मात्र राष्ट्रिय लिग गर्नुपर्ने माग राखेका छन् । एन्फाले तत्काल यसमा ध्यान नदिए कडा आन्दोलन गर्ने पनि जनाएका छन् । फुटबल खेलाडी सङ्घका अध्यक्ष विक्रम लामाले खेलाडीहरूले दुई वर्षअघि देखि पटक पटक लिग गर्...

नेपाल । आइसिसी विश्वकप लिग–२ शृङ्खलाको अन्तिम खेलमा नेपाल संयुक्त अरव इमिरेट्स (युएई) सँग चार विकेटले पराजित भएको छ । नेपालको यो शृङ्खलामा लगातार चौथो हार हो । दुबईस्थित आइसिसी एकेडेमी मैदानमा बुधबार भएको खेलमा नेपाल घरेलु टोली युएईसँग पुनः स्तब्ध बन्यो । यसअघि यस शृङ्खलामा पहिलो खेलमा नेपाल अमेरिकासँग एक सय ६ रन र दोस्रो खेलमा युएईसँग पाँच विकेटले पराजित भएको थियो । तेस्रो खेलमा नेपाल अमेरिकासँग चार विकेटले पराजित भएको थियो । जितका लागि दुई सय ४० रनको लक्ष्य पछ्याएको युइर्एले ४९.५ ओभरमा ६ विकेटको क्षतिमा दुई सय ४३ रन जोड्दै लक्ष्य पूरा गरेको हो । युएईका लागि मुहमद साहदद र मुहमद वासिमले अर्धशतकीय पारी खेल्नुभयो । शतकबाट चुक्नुभएका साहददले एक सय २३ बलमा ६ चौका तीन छक्काको सहयोगमा ९६ रन बनाउनुभयो । मुहमद वासिमले ७६ रन बनाउनुभयो । यस्तै सोहिव खानले २९, कप्तान अलिसान सरर्फुले १८ र हर्षित क...

नेपाल । अमेरिकन क्रिकेटर लाहिरू मिलान्थाले दोस्रो सिजनको एनपीएल पनि जनकपुर बोल्ट्सबाटै खेल्ने भएका छन् । जनकपुर बोल्ट्सले श्रीलंकन ओरिजिनका अमेरिकन क्रिकेटर मिलान्थालाई यो सिजन पनि अनुबन्ध गरेको जनाएको हो । एक समय श्रीलंका ‘ए’ र श्रीलंकाको इमर्जिङ टोलीबाट खेलेका मिलान्थाले यसअघि पनि नेपालमा आएर खेलिसकेका छन् । उनी हाल अमेरिकामै क्रिकेट खेल्दै आएका छन् । आसिफ शेख मार्की खेलाडी रहेको जनकपुर बोल्ट्सको मुख्य प्रशिक्षकमा नेपालका प्रशिक्षक शिवनराइन चन्द्रपाल छन् ।...

नेपाल । इङ्ग्ल्यान्ड राष्ट्रिय टोलीबाट खेलिसकेका जोहन सिम्पसनले काठमान्डु गोर्खाजबाट नेपाल प्रिमियर लिग (एनपिएल) क्रिकेट खेल्नु हुने भएको छ । काठमाडौँ स्पोर्ट्स डेभलपमेन्ट भेन्चर्स प्रालीको स्वामित्वमा रहेको काठमान्डु गोर्खाजले एनपीएल–२ का लागि सिम्सनलाई अनुबन्ध गरेको हो । ३७ वर्षे सिम्पसनले इङ्ग्ल्यान्डबाट ३ एकदिवसीय अन्तर्राष्ट्रिय खेलिसक्नुभएको छ । सन् २०२१ मा पाकिस्तानले गरेको बेलायत भ्रमणमा उहाँले यो सबै तीन खेल खेलेका थिए । लर्डसमा पाकिस्तानविरुद्धको दोस्रो एकदिवसीय अन्तर्राष्ट्रियमा सिम्पसनले १७ रन बनाउनुका साथै ५ क्याच लिनुभएको थियो । सिम्पसनसँग इङ्ग्ल्यान्डको घरेलु क्रिकेटमा ५ सय ४२ खेलमा १६ हजार ५ सयभन्दा बढी रन बनाएको अनुभव छ । २२९ प्रथम श्रेणीका खेल्नुभएका उहाँले १९ शतकसहित ११ हजार ३ सय ५१ रन बनाउनुभएको छ । काठमान्डु गोर्खाजले यसअघि नै इङ्ग्ल्यान्डमा खेल्दै आएका दक्षिण अफ्र...

नेपाल । आइसिसी महिला एकदिवसीय विश्वकप क्रिकेटको उपाधि भारतले जितेको छ । मुम्बईमा आइतबार राति भएको फाइनलमा घरेलु टोली भारतले दक्षिण अफ्रिकालाई ५२ रनले हरायो । भारतले तेस्रो प्रयासमा पहिलो पटक उपाधि जितेको हो । यसअघि भारत सन् २००५ मा अस्ट्रेलिया र सन् २०१७ मा इङ्ल्यान्डसँग फाइनलमा पराजित भएको थियो । जितका लागि दुई सय ९९ रनको लक्ष्य पछ्याएको दक्षिण अफ्रिका ४५.३ ओभरमा सबै विकेटको क्षतिमा दुई सय ४६ रनमा समेटिएको थियो । यसअघि टस हारेर पहिले ब्याटिङको निम्तो पाएको भारतले निर्धारित ५० ओभरमा सात विकेटको क्षतिमा दुई सय ९८ रनको योगफल खडा गरेको थियो ।...

नेपाल । युएईमा जारी आइसिसी विश्वकप लिग–२ शृङ्खलामा अमेरिकाले चारवटै खेल जितेको छ । यस सिरिजको अन्तिम खेलमा अमेरिकाले सोमबार संयुक्त अरव इमिरेट्स (युएई) लाई दुई सय ४३ रनले हरायो । जितका लागि दुई सय ९३ रनको चुनौतीपूर्ण लक्ष्य पछ्याएको घरेलु टोली युएई २१.१ ओभरका सबै विकेटको क्षतिमा ४९ रनमा समेटिएको थियो । युएईका लागि जुनैद सिद्धिक्वीले १० रन जोड्नुबाहेक अन्य खेलाडीले दोहोरो अङ्कमा रन बनाउन सकेनन् । युएईलाई सक्तैमा समेट्न अमेरिकाका रसिल उगरकरले पाँच विकेट लिनुभयो । यस्तै सौरव नेत्रभल्करले तीन विकेट झार्नुभयो । यसअघि पहिले ब्याटिङ गरेको अमेरिकाले निर्धारित ५० ओभरका तीन विकेटको क्षतिमा दुई सय ९२ रनको योगफल खडा गरेको थियो । अमेरिकाका लागि मोनाङ्क पटेलले एक सय ३७ र मिलिन्ड कुमारले अविजित एक सय २३ रनको शतकीय पारी खेल्नुभयो । जितसँगै २४ खेलबाट ३६ अङ्क बनाएको अमेरिका शीर्षस्थानमा छ । पराज...

नेपाल । आइसिसी विश्वकप लिग–२ शृङ्खलामा नेपालले लगातार तेस्रो हार खेपेको छ । दुबई अन्तर्राष्ट्रिय रङ्गशालामा शनिबार भएको खेलमा नेपाल अमेरिकासँग चार विकेटले पराजित भयो । जितका लागि दुई सय ७२ रनको प्रतिस्पर्धात्मक लक्ष्य पछ्याएको अमेरिकाले ४९ ओभरमा ६ विकेटको क्षतिमा लक्ष्य पूरा गरेको हो । युएई सिरिजमा नेपालको यो लगातार तेस्रो हार हो । यसअघि पहिलो खेलमा नेपाल अमेरिकासँग एक सय ६ रन र दोस्रो खेलमा युएईसँग पाँच विकेटले पराजित भएको थियो । अमेरिकाका लागि सैतेजा मुकामुल्ला र मिलिन्ड कुमारले अर्धशतक बनाउनुभयो । सैतेजाले सर्वाधिक ७५ र मिलिन्ड कुमारले ७० रन बनाउनुभयो । ओपनर सायन जहानगीरले ३६, मोनाङ्क पटेलले २१, शुवम् रन्जनेले १९ र स्मित पटेलले १६ रन बनाउनुभयो । सन्जय कृष्णमुर्तिले अविजित १५ र हर्मित सिंहले अविजित १३ रन बनाउनुभयो । बलिङमा नेपालका सन्दीप लामिछाने तीन तथा गुल्शन झा, नन्दन यादव र करण क...

नेपाल । दुबईमा जारी आइसिसी विश्वकप लिग–२ शृङ्खलाको दोस्रो खेलमा बिहीबार नेपाल संयुक्त अरव इमिरेट्स (युएई) सँग पाँच विकेटले पराजित भएको छ । नेपालको यो लगातार दोस्रो हार हो । यसअघि पहिलो खेलमा नेपाल अमेरिकासँग एक सय ६ रनले पराजित भएको थियो । दुबई एकेडेमी मैदानमा जितका लागि दुई सय ३४ रनको लक्ष्य पछ्याएको युएईले ४३।३ ओभरमा पाँच विकेटको क्षतिमा दुई सय ३७ रन जोड्दै लक्ष्य पूरा गरेको हो । युएईका लागि आर्याम्स शर्माले सर्वाधिक ९८ रन बनाउनुभयो । सटकबाट दुई रन टाढा रहनुभएका उहाँले ९८ बलमा १० चौका र तीन छक्का हान्नुभयो । यस्तै ओपनर आलिसान सरफुले ४५, मुहमद वासिमले २६, अर्षित कौशिकले १३, ध्रुव परासरले अविजित १६ र जाहिद अलीले अविजित ११ रन बनाउनुभयो । कप्तान राहुल चोप्रा १५ रनमा रिटायर्ड हट हुनुभएको थियो । बलिङमा नेपालका सन्दीप लामिछानेले दुई तथा करण केसी र दीपेन्द्रसिंह एरीले एक एक विकेट लिनुभयो । य...

नेपाल । मैत्रीपूर्ण महिला फुटबल खेलमा नेपालले भारतलाई टाइब्रेकरमा पराजित गरेको छ । भारतको सिक्किमस्थित पाल्जोर रङ्गशालामा बुधबार सम्पन्न खेलमा नेपालले घरेलु टोली भारतलाई टाइब्रेकरमा ३–० ले हराएको हो । टाइब्रेकरमा नेपालका सविता रानामगर, रश्मिकुमारी घिसिङ र निशा थोकरले गोल गरेपछि नेपाल विजयी भयो । नेपालका गोलकिपर अञ्जना रानामगरले भारतको पहिलो र तेस्रो पेनाल्टी सजिलै रोकिन् । दोस्रो पेनाल्टी भने बाहिरिएको थियो । त्यसअघि दुवै टोलीले खेलको निर्धारित ९० मिनेटको खेल १–१ को बराबरीमा खेलेका थिए । खेलको निर्धारित समय बराबरीमा सकिएपछि खेल टाइब्रेकरमा पुगेको थियो । खेलमा दुवै गोल पहिलो हाफमा भएको थियो । खेलको ३०औँ मिनेटमा भारतकी सौम्या गुगुलोथले गोल गरिन् । त्यसपछि खेलको पहिलो हाफको अतिरिक्त समयमा नेपालकी अनिता बस्नेतले बराबरी गोल फर्काएकी थिइन् ।...

नेपाल । कप्तान सावित्रा भण्डारी साम्बाले दुई गोल गरेपछि त्रिदेशीय अन्तर्राष्ट्रियमैत्री फुटबलमा नेपालले सोमबार परम्परागत प्रतिद्वन्द्वी भारतलाई उसकै मैदानमा २–१ ले हराएको छ । फिफा विन्डो अन्तर्गत यो प्रतियोगिता भएको हो । भारतको सिलोङस्थित जवाहरलाल नेहरू रङ्गशालामा भएको खेलको दोस्रो मिनेटमै साम्बाले गोल गरी नेपाललाई स्वप्निल अग्रता दिलाउनुभएको हो । डिफेन्डर बिमला विकेको पासमा साम्बाले उत्कृष्ट रन बनाएर भारतकी गोलकिपर पानमथोई छानूसँगको ‘वान भर्सेज वान’ मा गोल गर्नुभयो । खेलको ६३ औँ मिनेटमा साम्बाले करिब २५ गजमा प्राप्त फ्री किकमा गोल गरी नेपालको अग्रता दोब्बर बनाउनुभयो । प्रीति राईलाई लडाइएपछि नेपालले फ्री किक अवसर पाएको थियो । भारतविरुद्धको दुई गोलसँगै साम्बाको अन्तर्राष्ट्रिय गोल खेलमा ६८ पुगेको छ । सावित्राले भारतविरुद्ध मात्र नौ गोल गर्नुभएको छ । निर्धारित समय सकिन नौ मिनेट बाँकी छँदा...