भारत टी-२० विश्वकपको फाइनलमा, उपाधिका लागि न्यूजील्याण्डसँग भिड्ने
नेपाल । इङ्ल्याण्डलाई हराउँदै आयोजक भारतले टी– २० विश्वकपको फाइनलमा स्थान बनाएको छ।
बिहीबार भएको दोस्रो सेमिफाइनलमा इङ्ल्याण्डमाथि ७ रनको रोमाञ्चक जित हासिल गर्दै भारतले लगातार दोस्रो पटक फाइनलमा स्थान बनाएको हो।
सन् २०२४ मा भएको विश्वकपमा समेत भारतले फाइनलमा स्थान बनाउँनुको साथै उपाधि पनि जितेको थियो। योसँगै भारत चौथो पटक फाइनल पुगेको हो।
भारत यसअघि २ पटक च्याम्पियन भइसकेको छ। भारतको जितमा सञ्जु स्यामसनले ४२ बलमा ८९ रन बनाउँदा हार्दिक पाण्ड्याले महत्वपुर्ण २ विकेट लिएका थिए।
भारतले दिएको २५४ रनको विशाल लक्ष्यको नजिक पुगे पनि इङ्ल्याण्डले जित हासिल गर्न सकेन। इङ्ल्याण्डले २० ओभरमा ७ विकेट गुमाएर २४६ रन मात्र बनाउँन सक्यो। इङ्ल्याण्डका जेकोब बेथहेलले शतक बनाएपनि हार टार्न सकेनन् । उनले ४८ बलमा ८ चौका र ७ छक्काको सहयोगमा १०५ रनको सर्वाधिक योगदान दिए।
विल ज्याक्स २० बलमा ३५, साम करन १४ ब...
