राजनीति/समाज

नेपाल । मधेस सरकारमा मन्त्रिपरिषद् पुनर्गठन गरिएको छ । पुनर्गठित मन्त्रिषरिषद्मा जनमत पार्टीका तर्फबाट वसन्तकुमार कुशवाहा र सञ्जय यादवले मन्त्रीका रूपमा बिहीबार पद तथा गोपनीयताको शपथ लिए । प्रदेश प्रमुख सुमित्रा सुवेदी भण्डारीले बिहिबार साँझ आयोजित एक समारोहमा नवनियुक्त मन्त्रीद्वयलाई शपथ गराइन् । कुशवाहालाई उद्योग, वाणिज्य तथा पर्यटन मन्त्रालय र यादवलाई वन तथा वातावरण मन्त्रालयको जिम्मेवारी दिइएको छ । मुख्यमन्त्री सतिशकुमार सिंहको नेतृत्वमा मधेस सरकारको मन्त्रिपरिषद् पुनर्गठन भएको हो । नयाँ मन्त्रिमण्डलमा अब १२ सदस्यीय मन्त्रीहरू रहेका छन् । ...

नेपाल । नेपालमा शुक्रबार बिहानै भूकम्प गएको छ । बैतडी केन्द्रविन्दु भएर भूकम्प गएको हो । बिहानपख बैतडीको खलंगा आसपास केन्द्रविन्दु भएर भूकम्प गएको हो । भूकम्पको तीव्रता ५.१ म्याग्निच्युड मापन गरिएको राष्ट्रिय भूकम्प मापन तथा अनुसन्धान केन्द्र काठमाडौंले जनाएको छ । १ बजेर ४८ मिनेट जाँदा भूकम्पको धक्का महसुस भएको थियो । मस्त निद्रामा परेका बेला आएको धक्काले मानिसहरु त्रसित भएका थिए । ...

नेपाल । सरकारले मङ्गलबार बसेको मन्त्रिपरिषद् बैठकले गरेका नौ निर्णय सार्वजनिक गरेको छ । सरकारका प्रवक्ता एवम् सञ्चार तथा सूचना प्रविधिमन्त्री पृथ्वीसुब्बा गुरुङले बिहीबार मन्त्रालयमा नियमित पत्रकार सम्मेलनमार्फत बैठकका निर्णय सार्वजनिक गर्नुभएको हो ।

नेपाल । प्रधानमन्त्री केपी शर्मा ओलीले मुलुकको अर्थतन्त्र सकारात्मक बाटोमा लैजाँदै गरेको बताउनु भएको छ । प्रधानमन्त्री ओलीले बिहीबार सामाजिक सञ्जालमार्फत बितेका १० महिनामा गत वर्षको तुलनामा निर्यात ७३ प्रतिशतले वृद्धि भएको उल्लेख गर्दै मुलुकको अर्थतन्त्र सकारात्मक बाटोमा लैजाँदै गरेको बताउनुभएको छ । “बितेका १० महिनामा गत वर्षको तुलनामा निर्यात ७३ प्रतिशतले वृद्धि भएको छ । यस अवधिमा रु दुई खर्ब १८ अर्बको निर्यात भएको छ । अर्थतन्त्र सकारात्मक बाटोमा लैजाँदै छौँ”, प्रधानमन्त्री ओलीले उल्लेख गर्नुभएको छ ।...

नेपाल । पूर्वराष्ट्रपति विद्यादेवी भण्डारी सत्तारुढ नेकपा एमालेका पदाधिकारीसहित मन्त्री र सांसदहरूसहित छिमेकी मुलुक चीनको भ्रमणमा जाने हुनुभएको छ । चिनियाँ कम्युनिस्ट पार्टी र चीन सरकारको निमन्त्रणामा पूर्वराष्ट्रपति भण्डारी नेतृत्वको टोली यही जेठ १० गते चीनको साताव्यापी भ्रमणका लागि बेइजिङ प्रस्थान गर्न लागेको हो । पूर्वराष्ट्रपति भण्डारी नेतृत्वको टोलीमा नेकपा एमालेका सचिव रघुवीर महासेठ, एमाले स्थायी कमिटी सदस्य तथा पूर्वउद्योगमन्त्री कर्णबहादुर थापा, उद्योग वाणिज्य तथा आपूर्तिमन्त्री दामोदर भण्डारी, गोमा देवकोटा, सार्वजनिक प्रशारण संस्थाका अध्यक्ष डा. महेन्द्र विष्टसहितका टोली चीन जाने सूची बनेको हो । उक्त टोलीले चीनको २ वटा शहरमा आयोजना हुने कार्यक्रममा भाग लिने बताइएको छ । चीन भ्रमणका क्रममा भण्डारीले उच्चस्तरीय राजनीतिक भेटघाटसमेत गर्ने तय भएको छ । राष्ट्रपतिदेखि उच्च तहका नेतृत्व...

नेपाल । संवैधानिक राजसंस्था र सनातन हिन्दु अधिराज्यसहित बहुदलीय प्रजातन्त्र पुनर्स्थापनाका लागि गठित संयुक्त जनआन्दोलन समितिले रास्वपालाई सहकार्यको प्रस्ताव गरेको छ । संयुक्त जनआन्दोलन समितिका संयोजक नवराज सुवेदीले रास्वपाका कार्यबाहक सभापति डीपी अर्याललाई पत्र लेखेर सहकार्यको प्रस्ताव राखेका हुन् । रास्वपाको मूल सैद्धान्तिक चिन्तन र वर्तमान व्यवस्था प्रतिको आलोचनालाई दृष्टिगत गरेर आन्दोलनमा सहकार्य गर्न प्रस्ताव गरेको सुवेदीले पत्रमा उल्लेख गरेका छन ।  ...

नेपाल । अख्तियार दुरुपयोग अनुसन्धान आयोगले त्रिभुवन अन्तर्राष्ट्रिय विमानस्थल अध्यागमन कार्यालयमा छापा मारी गृह मन्त्रालयका सहसचिव तीर्थराज भट्टराईलाई नियन्त्रणमा लिएको छ । त्रिवि अन्तर्राष्ट्रिय विमानस्थल अध्यागमन कार्यालयका प्रमुख भट्टराईलाई गृह मन्त्रालयले मङ्गलबार विमानस्थलबाट सरुवा गरी मन्त्रालयमा तानेको थियो  । भट्टराई गत कात्तिक २३ गतेदेखि त्रिवि अध्यागमन प्रमुखको जिम्मेवारीमा रहनुभएको थियो । अख्तियारले नियन्त्रणमा लिएका भट्टराईमाथि त्रिवि अन्तर्राष्ट्रिय विमानस्थलबाट मानव तस्करीको गिरोहलाई सहयोग पुग्ने गरी भिजिट भिसाको आवरणमा ठुलो सङ्ख्यामा विदेश भ्रमणको अनुमति दिएको आरोप छ । यसैबिच सहसचिव भट्टराईलाई बुधबार अबेर हाजिरी जमानीमा छाडिएको अख्तियारले जनाएको छ । अख्तियार दुरुपयोग अनुसन्धान आयोगमा कार्यरत प्रहरी नायब महानिरीक्षक हिमालयकुमार श्रेष्ठका अनुसार छापा मारिएको स्थानबाट बरामद ...

नेपाल । सर्वोच्च अदालतले रास्वपा सभापति रवि लामिछानेको बन्दी प्रत्यक्षीकरणसम्बन्धी रिट हेर्दाहेर्दैमा राखेको छ । लामिछिनेको बन्दी प्रत्यक्षीकरणको रिटमा न्यायाधीशहरू नहकुल सुवेदी र बालकृष्ण ढकालको इजलासमा मंगलबार सुनुवाई भएको हो । यसअघि पटकपटक हेर्न नमिल्ने इजलासमा परेपछि सुनुवाई सर्दै आएको थियो । मंगलबार लामिछाने पक्षमा कानून व्यवसायीहरु वरिष्ठ अधिवक्ता सुशील पन्त, रमण श्रेष्ठ, सुरेन्द्र थापा, मेघराज पोखरेल तथा अधिवक्ताहरू नारायणदत्त कँडेल, जितेन्द्र झा, राजेन्द्र सेढाइँ र सुदिक्य पन्तसहितले बहस गरे । लामिछानेका वकिलहरूले बहसपछि सहकारी ठगी प्रकरणमै पक्राउ परेका नेपाल प्रहरीका पूर्वडिआइजी छविलाल जोशीका कानून व्यवसायीले बहस गर्नेछन् । बुटवलको सुप्रिम सहकारी संस्थाको रकम अपचलनसम्बन्धी मुद्धामा उच्च अदालत तुलसीपुरको बुटवल इजलासको गत २२ चैतको आदेशले लामिछानेलाई पुर्पक्षका लागि थुनामा पठाएको ...

नेपाल । मकवानपुरको हेटौंडामा जमिन भासिएर बेपत्ता भएको गाडीको १९ दिनपछि पार्टपुर्जा भेटिएको छ । १९ औं दिनमा जेसीबी प्रयोग गरेर गाडीको पार्टपुर्जा निकालिएको हो । हेटौंडा उपमहनागरपालिका१६ स्थित गैरीगाउँ माछापालन गरिएको फाँटमा जमिन भासिएर हराइरहेको ना ४ च ४८३३ नम्बरको बोलेरो गाडी मंगलबार जेसीबी प्रयोग गरेर निकाल्न प्रयास गरिएको थियो । मंगलबार अपरान्ह गाडीको च्यासिस फेला परेपछि निकाल्ने काम भइरहेको हो । गत १९ बैशाखमा गैरीगाउँ माछापालन क्षेत्रमा माछा बोक्ने बलेरो गाडी अनलोड गर्ने क्रममा जमिन भासिएर पुरिएको थियो । लगातार ३ दिनसम्म खोजी गर्दा गाडी नभेटिएपछि हेटौंडा उपमहानगरपालिकाको समन्वयमा गत २३ वैशाखमा भूगर्भविद् झिकाएर उक्त क्षेत्रको अध्ययन समेत गरिएको थियो । खानी तथा भूगर्भ विभागका विज्ञ मार्फत अध्ययन गर्दा बोरिङका कारण जमिन भासिएर गाडी हराएको निष्कर्ष सहितको प्रतिवेदन आएको थियो । सोही अनुस...

नेपाल । वसन्त ऋतुको जारी हिमाल आरोहणमा हालसम्म ३९५ जनाले सगरमाथा आरोहण गरेका छन् । पर्यटन विभागका अनुसार १३५ आरोही र २३५ जना शेर्पा सहयोगीले आरोहण अनुमति छन् । शिखरसम्म डोरी टाँग्ने (रोप फिक्सिङ) टोलीका सात जना छन् । हालसम्म ४७ आरोही समूहका ८६ महिला र ३८२ पुरुषसहित ४६८ जनाले सगरमाथा आरोहण अनुमति लिएका छन् । यस पटक सगरमाथा आरोहण गर्न ५७ देशका आरोही आएका छन् । सगरमाथासहित २७ हिमालमा यस यामका लागि १२७ समूहका एक हजार १६८ जनाले आरोहण अनुमति लिएका छन् । यसअघि मौसम अनुकूलभएसँगै गत आइतवार एकैदिन एकसय ३५ आरोहीले सगरमाथाको सफल आरोहण गरेका थिए ।...