अर्थतन्त्र

नेपाल । सरकारले एसियाली विकास बैंक (एडिबी) सँग २५ अर्ब आठ करोड रुपैयाँ ऋण लिने भएको छ । अर्थमन्त्री डा. स्वर्णिम वाग्ले र एडिबीका अध्यक्ष मासातो कान्डाको उपस्थितिमा सोमबार अर्थ मन्त्रालयमा यससम्बन्धी सम्झौतामा हस्ताक्षर भएको हो । सम्झौतामा मन्त्रालयतर्फबाट अर्थसचिव डा. घनश्याम उपाध्याय र एडिबीका तर्फबाट नेपालस्थित आवासीय नियोगका देशीय निर्देशक आर्नो कोस्वाँले हस्ताक्षर गर्नुभयो । सम्झौता अनुसार यो ऋण ‘एकीकृत खानेपानी तथा ढल व्यवस्थापन आयोजना’ र ‘दक्षिण एसिया उपक्षेत्रीय आर्थिक सहयोग र रसद सुधार उपकार्यक्रम’ मा परिचालन हुने छ । यसमध्ये आयोजनाका लागि १७ अर्ब ५० करोड रुपैंया (११ करोड ५० लाख अमेरिकी डलर) र उपकार्यक्रमका लागि करिब सात अर्ब ६० करोड ९पाँच करोड अमेरिकी डलर० रुपियाँ परिचालन हुने अर्थ मन्त्रालयले जारी गरेको विज्ञप्तिमा उल्लेख छ । नेपाल भ्रमणमा रहेका एडिबीका अध्यक्ष कान्डाले नेपाल...

नेपाल । साउन १ बाट सरकारले साझा यातायातका बसको रङ परिवर्तन गरी महिलाका लागि निःशुल्क ‘ब्लु बस’ सञ्चालनमा ल्याउने भएको छ । सरकारको शासकीय सुधारसम्बन्धी एक सय कार्यसूची अनुसार महिलाको सुरक्षित आगमन सुनिश्चित गर्न, सातै प्रदेशमा निःशुल्क ‘ब्लु बस’ सेवा सञ्चालन गर्ने र पहिलो चरणका सय दिनभित्र कम्तीमा २५ वटा बस सञ्चालनमा ल्याउने प्रतिबद्धता अनुसार ‘ब्लु बस’ सञ्चालनमा ल्याउन लागिएको होे । साझाका आठ वटा विद्युतीय बसलाई पहिलो चरणमा ‘ब्लु बस’ बनाएर साउनदेखि सञ्चालन गर्न लागिएको पूर्वाधार विकास मन्त्रालयले जनाएको छ । बुढानीलकण्ठदेखि लगनखेल गोदावरीसम्म दुई वटा, नागढुङ्गादेखि एयरपोर्टसम्म दुई वटा र चक्रपथमा चार वटा विद्युतीय बस सञ्चालन गर्न लागिएको छ । ४० वटा विद्युतीय बस सञ्चालन गरेको साझाले सरकारसँगको सहमति अनुसार आठ वटा विद्युतीय बसलाई ‘ब्लु बस’ बनाउने छ । यसको व्यवस्थापन पनि साझाले नै गर्ने भएक...

नेपाल । यातायात व्यवस्था विभागले अन्तरप्रदेश सार्वजनिक यातायातको भाडा समायोजन गरी दुई प्रतिशत घटाएको छ । इन्धनको मूल्य घटेपछि विभागले सार्वजनिक यातायातको भाडादर समायोजन गरेको हो । बिहीबारदेखि लागु हुने गरी यात्रुवाहक सवारी, पहाड र तराईमा सञ्चालन हुने मालवाहक सवारीको भाडादर दुई प्रतिशतले घटेको विभागले जनाएको छ । विभागका अनुसार डिजेलको मूल्यमा प्रतिलिटर ४३ रुपैयाँको गिरावट छ । यसअघि डिजेलको औसत बजार मूल्य प्रतिलिटर २३५‍.८३ रुपियाँ रहेकोमा घटेर हाल १९२.८३ रुपियाँ कायम भएको छ । करिब १८.२३ प्रतिशतले गिरावट हुँदा दुई प्रतिशत मात्रै भाडा समायोजन भएको छ । वैज्ञानिक भाडा समायोजन प्रणाली अनुसार इन्धनको मूल्य पाँच प्रतिशत वा सोभन्दा बढीले घटबढ हुँदा स्वचालित रूपमा भाडा समायोजन गर्नुपर्ने व्यवस्था छ तर इन्धनको मूल्य १८ प्रतिशतसम्म घट्दा पनि विभागले सबै प्रकारका सवारीसाधनमा दुई प्रतिशत मात्र घटाउने ...

नेपाल । सन् २०२६ को जुन महिनामा ९१ हजार ३६३ विदेशी पर्यटक नेपाल भित्रिएका छन् । नेपाल पर्यटन बोर्डको तथ्याङ्क अनुसार जुनमा हवाईमार्गबाट गत वर्षको जुनको तुलनामा १९.५ प्रतिशत बढी पर्यटक नेपाल भित्रिएका हुन् । गत वर्षको सोही अवधिमा ७६ हजार ४२५ जनाले नेपाल भ्रमण गरेका थिए । बोर्डका अनुसार सन् २०१९ को जुन महिनामा ७४ हजार ८८३ विदेशी पर्यटकको आगमन भएको थियो । बोर्डका वरिष्ठ अधिकृत सन्तोषविक्रम थापाका अनुसार पछिल्ला महिनामा अन्तर्राष्ट्रिय हवाई सम्पर्क विस्तार, पर्यटन प्रवर्धन अभियान, प्रमुख स्रोत बजारमा गरिएको प्रचारप्रसार तथा नेपालको सुरक्षित र आकर्षक गन्तव्यको छविका कारण पर्यटक आगमनमा निरन्तर सुधार देखिएको हो । आगामी पर्यटन सिजनलाई लक्ष्य गरेर भारत, चीन, अमेरिका, युरोप तथा अन्य प्रमुख स्रोत बजारमा थप प्रवर्धनात्मक गतिविधि सञ्चालन गर्ने तयारी गरेकाले असोजसम्म नेपाल भित्रिने विदेशी पर्यटकको आवा...

नेपाल । नेपाल आयल निगमले पेट्रोलियम पदार्थको मूल्य घटाएको छ । गत मध्यरातिदेखि पेट्रोलमा प्रतिलिटर २० रूपैयाँ, डिजेलमा ३० रुपैयाँ तथा खाना पकाउने एलपी ग्यासको मूल्य प्रतिसिलिन्डर १०० रुपैयाँले घटेको हो । अन्तर्राष्ट्रिय बजारमा इन्धनको मूल्य घटेर आएपछि निगमले बुधबार राति १२ः०१ बजेदेखि लागू हुने गरी नयाँ मूल्य निर्धारण गरेको जनाएको हो ।  ...

नेपाल । अख्तियार दुरुपयोग अनुसन्धान आयोगले नयाँ पर्यटन गन्तव्य पहिचान गर्ने उद्देश्यले सञ्चालित कार्यक्रममा भ्रष्टाचार भएको अभियोगमा बझाङको दर्गाथली गाउँपालिकाका निमित्त प्रमुख प्रशासकीय अधिकृतलगायत नौ जनाविरुद्ध विशेष अदालतमा मुद्दा दायर गरेको छ । सो कार्यक्रमका लागि आर्थिक वर्ष २०७५/७६ को स्वीकृत कार्यक्रम अन्तर्गत मन्दिर निर्माणका लागि निकासा भएको रकम हिनामिना गरेको पाइएको छ । आयोगले गरेको अध्ययन अनुसार छवीसपाथीभेरा गाउँपालिका–६ स्थित बाँठपाली देवता मन्दिर निर्माणका लागि ४५ लाख बराबरको रकम विनियोजन भएको थियो । संस्कृति पर्यटन तथा नागरिक उड्डयन मन्त्रालयलको बजेट तथा कार्यक्रमसहितको पत्रबमोजिम निकासा लिने, खर्च गर्ने, लेखा राख्ने, लेखापरीक्षण गराउने र बेरुजु फर्छ्यौट समेतको जिम्मेवारी दुर्गाथली गाउँपालिकालाई दिइएको थियो । स्वीकृत लागत अनुमान ५६ लाख सात हजार ८९७ मध्ये उपभोक्ता सहभागिता...

नेपाल । नेपाली चियाको भारत निर्यातमा कडाइ भएपछि चिया पठाउन नसक्ने भन्दै बन्द भएका एक सयभन्दा बढी चिया उद्योग सञ्चालनमा आएका छन् । यही असार १ गतेदेखि बन्द भएका उद्योग सङ्घीय सरकार र स्थानीय तहसँगको सहमतिपछि सञ्चालनमा आएका हुन् । इलाम, झापा, पाँथचर, भोजपुर, कास्कीलगायतका जिल्लाका चिया उद्योग तयारी चियाको सहज निर्यातको वातावरण तयार गर्न माग गर्दै बन्द भएका थिए । सरकारले चियाको समस्या समाधानका लागि गठन गरेको कार्यदलले चियाको समस्या समाधान गर्न के गर्न सकिन्छ भन्ने मागेको रायमा उद्योगीले दिएको सुझाव अनुसार सरकारका तर्फबाट त्यस अनुसार मौखिक आश्वासन आएपछि उद्योग सञ्चालन गरिएको सूर्योदय अर्थोडक्स टी प्रोड्युसर्स एसोसिएसन नेपालका कार्यवाहक अध्यक्ष ज्ञानी लिम्बूले बताउनुभयो । झापाको नेपाल चिया उत्पादक सङ्घले पनि प्रेस विज्ञप्ति जारी गरी सरकारी आश्वासन अनुसार चिया उद्योग बन्दका सबै कार्यक्रम हालका...

नेपाल । वैदेशिक रोजगारीका लागि नेपाली श्रमिकको प्रमुख श्रम गन्तव्यका रूपमा मलेसिया पुनः दरिन थालेको छ । वैदेशिक रोजगार विभागका अनुसार चार महिनायताको श्रम स्वीकृतिको तथ्याङ्कका आधारमा मलेसिया नेपाली श्रमिकको पहिलो श्रम गन्तव्य बनेको हो । विभागका अनुसार गत फागुनमा १२ हजार ६०१, चैतमा १८ हजार ६४९, वैशाखमा १७ हजार २५२ र जेठमा १४ हजार १९२ जनाले मलेसियाका लागि श्रम स्वीकृति लिएका छन् । माघसम्म भने संयुक्त अरब इमिरेट्स (युएई) नेपालीको पहिलो श्रम गन्तव्य थियो । पश्चिम एसियाको द्वन्द्वका कारण मलेसिया पहिलो श्रम गन्तव्य देश बनेको जनाइएको छ । चालु आवको साउन, भदौ र असोजसम्म पाँचौँ स्थानमा खुम्चिएको मलेसिया पछिल्लो समय एकाएक पहिलो स्थानमा उक्लिएको हो । वैदेशिक रोजगार विभागका महानिर्देशक मीरा आचार्यले पछिल्लो पटक मलेसियामा बढ्दो सङ्ख्याले मलेसियाको श्रम बजारमा नेपाली श्रमिकको माग र आकर्षण दुवै बढेको पु...

नेपाल । राहदानी विभागका महानिर्देशक तीर्थराज अर्यालसहित १६ जना दश अर्ब १३ करोड चार लाख ६१ हजार ४७७ रुपैयाँ भ्रष्टाचार मुद्दा दायर भएको छ । अख्तियार दुरुपयोग अनुसन्धान आयोगका प्रवक्ता सुरेश न्यौपानेका अनुसार विभागका निर्देशक सुनिल कुमार केसी, तत्कालीन निर्देशक शत्रुध्वन प्रसाद शर्मा पोखरेल, तत्कालीन निर्देशक रविन्द्र राजभण्डारी, तत्कालीन लेखा अधिकृत तुलसी प्रसाद आचार्य, कम्प्युटर इन्जिनियर विपिन प्रसाई, तत्कालीन शाखा अधिकृत सोमेश थापा, परराष्ट्र मन्त्रालयका तत्कालीन उपसचिव राजाराम दाहाल, तत्कालीन उपसचिव भेष प्रसाद भुर्तेल, तत्कालीन उपसचिव पुस्करराज नेपालविरुद्ध सो भ्रष्टाचार मुद्दा दायर भएको छ । राहदानी विभागबाट राहदानी छपाई सम्बन्धी कार्यमा प्रचलित कानून विपरीत बोलपत्रहरुको टेक्निकल इभ्याअलुसन र फाइनान्सियल ईभ्याअलुसन गरी गलत सिफारिस तथा गलत निर्णयका आधारमा सम्झौता गरी गराइ आंशिक रकमसमेत...

नेपाल । सम्पत्ति शुद्धीकरण तथा आतङ्ककारी क्रियाकलापमा वित्तीय लगानी मामिलाको निगरानी गर्ने अन्तर्राष्ट्रिय निगरानी संस्था ‘वित्तीय कारबाही कार्यदल’ (फाइनान्सियल एक्सन टास्कफोर्स–एफएटिएफ) ले नेपाललाई अझै ‘ग्रे लिस्ट’ मा नै राखेको छ । नेपालले सुधारका प्रयास जारी राखे पनि ती अझै अपर्याप्त रहेको भन्दै एफएटिफले ‘ग्रे लिस्ट’ अर्थात् निगरानीकै सूचीमा राखेको हो । एफएटिएफले यही असार ५ गते सार्वजनिक गरेको निर्णयमा नेपालले रणनीतिक सुधारका प्रयास थाल्नुपर्ने र स्पष्ट कार्ययोजना बनाएर कार्यान्वयनमा लैजान आवश्यक रहेको औँल्याइएको छ । एफटिएफले नेपालका सन्दर्भमा जारी गरेको टिप्पणीमा छ मुख्य विषय वस्तुमा सुधार गर्न सुझाव दिएको छ । एफएटिएफले सम्पत्ति शुद्धीकरण तथा आतङ्ककारी क्रियाकलापमा हुने लगानीको जोखिमबारे नेपालमा अझ स्पष्ट बुझाइ आवश्यक रहेको औँल्याएको छ । आफ्ना कमजोरी सम्बोधन गर्ने गरी कार्ययोजना तयार ...