प्रवास

अष्ट्रेलिया । गैरआवासीय नेपाली संघ (एनआरएनए) एनसीसी अष्ट्रेलियाले सिड्नीमा आफ्नै भवनबाट कार्यालय सञ्चालन गर्ने भएको छ । पाँच लाख ८८ हजार डलरमा खरिद गरिएको भवनमा अबदेखि एनआरएन अष्ट्रेलियाले आफ्नो प्रशासनिक र अन्य कार्यहरु सञ्चालन गर्न लागेको हो । बिहीबार न्यूसाउथवेल्सका प्रिमियर क्रिस मिन्सले एक समारोहकाबीच वैदिक मन्त्रोच्चारणका साथ कार्यालयको उद्घाटन गरेका छन् । कार्यक्रममा बोल्दै प्रमुख अतिथि न्यूसाउथवेल्सका प्रिमियर मिन्सले नेपाली समूदायको खुलेर प्रशंसा गरे । नेपालीको बाक्लो बसोबास गरेको रकडेल, कोग्राका सांसद समेत रहेका उनले अष्ट्रेलियालाई आफ्नो घर बनाउन सफल सबै नेपालीहरुलाई बधाई दिएका छन् । कार्यालय भवन खरिदका लागि २ लाख १० हजार डलर सरकारी अनुदान समेत प्राप्त भएको छ । कार्यक्रममा बोल्दै अष्ट्रेलियाका लागि नेपाली राजदूत कैलाशराज पोखरेलले सबै नेपालीका लागि यो गर्वको विषय भएको र एनआरएन...