खेलकुद

सुपेन्द्र बस्नेत/बोस्टन । अमेरिकाको न्यू इङल्याण्डवासी प्रवासी नेपाली युवाहरुको सक्रियतामा गठित संस्था खेलकुद आइएनसीले बोस्टनमा खुला बास्केटबल प्रतियोगिता गर्ने भएको छ । ‘स्वास्थ्य, कल्याण, समुदाय र सामुहिक कार्य’ लाई आफ्नो मूल मन्त्र बनाएर संस्थागत उद्देश्य प्राप्तिका लागि सक्रिय भइरहेको यस संस्थाले, यही आउदो मार्च १७ तारिख आइतवारका दिन 47 Elm st. Everett, MA-02149 स्थित Everett Recreation Center मा उक्त बास्केटबल प्रतियोगिता गर्न लागेको हो । उक्त प्रतियोगिता गैर आवासीय नेपाली संघ, राष्ट्रिय समन्वय परिषद्, अमेरिका (एनआरएनए) म्यासाच्युसेट्स च्याप्टरसंगको समन्वयमा हुदैछ । शारीरिक तथा मानसिक वृति विकासमा टेवा पुर्याउने, समुदाय भित्र रहेका प्रतिभाहरुको खोजी गर्ने, प्रतिभा देखाउन चाहनेहरुलाई अवसर प्रदान गर्ने र आपसी एकतालाई थप मजबुत बनाउन सहयोगी भूमिका निर्वाह गर्ने प्रतियोगिताको मुख्य उ...

नेपाल । हङकङमा जारी त्रिपक्षीय टी–२० शृङ्खलाको फाइनलमा नेपालको खराब ब्याटिङ हुँदा उपाधिविहीन बनेको छ । बुधबार सम्पन्न खेलमा १७२ रनको लक्ष्य पछ्याउने क्रममा नेपालले सबै विकेट गुमाएर ८५ रनमात्रै बनायो र ८६ रनले पराजित हुन पुग्यो । उक्त खेलमा नेपाल, हङकङ र पपुवा न्यूगिनी (पीएनजी)बीचको खेलमा उपाधि भिडन्तमा पीएनजीले ८ विकेट गुमाएर १७१ रन बनाएको थियो । नेपालका कुशल भुर्तेल र आकाश चन्दले तीनरतीन, करण केसी र गुल्शन झाले एक–एक विकेट लिए । नेपालले यसअघि लिग चरणमा भएको खेलमा पीएनजीलाई ८५ रनले हराएको थियो । मंगलबार दिउँसोको खेलमा हङकङलाई १० विकेटले हराउँदै पीएनजी पनि फाइनलमा पुगेको थियो ।...

नेपाल । बहराइनविरुद्ध विश्वकप छनोट फुटबल खेल्ने नेपाली टोलीको घोषणा भएको छ । अखिल नेपाल फुटबल संघ (एन्फा)ले मंगलवार गोलकिपर किरणकुमार लिम्बुको कप्तानीमा २३ सदस्यीय टोलीको घोषणा गरेको हो । ६ जना नयाँ खेलाडी समेट्दै फुटबल टोलीको घोषणा गरेको हो । भरत खवासले टोलीमा पुनरागमन गरेका छन् । अजय चौधरी, अभिषेक लिम्बु, सौभाग्य राई (सन्जित) , विशाल बस्नेत, रोहन कार्की र समिर तामाङ पहिलो पटक राष्ट्रिय टोलीमा अटाएका छन् । एन्फाका अनुसार यही टोलीले मलेशियाविरुद्ध मैत्रीपूर्ण खेल पनि खेल्नेछ । नेपालले चैत २ गते मलेशियासँग मैत्रीपूर्ण फुटबल खेल्नेछ । उक्त खेलका लागि नेपाली टोली भोलि नै मलेशिया प्रस्थान गर्दै छ। मलेशियासँगको खेललगत्तै नेपालले फिफा विश्वकप र एएफसी एशियन छनोट खेल्नेछ। विश्वकप छनोटअन्तर्गत नेपालले चैत ८ र १३ गते बहराइनसँग दुई ओटा खेल खेल्नेछ ।  ...

नेपाल । शनिबार सम्पन्न मैत्रीपूर्ण टी-२० आई खेलमा घरेलु टोली हङकङसँग नेपाल ७३ रनले पराजित भएको छ । हङकङले दिएको २१३ रनको लक्ष्य पछ्याएको नेपाल १६ ओभर ४ बलमा १३९ रनमा समेटियो । नेपालका लागि विनोद भण्डारीले सर्वाधिक ४२ रन बनाए । आरिफ शेख ३८ र कप्तान रोहित पौडेल ३० बनाउनुबाहेक अन्य ब्याटरले दोहोरो अंकमा रन बनाउन सकेनन् । ११७ रनमा ३ विकेट गुमाएको नेपालले २२ रन जोड्दा थप ७ विकेट गुमाउन पुग्यो । यसअघि घरेलु मैदानमा टस हारेर पहिला ब्याटिङको निम्तो पाएको हङकङले निर्धारित २० ओभरमा ६ विकेट गुमाउँदै २१२ रन बनाएको थियो ।...

नेपाल । नेपाल र हङकङले शनिबार मैत्रीपूर्ण क्रिकेट खेल्दैछन् । खेल बिहान हङकङमा सवा ११ बजे शुरु हुनेछ । नेपाली टोलीमा रोहितकुमार पौडेल, कुशल भुर्तेल, विनोद भण्डारी, गुलशन झा, सन्दीप जोरा, आरिफ शेख, विवेक यादव, राशिद खान, करण केसी, सागर ढकाल, प्रतिश जिसी, लोकेश बम, आकाश चन्द र अविनाश बोहोरा छन् । नेपाल, हङकङ र पपुवा न्युगिनीबीच यही फागुन २७ गतेदेखि त्रिकोणात्मक टी–२० आई श्रृङ्खला हुँदैछ । त्यसअघि नेपालले हङकङसँग मैत्रीपूर्ण खेल खेल्न लागेको हो । त्रिकोणात्मक सिरिजमा नेपालले पहिलो खेल फागुन २७ गते हङकङसँग खेल्ने छ । यस्तै फागुन २९ गते पवुवा न्युगिनीसँग खेल्नेछ । फागुन ३० गते त्रिकोणात्मक सिरिजको फाइनल खेल हुनेछ । ...

नेपाल । नेपालले अन्ततः टी-२० अन्तर्राष्ट्रिय क्रिकेट शृङ्खलाको उपाधि जित्न सकेन । सोमबार नेदरल्यान्ड्सले नेपालमा आयोजित त्रिकोणात्मक टी-२० अन्तर्राष्ट्रिय क्रिकेट शृङ्खलाको उपाधि जितेको हो । त्रिवि मैदानमा भएको फाइनलमा नेदरल्यान्ड्सले नेपाललाई ४ विकेटले पराजित गर्‍यो । नेपालले दिएको एक सय ८५ रनको लक्ष्य नेदरल्यान्ड्सले १९.३ ओभरमा ६ विकेट गुमाएर भेट्टायो ।  नेपालका कुशल मल्लले ४ विकेट लिए । १९ औँ ओभरमा कुशल मल्लले २ विकेट लिए भने १२ रन खर्चिएका थिए । डच टोलीलाई अन्तिम ३ ओभरमा ४० रन चाहिएको थियो । त्यसअघि नेदरल्यान्ड्सले पहिलो विकेटका लागि ८ ओभरमा ८३ रनको साझेदारी गरेको थियो ।...

नेपाल । साफ यू-१६ महिला च्याम्पियनशिपमा नेपाल विजयी भएको छ । सोमबार सातदोबाटोस्थित एन्फा कम्प्लेक्समा भएको खेलमा नेपालले भूटानलाई ३-० गोलले पराजित गरेको हो । यो जीतसँगै शीर्ष २ मा पुग्ने झिनो सम्भावनालाई कायम राखेको छ । खेलको १४औं मिनेटमा पूजा गिरीले गोल गर्दै नेपाललाई अग्रता दिएकी थिइन् । १८ औं मिनेटमा कप्तान भूमिका बुढाथोकीले गोल गर्दै घरेलु टीमको अग्रता दोब्बर पारिन् । नेपालको लागि तेस्रो गोल ग्यान्छु डोल्मा लोले खेलको ३० औं मिनेटमा गरेकी थिइन् । खेलको दोस्रो हाफमा दुबै पक्षबाट कुनै गोल भएन र नेपालले खेल ३-० ले जित्यो । प्रतियोगितामा सुरुवाती दुई खेल गुमाएको भूटान च्याम्पियनशिपबाट बाहिरिएको छ । अब नेपालले भारतसँग हुने खेलमा जीत निकाल्न सके र बंगलादेशलाई भूटानले फराकिलो गोल अन्तरले पराजित गर्न सकेमात्रै नेपालले फाइनल यात्रा तय गर्नेछ । ...

नेपाल । नेपाल क्रिकेट संघ (क्यान)ले हङकङमा हुने टी–२० अन्तर्राष्ट्रिय क्रिकेट शृंखलाका लागि १४ सदस्यीय नेपाली टोलीको घोषणा गरेको छ । आइतबार घोषणा गरिएको टोलीमा पहिलो रोजाईका केही खेलाडीहरुलाई समावेश गरिएको छ । दीपेन्द्रसिंह ऐरी, कुशल मल्ल, आसिफ शेख र सोमपाल कामीलाई राखिएको छैन । रोहित पौडेल, कुशल भुर्तेल, विनोद भन्डारी, गुल्सन झा, सन्दीप जोरा, आरिफ शेख, विवेद यादब, रसिद खान, करण केसी, प्रतिस जिसी, लोकेश बम, आकाश चन्द र अविनाश बोहरालाई हङकङ भ्रमणमा समावेश गरिएको हो । हाल जारी टी–२० शृंखला खेलिरहेका अनिल शाह पनि टोलीमा छैनन्। विश्वकपको तयारीका लागि नेपाली टोलीले हङकङमा खेल्न लागेको हो । नेपालले फागुन २६ देखि ३० गतेसम्म हङकङमा त्रिदेशीय टी–२० सिरिज खेल्नेछन् ।...

अमेरिका । नेपालकी स्ट्राइकर सावित्रा भण्डारी ‘साम्बा’ले फ्रेन्च महिला लिगमा व्यक्तिगत पहिलो गोल गरेकी छन् । फ्रेन्च लिगमा पहिलो गोल एन अभान्ट ग्वेंगाम्पबाट खेलिरहेकी साम्बाले शनिबार राति लिलविरुद्ध उक्त गोल गरेकी हुन् । साउदी अरबमा सम्पन्न वाफ वुमन्स च्याम्पियनसिपमा राष्ट्रिय टिमको फाइनल खेल गुमाएकी साम्बा त्यहाँबाट फान्स गएकी थिइन् । वाफ वुमन्सको अन्य खेलमा उनले ९ गोल गरेकी थिइन् । वैकल्पिक खेलाडीको रूपमा ८६ औं मिनेटमा मैदान प्रवेश गरेकी साम्बाले इन्जुरी समयको पहिलो मिनेटमा व्यक्तिगत पहिलो र टिमका लागि दोस्रो गोल गरेकी थिइन् । लिलविरुद्ध खेल २–० ले जितेपछि भण्डारीको क्लब ग्वेंगाम्प १६ खेलबाट १५ अंकसहित तालिकाको नवौं स्थानमा उक्लिएको छ ।  ...