राजनीति/समाज

नेपाल । रुपन्देही जिल्ला अदालतले रास्वपाका सभापति रवि लामिछानेलाई थुनामै राख्ने आदेश दिएको छ। लामिछानेको निवेदनमाथि सोमबार सुनुवाइ गर्दै न्यायाधीश नारायणप्रसाद सापकोटाको इजलासले उनलाई थुनामै पठाउने आदेश गरेको छ । उनी सुप्रिम सहकारी ठगी मुद्दामा पुर्पक्षका लागि रुपन्देही कारागारमा छन् । उनले आफूलाई बिगो सकारेर थुनाबाहिरबाट मुद्दा लड्न पाउने गरी आदेशको माग गर्दै अदालतमा निवेदन दिएका थिए ।...

नेपाल । नेपाल कम्युनिष्ट पार्टी (एस) ले पार्टीको विधि र पद्धति विपरित टीकाटिप्पणी नगर्न नेता तथा कार्यकर्तालाई निर्देशन दिएको छ। पार्टीका केही जिम्मेवार नेता तथा कार्यकर्ताहरुले पार्टी हितविपरीत जथाभावी अभिव्यक्ति दिन थालेपछि पार्टीले सो निर्देशन दिएको हो । पार्टी अनुशासन उल्लङ्घन गरी जनताप्रति भ्रम सिर्जना गर्नेगरी अभिव्यक्ति रोक्न तथा सामाजिक सञ्जालमा नलेख्न पार्टी नेता कार्यकर्ताहरुप्रति जनविश्वास कायम राख्न निर्देशन दिइएको केन्द्रीय अनुशासन आयोगका अध्यक्ष शिवबहादुर देउजाले जानकारी दिए । उनले पार्टीका अनुशासनविपरीत अभिव्यक्ति दिने काम अविलम्ब बन्द गरी पार्टी स्वाभिमानलाई कायम राख्न सम्पूर्ण नेता तथा कार्यकर्तालाई आग्रह गरे । ...

नेपाल । नेपाली कांग्रेसले भ्रातृ संस्थाको महाधिवेशन निर्धारित मितिमै सम्पन्न गर्न निर्देशक समितिको कार्यसम्पादन निर्देशिका जारी गरेको छ । कांग्रेस पदाधिकारी र महाधिवेशन गर्ने सन्दर्भमा गठित ‘महाधिवेशन केन्द्रीय निर्देशन समिति’ को सोमबार सम्पन्न संयुक्त बैठकमा कार्यसम्पादन निर्देशिका परिमार्जनसहित पारित गरिएको हो । केन्द्रीय सदस्य एवं सूचना सञ्चार तथा प्रचार विभाग प्रमुख मीनबहादुर विश्वकर्माका अनुसार बाँकी भ्रातृ संस्थाको महाधिवेशन गर्नका लागि महामन्त्रीद्वय गगनकुमार थापा र विश्वप्रकाश शर्माले कार्यसम्पादन निर्देशिका तयार पार्नुभएको हो । कांग्रेसका भ्रातृ संस्थाको महाधिवेशन गर्न २०८१ मङ्सिर २६ गते १० वटा भ्रातृ संस्थाको ‘महाधिवेशन केन्द्रीय निर्देशन समिति’ गठन गरिएको थियो । नेता विश्वकर्माका अनुसार कांग्रेसका भ्रातृ संस्था नेपाल तरुण दल, नेपाल विद्यार्थी सङ्घ, नेपाल महिला सङ्घ, नेपाल दलि...

नेपाल । नेपाल कार्टुनिष्ट क्लबले पाँच जना अग्रज कार्टुनिष्टलाई ‘बराथ स्मृति सम्मान’ प्रदान गरेको छ । क्लबले आज यहाँ आयोजना गरेको समारोहमा उहाँहरूलाई सम्मान प्रदान गरेको हो । सम्मानित हुनेमा अशोकमान सिंह, जीवन राजोपाध्याय, रविन सायमी, राजेश केसी र अविन श्रेष्ठ रहनुभएको छ । उहाँहरूलाई नेपाल ललितकला प्रज्ञा प्रतिष्ठानका कुलपति नारदमणि हार्तम्छालीले दोसल्ला ओढाएर कदरपत्रसहित सम्मान प्रदान गर्नुभएको थियो । पाँच दशकदेखि नेपाली कार्टुन क्षेत्रमा सक्रिय अग्रज कार्टुनिष्ट सिंहको नेपाली कार्टुनको संस्थागत आधार तयार पार्नमा महत्त्वपूर्ण भूमिका रहेको छ । यस्तै, अर्का कार्टुनिष्ट राजोपाध्याय २०४४ सालमा कामना मासिक पत्रिकाबाट कार्टुनिष्टका रूपमा लाग्नुभएको थियो । यस्तै, चार दशकदेखि कार्टुनमा सक्रिय अर्का कार्टुनिष्ट रविन सायमीले दृष्टि साप्ताहिकबाट काम थाल्नुभएको थियो भने राजेश केसी तीन दशकदेखि कार्ट...

नेपाल । कैलाली कारागारका कैदीबन्दीबीच भएको झडपपछि उत्पन्न परिस्थिति क्रमशः सामान्य बन्दै गएको छ। जिल्ला प्रशासन कार्यालयले शुक्रबार राति एक कैदीको मृत्यु र ४७ जना घाइते हुने गरी भएको झडपपछि उत्पन्न परिस्थिति सामान्य बन्दै गएको जनाएको हो । उक्त घटनाको छानबिन गर्न गठित समितिका सदस्य सचिव एवं प्रशासकीय अधिकृत शिवराज जोशीले अवस्था सामान्य बन्दै गएको र घटनाको पुनरावृत्ति हुन नपाओस् भनेर स्थानीय प्रशासनले सुरक्षा व्यवस्था मिलाएको बताए । राष्ट्रिय मानवअधिकार आयोगको टोलीको सहजीकरणमा आज कारागारका कर्मचारी र प्रहरीसहितको टोलीले कारागारभित्रका कैदीबन्दीको अवस्था र सङ्ख्या यकिन गरेर फर्किएको उनले बताए । शुक्रबार भएको झडपबाट घाइते भएका धनगढी उपमहानगर–४ का ३६ वर्षीय भरत चौधरीको उपचारका क्रममा मृत्यु भएको थियो । घटनामा गम्भीर घाइते भएका दुईजनाको सेती प्रादेशिक अस्पतालको सघन उपचार कक्षमा उपचार भइरहेको...

नेपाल । नेकपा (माओवादी केन्द्र) का अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’ ले सरकारमा जाने विषय आफूहरूको प्राथमिकतामा नरहेको बताएका छन्। आइतबार चितवनमा पत्रकारसँग कुराकानी गर्दै उनले सरकारले गरेका कामको विरोध गर्दा माओवादीलाई सरकार चाहिएको जसरी अर्थ्याउन खोजिएको भन्दै अहिले नै सरकारमा जाने कुनै सोच नरहेको उनको भनाइ थियो । माओवादी केन्द्रले भदौ तेस्रो साताबाट विगतमा स्थगन भएको अभियान पुनः सुरु गर्ने र त्यसपछि पुनः केन्द्रीय समितिको बैठक बसेर नयाँ एजेण्डासहित अघि बढ्ने उनको भनाइ थियो । ...

नेपाल । पशुपतिस्थित शवदाह क्षेत्र आर्यघाटमा जल्दै गरेको शवबाट हड्डी निकालेर अरुलाई दिएको अभियोगमा प्रहरीले दुई जनालाई पक्राउ गरेको छ । पक्राउ पर्नेमा शव जलाउने कार्यमा संलग्न गणेश ढकाल र उहाँका सहयोगी रहेको जिल्ला प्रहरी परिसर काठमाडौँका प्रवक्ता एवं प्रहरी उपरीक्षक कुलदीप चन्दले जानकारी दिनुभयो । “शुक्रबार काभ्रेपलाञ्चोकको बनेपा नगरपालिका–९ का राम शाही नाम गरेका मृतकको शवबाट हड्डी निकालेर अन्य व्यक्ति ९तान्त्रिक०लाई दिएको मृतकका परिवारले आरोपसहितको सूचना प्रहरीलाई दिएपछि दुवै जनालाई नियन्त्रणमा लिएका हौँ”, उहाँले भन्नुभयो । नियन्त्रणमा लिइएका दुवै जनालाई अहिले प्रहरी वृत्त गौशलामा राखेर सोधपुछ तथा आवश्यक अनुसन्धान भइरहेको प्रवक्ता चन्दले बताउनुभयो ।...

नेपाल । कैलालीको जिल्ला कारागारमा कैदीबन्दीहरूबीच शुक्रबार राति भएको झडपबारे छानबिन गर्नका लागि छानबिन समिति बनेको छ । एक जना कैदीबन्दीको मृत्यु हुने गरी भएको झडपबारे छानविन गर्न सहायक प्रमुख जिल्ला अधिकारी किरण जोशीको संयोजकत्वमा ५ सदस्यीय छानबिन समिति गठन गरिएको हो । घटनापछि कारागारभित्रको शान्ति सुरक्षामा गम्भीर चुनौती देखिएको भन्दै छानबिन समिति गठन गरेको जिल्ला प्रशासन कार्यालयले जनाएको छ । समितिले घटनाको यथार्थ पत्ता लगाई आवश्यक सिफारिस गर्ने बताइएको छ । कारागारमा झडप हुँदा ३६ वर्षीय भरत चौधरीको मृत्यु भएको थियो भने अन्य ४७ जना कैदीबन्दी घाइते भएका छन् । घाइतेहरूको सेती प्रादेशिक अस्पताल, धनगढीमा उपचार भइरहेको जिल्ला प्रशासन कार्यालय, कैलालीले जनाएको छ । ...

नेपाल । सप्तकोशी नदीमा पानीको बहाव बढेको छ । लगातारको वर्षाका कारण शनिबार राति ९ बजे गरिएको मापनअनुसार, कोशी ब्यारेजमा पानीको बहाव प्रतिसेकेन्ड २ लाख ४३० क्युसेक पुगेको छ । सशस्त्र प्रहरी बल नेपाल नम्बर ४ हेडक्वार्टरका सशस्त्र प्रहरी उपरीक्षक निर्मलकुमार थापाका अनुसार, कोशी ब्यारेजका ५६ वटा ढोकामध्ये अहिले २८ वटा खोलिएका छन् । जब पानीको बहाव प्रतिसेकेन्ड १ लाख ५० हजार क्युसेक नाघ्छ, तब खतराको सङ्केतस्वरूप रातो बत्ती बाल्ने गरिन्छ । अहिले पनि सोहीअनुसार रातो बत्ती बालिएको कन्ट्रोल रुमले जनाएको छ । केही दिनदेखिको अविरल वर्षाका कारण जलसतह बढेको हो ।...

नेपाल । नेपाली कांग्रेसका महामन्त्री गगनकुमार थापाले पार्टीमा शुद्धीकरण, आत्मसमीक्षा र आत्मविश्वास आवश्यक रहेको बताएका छन् । शनिबार बालकोटमा आयोजित स्व श्यामबहादुर कार्कीको १८औँ स्मृति सभामा कांग्रेसले आत्मविश्वास हराएको पार्टीले देश सम्हाल्न नसक्ने भन्दै सबैले आत्मसमीक्षासहित पार्टी निर्माणमा लाग्नुपर्ने बताए । महामन्त्री थापाले देशका समस्याको समाधान दिनुपर्ने पार्टीमै आत्मविश्वास कमजोर भएको जस्तो देखिएको उल्लेख गर्दै त्यसलाई मजबुद बनाउन आवश्यक रहेको बताए । महामन्त्री थापाले युवाहरूको असन्तुष्टिलाई वास्तविक भावनाका रूपमा बुझ्नुपर्ने र त्यसलाई कदर गर्दै देशभित्र अवसर सिर्जना गर्नुपर्नेमा समेत जोड दिए । ...