अन्तराष्ट्रिय/प्रवास

-हेम राज शर्मा- अन्ततः परराष्ट्र मन्त्रालयले सर्वोच्च अदालतका दुबै फैसलालाई सम्मान र कार्यान्वयन गर्नु पर्ने संवैधानिक तथा कानुनी बाध्यता स्वीकार गरेको छ। यसअघि दोस्रो फैसलासम्बन्धी मन्त्रालय मौन रहँदै आएको थियो। दुबै फैसलालाई एकैसाथ कार्यान्वयन गर्न सकिने अवस्था सिर्जना गर्न उच्चस्तरीय समितिको कार्यकाल सात महिनासम्म थप गर्न (अर्थात ११औं कार्यसमितिको दुई वर्षे कार्यकाल सकिने समयसम्म) परराष्ट्र मन्त्रालयले सर्वोच्च अदालतमा निवेदन दिएको छ। निवेदनको पहिलो पेशी आज परेको थियो। आजको पेशीमा शेष घलेज्यूको तर्फबाट छ जना अधिवक्ताले ‘intervene’ गरेपछि न्यायाधीशहरूले थप कागजात माग्दै दुबै पक्षका अधिवक्ताबीच बहस गराउने आदेश दिएका छन्। आज मुद्दामा कुनै बहस भएको थिएन, जुन अदालतको सामान्य प्रक्रिया हो। अब यो मुद्दा लम्बिन सक्छ, र मे महिनामा हुने भनिएको अधिवेशनभन्दा पहिले अदालतको निर्णय आउने सम्भावना छै...

नेपाल । राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले विदेशमा बस्ने नेपालीहरुको नागरिकता निरन्तरता हुनुपर्नेमा आफ्नो पार्टी प्रतिबद्ध भएको उल्लेख गर्नुभएको छ । विदेशमा बस्ने नेपालीको नागरिकता निरन्तरताको विषय नौलो नभएपनि वर्तमान नागरिकता ऐनले सो विषयलाई विस्थापित गरेको भन्दै उक्त ऐन संशोधन गर्नुपर्ने आफूहरुको पनि मुख्य म्यान्डेट भएको उहाँले बताउनुभयो । गैरआवासीय नेपाली संघका अध्यक्ष डा बद्री केसीको नेतृत्वमा गएको प्रतिनिधिमण्डलसँग सिंहदरबारमा मंगलबार भएको भेटमा अध्यक्ष लिङ्देनले भन्नुभयो, “एक पटकको नेपाली सदैव नेपाली हुनुपर्छ र उनीहरुलाई मूलथलोबाट टाढा बनाउनु हुन्न भनेर हामीले आवाज उठाउँदै आएका छौँ ।” २०६३ सालपछिको राजनीतिक व्यवस्था फेरिएपछि आएको नागरिकता ऐनले विदेशमा बस्ने सबै नेपालीलाई अन्याय गरेको छ, उहाँले भन्नुभयो, “अवसरको खोजीमा विदेशमा गएको नेपाली अवसर पायो...

नेपाल । नियात्राकार युवराज नयाँघरेलाई थाइल्यान्डको राजधानी बैङ्ककमा सम्मानित गरिएको छ । थाई नेपाली संघ, बैङ्कक शाखाले आयोजना गरेको कार्यक्रममा साहित्यका विविध विधामाथि अन्तरसंवादसमेत भएको थियो । समारोहमा अशोक घिमिरे, दीपा राना, तिलक पोख्रेल, रित निरौला गुरागाईं, कोमल भट्टराई, राज पौड्याल, गङ्गा बस्नेत, भारती अधिकारी, विना ढकाल, करुणा भुजेल, लोकेन्द्र ओलीलगायतले आफ्ना रचना र विचार प्रस्तुत गर्नुभएको थियो । नियात्राकार नयाँघरेले स्थानीय अनुभूति र विषयलाई सम्मान गरी लेखिएको साहित्य लोकप्रिय र स्वीकार्य हुने बताउनुभयो । ...

नेपाल । उद्योग वाणिज्य तथा आपूर्ति मन्त्री दामोदर भण्डारीले गैरआवासीय नेपाली संघको वर्तमान समस्याको विषय सरकारले गम्भीरतापूर्वक लिइरहेको बताउनुभएको छ । सिंहदरबारस्थित मन्त्रालयमा गैरआवासीय नेपाली संघका पदाधिकारीसँगको भेटमा माननीय मन्त्री भण्डारीले संघको ११ औँ कार्यसमितिको वैधानिकताको विषयमा सरकार स्पष्ट रहेको र विधानसम्मत रुपमा विधिपूर्वक कार्यरत कार्यसमितिकै नेतृत्वमा भएका विभिन्न क्षत्रीय सम्मेलनमा सरकारको डेलिग्ट्सको रुपमा आफू पनि सहभागि भइसकेको स्मरण गराउनुभयो । उहाँले भन्नुभयो, विधिविधान अनुसार अघि बढ्नुभएकोले नै हो नेपाल सरकारको क्याबिनेटले जानू भनेर म तपाईहरुको सम्मेलनमा सहभागी भएको यो भन्दा ठूलो प्रमाण अरु के हुन्छरु कि सरकारले तपाईहरुलाई नै वैधानिक रुपमा लिन्छ भन्ने रु तर यो भन्दाभन्दै तपाईहरु मिलेर अघि बढ्नुपर्छ भन्नेमा पनि सबै सरकार, राजनीतिक दलहरु एकमत छन् । भेटमा अध्यक्ष डा...

नेपाल । राष्ट्रपति रामचन्द्र पौडेलले वर्तमान परिपेक्ष्यमा गैरआवासीय नेपाली संघमा देखा परेको विवाद समाधानका लागि एनआरएनएकै अग्रजहरुले मुख्य भूमिका खेल्नुपर्नेमा जोड दिनुभएको छ । गैरआवासीय नेपाली संघका अध्यक्ष डा बद्री केसी नेतृत्वको प्रतिनिधिमण्डलसँग शितलनिवासमा सोमबार भएको भेटघाटमा सम्माननीय राष्ट्रपति पौडेलले एनआरएनए विश्व डायस्पोरामै उत्कृष्ट संस्था भएकोले व्यक्तिगत वा कुनै साना समुहगत असन्तुष्टीका कारण संस्था नै अप्ठेरोमा पार्न नहुने उल्लेख गर्नुभयो । उहाँले भन्नुभयो, ‘तपाईहरुको अहिलेको समस्याको निकास निकाल्न एनआरएनकै अग्रजहरुको भूमिका पनि महत्वपूर्ण छ, सकेसम्म मिलेर अघि बढ्दा राम्रो हुन्छ ।’ भेटमा शेष घले नेतृत्वमा आगामी मे महिनामा एकताको महाधिवेशनका नाममा विधान विपरित गतिविधि गर्न लागेको अध्यक्ष डा बद्री केसीले जानकारी गराउनुभयो । उहाँले भन्नुभयो, ‘हाम्रो मुख्य खम्बा भनेको राष्ट्रिय...

नेपाल । गैरआवासीय नेपाली संघ (एनआरएनए) पदाधिकारीहरूले आइतबार सभामुख देवराज घिमिरे र राष्ट्रिय सभाका अध्यक्ष नारायण दाहालसॅंग भेट गरेका छन् । एनआरएनए अध्यक्ष बद्री केसीको नेतृत्वको टोलीले सभामुख घिमिरे र राष्ट्रिय सभा अध्यक्ष दाहाललाई छुट्टछुट्टै भेटेर एनआरएनभित्र देखिएको समस्याबारे जानकारी गराएको हो । उक्त अवसरमा एनआरएनएको आन्तरिक विवाद समाधान, एनआरएन नागरिकता अधिकार कार्यान्वयनमा चुनौती, नेपालमा एनआरएन लगानी प्रक्रियालाई सहज बनाउन आवश्यक लगायत प्रमुख विषयमा छलफल भएको थियो । सभामुख घिमिरेले टोलीले व्यक्त गरेको सबै सरोकार सकारात्मक रूपमा ग्रहण गर्नुका साथै यी विषयहरूलाई सम्बोधन गर्ने प्रतिबद्धता व्यक्त गरे । उनले एकीकृत एनआरएनएको महत्वमा जोड दिए र विश्वव्यापी नेपाली समुदायले सामना गरेका चुनौती समाधानमा आफ्नो प्रतिबद्धता व्यक्त गरे । साथै राष्ट्रिय सभाका अध्यक्ष दाहालले सबै चासोलाई सकारा...

अमेरिका । न्युयोर्क सिटी मेयरद्वारा घोषणा गरिएको मिथिला संस्कृति तथा फेस्टिभल दिवसका अवसरमा यहाँ ‘आर्ट फर एसडिजिजः मिथिला हेरिटेज कार्यशाला, प्रदर्शनी र पुरस्कार २०२५’ कार्यक्रम आयोजना गरेको छ । मिथिला सेन्टर युएसएले अपन फाउन्डेसनको सहकार्यमा न्युयोर्क तिब्बती सेवा केन्द्रमा कार्यक्रम आयोजना गरेको हो । कार्यक्रममा विभिन्न समुदायका ४० भन्दाबढी बालबालिकाको सहभागिता थियो । बालबालिकाले संयुक्त राष्ट्रसङ्घको दिगो विकास लक्ष्य १५ मा आधारित रहेर ‘जीवन र प्रकृति’ विषयमा आयोजित सिर्जनात्मक कला कार्यशालामा उत्साहपूर्वक भाग लिएका थिए । प्रसिद्ध मिथिला कलाकार एससी सुमनले बालबालिकालाई कलामार्फत वातावरणीय सन्देशहरू व्यक्त गर्न सहजीकरण गर्नुभएको थियो । कार्यक्रममा सहभागी सबै बालबालिकालाई न्युयोर्क राज्यसभा सदस्य स्टीवन रागाकोतर्फबाट प्रमाणपत्रसमेत प्रदान गरिएको आयोजकले जनाएको छ । यस्तै, लोककलामार्फत मि...

अमेरिका । अमेरिकाको फ्लोरिडा स्टेट यूनिभर्सिटीमा बिहीबार भएको गोलीकाण्डमा दुई जनाको मृत्यु भएको र छ जना घाइते भएको खबर सार्वजनिक भएका छन् । उक्त गोलीकाण्ड बिहानको समयमा भएको थियो । अधिकारीहरूले शङ्कास्पद बन्दुकधारीको विश्वविद्यालयका विद्यार्थी भएको पहिचान भएको छ । घटनामा ज्यान गुमाउने दुई व्यक्ति सो विश्वविद्यालयका विधार्थी भने नभएको बुझिएको छ ।...

अमेरिका । बेलायतका लागि नेपाली राजदूत चन्द्रकुमार घिमिरेले बेलायती संसद्को तल्लो सदन ‘हाउस अफ कमन्स’का सभामुख सर लिन्डसे होयलसँग शिष्टाचार भेट गर्नुभएको छ । वेष्टमिनिष्टरमा हालै भएको भेटमा राजदूत घिमिरेले बेलायती संसद्को ऐतिहासिक भूमिकाको प्रशंसा गर्दै नेपालका सभामुख देवराज घिमिरेको सन्देश सुनाउनुभएको थियो । उहाँले नेपालको संसद् समावेशी भएको उल्लेद गर्दै नेपाल हेर्ने बेलायतको सर्वदलीय संसदीय समितिको सहयोगप्रति आभार व्यक्त गर्नुभयो । बेलायत र नेपाल दुई देशबीच दुई शताब्दीभन्दा बढी समयदेखि आत्मिय र सौहार्दपूर्ण सम्बन्ध रहेको भन्दै राजदूत घिमिरेले उच्चस्तरीय भ्रमण आदानप्रदानको महत्त्वमा जोड दिनुभयो । उहाँले नेपाललाई बेलायतबाट निरन्तर थप सहयोगको आवश्यकताबारे धारणा राख्नुभएको लण्डनस्थित नेपाली दूतावासले जनाएको छ । राजदूत घिमिरेले विशेष गरी जलवायु परिवर्तनको प्रभाव न्यूनीकरण, नेपालको समृद्धिको...

अमेरिका । ‘अस्ट्रेलियन नेप्लिज जर्नालिस्ट एसोसिएसन’ (एन्जा) ले सिड्नीमा आयोजना गरेको एक कार्यक्रममा नेपाल पत्रकार महासङ्घका अघ्यक्ष निर्मला शर्मालाई बधाई तथा सम्मान गरेको छ । अस्ट्रेलियामा रहेका नेपाली पत्रकारहरूको संस्था एन्जाले महासङ्घको सहकार्यलाई निरन्तरता दिँदै थप सहकार्य गर्न सक्ने विषयमा छलफल गरेको थियो । कार्यक्रममा अध्यक्ष शर्माले राजावादीका नाममा अराजक समूहले गरेको आन्दोलनमा पत्रकार सुरेश रजकको हत्या र सञ्चारमाध्यममाथि गरिएको आगजनी र तोडफोडप्रति घोर आपत्ति र भत्सर्ना गर्दै प्रेसमाथिको दमन कुनै पनि हिसाबमा क्षम्य नहुने र दोषीमाथि हदैसम्मको कारबाही गर्नुपर्ने बताउनुभयो । उहाँले पत्रकार महासङ्घ यतिबेला आन्दोलनमा भएकाले प्रेस तथा अभिव्यक्ति स्वतन्त्रताको आन्दोलनमा एक्येबद्धता जनाउन आग्रह गर्नुभयो । उक्त कार्यक्रममा गोरखापत्र दैनिकका प्रधानसम्पादक शिव भट्टराई, वरिष्ठ पत्रकार कविर र...