कोलोराडोखबर संवाददाता
-आर. आर. चौलागाईं-
आगोमा डढिरहँदा मलाई कस्तो भयो होला !
बाढीमा बगिरहँदा मलाई कस्तो भयो होला !
अहिले खूब चेपारो घस्छौ मेरो नजिक आएर
भीरमा खसिरहँदा मलाई कस्तो भयो होला !
आफ्नैहरूबाट क्षतविक्षत भएर एकलासमा
भुइँमा ढलिरहँदा मलाई कस्तो भयो होला !
उताकोले मेरो हैन भन्छ अनि यताकोले पनि
बीचमा लडिरहँदा मलाई कस्तो भयो होला !
न त केही भनेको छु न त मैले केही गरेको छु
बित्थामा मरिरहँदा मलाई कस्तो भयो होला !
-हेटौंडा, मकवानपुर ।
प्रतिक्रिया दिनुहोस्