खेलकुद

नेपाल (हेटौंडा) । पूर्वी मकवानपुरको बागमती गाउँपालिकामा जारी छैठौंं संस्करणको बागमती गोल्डकप फुटबल प्रतियोगिता अन्तर्गत विभागीय टोली सशस्त्र प्रहरी बलको एपीएफ क्लब सेमिफाइनलमा प्रवेश गरेको छ । शुक्रबार बागमती–८ स्थित जनता माविको खेल मैदानमा भएको दोस्रो क्वाटरफाइनल खेलमा चर्च ब्वाइज युनाइटेडलाई ३–१ गोलले हराउँदै एपीएफ सेमिफाइनलमा प्रवेश गरेको हो । एपीएफको जीतमा अनिष महर्जनले दुई तथा फोडे फोफनाले एक गोल गरे । खेलको दोस्रो हाफको १६औं मिनेटमा फोफनाले गोल गर्दै एपीएफलाई सुरुवाती अग्रता दिलाएका थिए । यस्तै महर्जनले खेलको दोस्रो हाफको १६ औं मिनेटमा फोफनाको पासलाई सदुपयोग गर्दै हेडमार्फत गोल गरे भने २४ औं मिनेटमा व्यक्तिगत दोस्रो गोल गरे । खेलको दोस्रो हाफको ८८ औं मिनेटमा चर्च ब्वाइजका लागि विशाल बस्नेतले एक गोल गरे पनि टिमलाई हारबाट जोगाउन भने सकेन । खेलको म्यान अफ द म्याच महर्जन घोषित भए । उन...

नेपाल (हेटौंडा) । मकवानपुरको बागमती गाउँपालिकामा जारी छैठौंं संस्करणको बागमती गोल्डकप फुटबल प्रतियोगिता अन्तर्गत न्युरोड टिम (एनआरटी) सेमिफाइनलमा प्रवेश गरेको छ । बिहिबार बागमती–८ स्थित जनता माविको खेल मैदानमा भएको पहिलो क्वाटरफाइनल खेलमा सिमराको नव जनजागृती युवा क्लबलाई १–० गोलले हराउँदै एनआरटी सेमिफाइनलमा प्रवेश गरेको हो । एनआरटीको जीतमा मोहित गुरुङ्गले निर्णायक गोल गरे । उनले खेलको पहिलो हाफको ३१ औं मिनेटमा फ्रिकिकमार्फत उत्कृष्ट गोल गरेका हुन् । खेलको म्यान अफ द म्याच गुरुङ्ग घोषित भए । उनले १० हजार रुपैयाँ प्राप्त गरे । प्रतियोगितामा पहिलो पटक सहभागि जनाएको एनआरटी पहिलो प्रयासमै सेमिफाइनलमा प्रवेश गरेको हो । सेमिफाइनल प्रवेश गरेको एनआरटीले अब फाइनल प्रवेशका लागि ए डिभिजन क्बल जावलाखेल युथ क्लब र मछिन्द्र फुटबल क्लबबीचको विजेतासँग प्रतिस्पर्धा गर्नेछ । प्रतियोगिता अन्तर्गत दोस्रो क...

नेपाल (हेटौंडा) । पूर्वी मकवानपुरको बागमती गाउँपालिकामा जारी छैठौं संस्करणको बागमती गोल्डकप फुटबल प्रतियोगिता अन्तर्गत आयोजकले विजयी सुरुवात गरेको छ । बुधबार बागमती–८ स्थित जनता माविको खेल मैदानमा भएको खेलमा ए डिभिजन क्लब हिमालयन शेर्पा क्लबलाई टाइब्रेकरमा ५–४ गोलले हराउँदै आयोजक बागमतीले विजयी सुरुवात गरेको हो । निर्धारित खेल समयमा १–१ गोलको बराबरीपछि खेल टाइब्रेकरमा धकेलिएको थियो । निर्धारित खेल समयमा बागमतीको लागि एलिश चौलागाईले दोस्रो हाफको २ औं मिनेटमा र हिमालयन शेर्पाका सन्दीप श्रेष्ठले खेलको ९० औं मिनेटमा पेनाल्टी मार्फत गोल गरे । खेलको म्यान अफ द म्याच एलिस घोषित भए । उनले १० हजार रुपैयाँ प्राप्त गरे । बागमतीका गोलरक्षक उमेश पाख्रिनले ९० औँ मिनेटमा दोहोरो पहेंलो कार्ड पाएपछी मैदान बाहिरिए। त्यही अवसरलाई सदुपोग गर्दै श्रेष्ठले पेनाल्टीमार्फत गोल गरेका हुन् । टाइब्रेकरमा बागमतीका...

मलेसिया । मलेसियाको क्वालालम्पुरमा मंगलबार भएको एसिसी महिला प्रिमियर लिग क्रिकेट प्रतियोगितामा नेपालले माल्दिभ्समाथि जित हासिल गरेको छ । नेपालले माल्दिभ्सलाई दुई सय १४ रनको फराकिलो अन्तरले पराजित गरेको हो । नेपाली टोलीकी प्रमुख ब्याटर रुबिना क्षेत्रीले अविजित एक सय १८ रन बनाइन्। टस जितेर नेपालले पहिला ब्याटिङ गर्दै निर्धारित २० ओभरको खेलमा चार विकेट गुमाएर दुई सय २७ रन बनायो । दुई सय २९ रनको विजयी लक्ष्य पछ्याउने क्रममा माल्दिभ्सको पारी १३ दशमलव पाँच ओभरमा मात्र १३ रनमा समेटियो । लगातार तीन खेल जित्दै प्रतियोगिताको समूह ‘डी’ मा रहेको नेपाल क्वाटरफाइनमा प्रवेश गरेको छ । नेपालले पहिलो खेलमा हङकङ र दोस्रो खेलमा भुटानलाई आठ–आठ विकेटले पराजित गरेको थियो । लगातार तेस्रो खेलमा हार बेहोरेको माल्दिभ्स प्रतियोगिताबाट बाहिरिएको छ । माल्दिभ्स पहिलो खेलमा भुटान र दोस्रो खेलमा हङकङसँग पराजित भएको थिय...

नेपाल (हेटौंडा) । पूर्वी मकवानपुरको बागमती गाउँपालिकामा मंगलबारदेखि छैठौं संस्करणको बागमती गोल्डकप फुटबल प्रतियोगितामा सुरु भएको छ । प्रतियोगिताको मंगलबार दिउँसो बागमती प्रदेश सभा सदस्य प्रेम बहादुर पुलामीले उद्घाटन गरेको पालिका खेलकुद विकास समितिका अध्यक्ष टिकालाल श्रेष्ठले जानकारी दिए । प्रतियोगितामा आयोजक बागमती खेलकुद विकास समितीसहित तीन मोफसल र ७ वटा ए डिभिजन क्लबको सहभागिता छ । प्रतियोगितामा विभागीय टोलीहरु सशस्त्र प्रहरी बलको नेपाल एपीएफ, त्रिभुवन आर्मी क्लब, ए डिभिजन क्लबहरु न्युरोड टिम(एनअरटी), हिमालयन शेर्पा क्लब र चर्च ब्वाइज युनाइटेड सहभागी छन् । यस्तै मोफसल टोलिहरु आयोजक बागमती खेलकुद विकास समिति, बाराको नवजनजागृती युवा क्लब सिमरा र सर्लाहीको बागमती युथ क्लब सहभागी छन् । प्रतियोगितामा गत संस्करणको विजेता र उपविजेता टिम भने सहभागी नहुने भएको छ । पाँचौं संस्करणको विजेता विदे...

नेपाल । क्यानडाविरुद्ध एकदिवसीय अन्तर्राष्ट्रिय शृंखला नेपालले ३–० ले जितेको छ । यसअघिका २ खेल जितेको नेपालले सोमबार सम्पन्न खेलमा क्यानडालाई ९ वीकेटले पराजीत गरेको हो । त्रिवि क्रिकेट मैदानमा २३३ रनको लक्ष्य पछ्याएको नेपालले १ वीकेटको क्षतिमै लक्ष्य भेट्टाएको थियो । नेपालले पहिलो खेल ७ रन र दोस्रो खेल ४ विकेटले जितेको थियो । नेपालले लिग २ मा नामिबिया र नेदरल्यान्ड्ससँग २–२ खेल खेल्नेछ । पहिलो खेल बिहीबार नामिबियासँग खेल्दैछ । दुई सातापछि दुबईमा यूएई र स्कटल्यान्डसँग लिग २ को शृंखला खेल्नेक्रममा क्यानडाले आउँदो १० दिन मूलपानीमा रहेर प्रशिक्षण गर्दै नेपाल ‘ए’ सँग तयारी खेल खेल्नेछ ।...

नेपाल । भारतलाई ७९ रनले पराजीत गर्दै अस्ट्रेलियाले यू-१९ विश्वकप क्रिकेटको उपाधि जितेको छ । आइतबार राति सम्पन्न फाइनलमा अस्ट्रेलियाले दिएको २५३ रनको लक्ष्य पछ्याएको भारतले ४३.५ ओभरमा अलआउट हुँदै १७४ रन मात्रै बनाउन सक्यो । यसअघि अस्ट्रेलियाले पहिला ब्याटिङ गर्दै ५० ओभरमा ७ विकेट गुमाएर २५३ रन बनाएको थियो । योसँगै अस्ट्रेलियाले चौथो पटक यू-१९ विश्वकपको उपाधि जितेको छ । यसअघि अस्ट्रेलियाले सन् १९८८, २००२ र २०१० मा यू–१९ विश्वकप जितेको थियो । पछिल्ल्लो पटक अस्ट्रेलिया सन् २०१८ मा फाइनलमा भारतसँग पराजित भएको थियो । यसअघि पनि सिनियर भारतीय टोलीले भारतमै भएको विश्वकप अष्ट्रेलियासँग गुमाएको थियो ।...

अमेरिका । नेपाल भुतपूर्व खेलाडी मञ्च र गैरआवासीय नेपाली संघ (एनआरएनए) आइसीसीबीच तीन बर्षे सम्झौता भएको छ । मञ्चले आयोजना गर्ने सफल पोखरा अन्तर्राष्ट्रिय म्याराथनका लागि एनआरएनएसँग तीन वर्षका लागि प्रायोजन सम्झौता भएको हो । पोखरामा हालै आयोजित एक कार्यक्रममा दुई पक्षले सम्झौता गरेका छन् । सम्झौतासँगै आगामी फागुन ५ गते हुने १८ औं संस्करणको सफल पोखरा अन्तर्राष्ट्रिय म्याराथनदेखि आगामी तीन वर्षका लागि सहयोग गर्ने सम्झौता भएको छ । सो रकम वापत एनआरएनले म्याराथनका लागि आवश्यक सेन्सर वोर्ड खरिद समेत गरेर मञ्चलाई हस्तान्तरण गरिसकेको छ । म्याराथन रुटमा हुने तीन सेन्सर बोर्ड मध्ये एनआरएनएले एक थान उपलब्ध गराउने भएको हो । एनआरएनएको तर्फबाट आईसिसी सदस्य तथा गोर्खा वेल्फेयर टाक्स फोर्सका अध्यक्ष लेरिचन्द्र गुरुङ र मञ्चको तर्फबाट अध्यक्ष हरिप्रसाद पराजुलीले सम्झौता–पत्र आदान प्रदान गरेका थिए । सम्झौता ...

नेपाल । नेपालले क्यानडा विरुद्धको अन्तर्राष्ट्रिय एक दिवसीय क्रिकेट शृङ्खला अन्तर्गत दोस्रो खेल पनि ४ विकेटले जितेको छ । शनिबार कीर्तिपुरस्थित त्रिवि क्रिकेट मैदानमा भएको खेलमा नेपालले क्यानडालाई हराएको हो । २८६ रनको लक्ष्य नेपालले २९ बल बाँकी छँदै पूरा गरेको हो । यो खेल जित्दै नेपालले तीन खेलको शृङ्खलामा २–० को अग्रता लिएको छ । यसअघिको पहिलो खेलमा नेपालले क्यानडालाई ७ रनले हराएको थियो । नेपालले तेस्रो तथा अन्तिम खेल सोमबार खेल्नेछ ।...

कतार । कतार एएफसी एसियन कपको च्याम्पियन बनेको छ । घरेलु मैदानमा भएको फाइनलमा खेलमा जोर्डन माथि ३–१ को जित निकाल्दै कतार लगातार दोस्रो पटक एसियन च्याम्पियन बनेको हो । कतारले खेलको २२औं मिनेटमा अग्रता लिएको थियो । अफिफ आफैमाथि फाउल भएपछि पाएको पेनाल्टीमा गोल गर्दै कतारलाई अग्रता दिलाएका थिए। ६७औं मिनेटमा जोर्डनले बराबरी गोल गर्यो । तर कतारले त्यसपछि दुई गोल थप्न सफल भएको हो । उपाधि जित्ने क्रममा कतारले समूह चरणमा लेबनान, ताजिकिस्तान र चीन विरुद्ध जित निकालेको थियो भने अन्तिम १६ मा प्यालेस्टाइन माथि २–१ को जित निकालेको थियो । क्वाटरफाइनलमा उज्बेकिस्तान विरुद्ध टाईब्रेकरमा विजयी हुँदा कतारले सेमिफाइनलमा इरानलाई हराएको थियो। कतारले २०१९ मा जापान माथि ३–१ को जित निकाल्दै पहिलो पटक उपाधि जितेको थियो । (अन्तर्राष्ट्रिय सञ्चारमाध्यमहरु)...