नेपाल । नेपालमा जेन–जी पुस्ताको प्रदर्शनमा १९ जनाको मृत्यु भएपछि गृहमन्त्री रमेश लेखकले राजीनामा दिएका छन् ।
प्रधानमन्त्री निवास बालुवाटारमा बसेको मन्त्रिपरिषद् बैठकमा सोमबार साँझ प्रधानमन्त्री केपी शर्मा ओलीसमक्ष उनले राजीनामा बुझाएका हुन् ।
गृहमन्त्रीले नैतिकताका आधारमा राजीनामा दिएको उल्लेख गरेका छन् ।
...
नेपाल । जेन–जी पुस्ताले भ्रष्टाचार बिरुद्ध तथा सामाजिक सञ्जालमाथिको प्रतिबन्ध बिरुद्ध आज नेपालमा गरेको प्रदर्शनका क्रममा प्रहरीको गोली लागेर १९ जनाको मृत्यु भएको छ ।
सयौं घाइतेहरुको अवस्था गम्भीर रहेको समाचार प्राप्त भएको छ ।
प्रदर्शनलाई नियन्त्रणमा लिन काठमाडौं, ललितपुर, भैरहवा, पोखरा, भरतपुर, इटहरी, बिर्तामोड जस्ता शहरहरुमा कर्फ्यू आदेश जारी भएको छ ।
प्रहरीको गोली लागेर काठमाडौंमा १७ र इटहरीमा २ जनाको मृत्यु भएको छ । प्रदर्शनका क्रममा काठमाडौंको संसद भवन, भरतपुर नगरपालिका, इटहरी नगरपालिका, बिर्तामोड नगरपालिकाको भवनमा आगजनी भएको छ ।
हजारौंको संख्यामा जेन–जी पुस्ता आन्दोलनमा उत्रिएको थियो । मानव अधिकार आयोगले आन्दोलनकारीहरुलाई उत्तेजित पारेर सरकारबाटै हिंसात्मक घटना गराएको प्रारम्भिक प्रतिक्रिया दिएको छ ।
...
नेपाल । नेकपा एमालेको दोस्रो विधान महाधिवेशन महाधिवेशनमा प्रस्तुत प्रतिवेदनहरू सर्वसम्मतिले पारित गर्दै सम्पन्न भएको छ ।
पार्टी अध्यक्ष केपी शर्मा ओलीको राजनीतिक प्रतिवेदन, उपाध्यक्ष विष्णु पौडेलको विधान संशोधन प्रस्ताव र महासचिव शंकर पोखरेलको संगठनात्मक प्रतिवेदन सर्वसम्मत रूपमा पारित गर्दै आइतबार साँझ महाधिवेशन सम्पन्न भएको हो ।
महाधिवेशनको बन्द सत्रमा अध्यक्ष ओलीले तीनवटै प्रस्तावलाई निर्माणार्थ पेश गर्नुभएको थियो । महाधिवेशनमा उपस्थित प्रतिनिधिहरूले तालिका ध्वनिसहित प्रतिवेदनहरू सर्वसम्मत रूपमा पारित गरेका हुन् ।
यसै क्रममा नेपाल कम्युनिस्ट पार्टी स्थापनाको ७५ वर्षे इतिहासमा पहिलो पटक एमालेले आफ्नो लोगोमा प्रयोग हुने हँसिया–हथौडाको रङ्ग परिवर्तन गरेको छ । अघिसम्म सेतो रंगमा प्रयोग हुँदै आएको लोगो अब रातो रंगमा हुनेछ, जसमा सुनौलो हँसिया–हथौडा अङ्कित हुनेछ ।
यस्तै पार्टी विधानबाट ७० ...
नेपाल । नेपाली कांग्रेसले नेपालमा दर्ता नभएका सामाजिक सञ्जाल बन्द गर्ने सरकारको निर्णयप्रति चासो व्यक्त गरेको छ । सरकारको निर्णयका विषयमा जवाफ माग गर्ने कांग्रेस नेताहरुले प्रतिक्रिया दिएका छन् ।
आइतबार बिहान पार्टी सभापति शेरबहादुर देउवाको निवास बूढानीलकण्ठमा बसेको केन्द्रीय कार्यसम्पादन समिति बैठकले सामाजिक सञ्जाल बन्द गरेको विषयमा सरकारसँग जवाफ माग गर्ने विषयमा छलफल भएको मुख्य सचिव कृष्णप्रसाद पौडेलले जानकारी दिए ।
प्रेस तथा अभिव्यक्ति स्वतन्त्रताका विषयमा कांग्रेस जिम्मेवार रहेकाले सरकारको निर्णयप्रति गम्भीर रहेको उनले बताए । सामाजिक सञ्जाल बन्द गर्ने निर्णयप्रति पार्टीका महामन्त्री गगन थापालगायतले नेताहरुले यसअघि नै आपत्ति जनाइसकेका थिए ।
...
नेपाल । देशमा बढ्दै भएको बेथिती, भ्रष्टाचार र सरकारले सामाजिक सञ्जालमाथि लगाएको प्रतिबन्धको विरोधमा जेन-जी पुस्ताले सोमबार काठमाडौंमा प्रदर्शन गर्दैछन् ।
बिहान ११ बजेदेखि माइतीघर मण्डलामा भेला भएर प्रदर्शन गर्ने भएका हुन् । उनीहरूले एक विज्ञप्ति जारी गर्दै आफ्नो आन्दोलन शान्तिपूर्ण हुने बताएका छन् ।
भ्रष्टहरूलाई जवाफदेही बनाउन, सरकारमा पारदर्शिता सुनिश्चित गर्न र प्रशासनलाई राजनीतिक हस्तक्षेपबाट मुक्त बनाउने आफूहरुको प्रदर्शनको उद्देश्य रहेको विज्ञप्तीमा उल्लेख गरेको छ।
जेन–जीले प्रदर्शनमा सहभागी हुने सबैलाई हिंसा, तोडफोड वा अव्यवस्था नगर्न आग्रह गरेको छ । आफ्नो शक्ति एकता, सृजनशीलता र सत्यमा रहेको उल्लेख गरिएको छ । यस्तै उनिहरुले राजनीतिक दल र नेताहरूलाई यो प्रदर्शनलाई आफ्नो स्वार्थका लागि प्रयोग नगर्न भनेका छन् ।
यो आन्दोलन कुनै राजनीतिक लाभका लागि नभई नेपालको भविष्यका लागि भएको स्पष...
नेपाल । प्रत्येक वर्ष आश्विन कृष्ण प्रतिपदादेखि सुरु हुने सोह्र श्राद्ध अर्थात् पितृ पक्ष सोमबारदेखि विधिवत् आरम्भ हुँदै छ ।
आरम्भका दिन सोमबार प्रतिपदा तिथि श्राद्ध गर्नुपर्ने नेपाल पञ्चाङ्ग निर्णायक विकास समितिले स्वीकृति दिएका पात्रो (पञ्चाङ्ग) मा उल्लेख छ । प्रतिपदा तिथि श्राद्धको पिण्डदान अपराह्नसम्म गरिसक्नुपर्ने समितिका सदस्य एवं धर्मशास्त्रविद् प्राडा देवमणि भट्टराईले राससलाई जानकारी दिनुभयो ।
आश्विन कृष्ण प्रतिपदादेखि आश्विन शुक्ल प्रतिपदासम्मका सोह्रवटा तिथिमा दिवंगत पितृलाई सम्मानका साथ तर्पण, सिदादान र पिण्डदान गरिने भएकाले सोह्रश्राद्ध भनिएको हो । यो समयलाई अपर, प्रेत पक्ष आदि नामले पनि बुझिन्छ ।
चाडपर्व यज्ञयागादि तथा ठूलाकार्य गर्नु अघि पितृलाई श्रद्धा भक्तिका साथ सम्झिने वैदिक सनातन हिन्दू शास्त्रीय परम्पराअनुसार सोह्रश्राद्ध गर्ने गरिएको हो । यस समयमा पितृले आश गरी बसेक...
नेपाल । नेपाली कांग्रेसका सभापति शेरबहादुर देउवाले वर्तमान गठबन्धन सरकारले निरन्तरता पाउने बताएका छन् । सरकारका मन्त्रीहरू तत्काल हेरफेर नहुने उनको भनाइ छ।
विराटनगर विमानस्थलमा सञ्चारकर्मीसँग कुराकानी गर्दै पूर्वप्रधानमन्त्रीसमेत रहेका देउवाले संविधान संशोधनका निम्ति दुई तिहाइ बहुमतसहित सबैको सहमति आवश्यक पर्ने बताए ।
उनले नेपाली कांग्रेसको आशन्न महाधिवेशन समय आएपछि हुने प्रतिक्रिया दिए। उनले पूर्वराष्ट्रपति र उपराष्ट्रपति राजनीतिमा आउन नदिन संविधानमा कुनै बन्देज नभएको उल्लेख गरे ।...
नेपाल । भाद्र शुक्ल पूर्णिमाका दिन आइतबार खग्रास चन्द्रग्रहण लाग्दैछ । नेपालमा राति १० बजेर ११ मिनेटमा शुरु भई १ बजेर ४१ मिनेटमा पूरा हुने नेपाल पञ्चाङ्ग निर्णायक समितिका अध्यक्ष प्रा. श्रीकृष्ण अधिकारीले जानकारी दिए ।
पञ्चाङ्गहरूका अनुसार १०ः११ मा ग्रहण स्पर्श, ११ः १५ बजे सम्मीलन, ११ः५६ बजे मध्य, १२ः३८ बजे उन्मिलन र १:४१ बजे मोक्ष हुनेछ । नेपाल, भारतसहित एसियाका धेरै देशबाट यो ग्रहणलाई सुरुदेखि अन्तसम्म अवलोकन गर्न सकिने खगोलशास्त्री प्राडा जयन्त आचार्यले जानकारी दिए।
फलित ज्योतिशास्त्रअनुसार मिथुन, कर्कट, सिंह र तुला, वृश्चिक, मकर, कुम्भ, मीन राशि भएकालाई ग्रहण नहेर्न निर्देश गरिएको छ । अन्य राशिकाले भने हेर्न सक्ने बताइएको छ। मेष राशि भएकालाई लाभ, वृषलाई सुख, मिथुनलाई माननाश र कर्कटलाई कष्ट फल रहेको बताइएको छ। यस्तै सिंहलाई स्त्रीपीडा, कन्यालाई सुख, तुलालाई चिन्ता र वृश्चिकलाई व्यथा फ...
नेपाल । नेपाली कांग्रेसको केन्द्रीय कार्यसम्पादन समितिको बैठक बस्दैछ ।
बैठक आइतबार बिहान ९ बजे सभापति शेरबहादुर देउवाको निवास बुढानीलकण्ठमा बस्ने छ।
सभापति देउवाले समसामयिक घटनाक्रमका विषयमा छलफल गर्न बैठक बोलाएको कांग्रेस केन्द्रीय कार्यालयका मुख्यसचिव कृष्णप्रसाद पौडेलले जानकारी दिए।
बैठकमा रुपन्देही क्षेत्र नम्बर ३ मा उम्मेदवार चयन गर्न देउवाले बैठक आह्वान गरेको जनाइएको छ।...
नेपाल । ललितपुरको गोदावरीमा जारी नेपाल कम्युनिस्ट पार्टी (एमाले) को दोस्रो विधान महाधिवेशनमा प्रस्तुत दस्ताबेजमाथि १० वटा समूहबीचको विमर्श सकिएको छ ।
विमर्शका लागि प्रदेश, उपत्यका र केन्द्रीय संरचनालाई आधार बनाउँदै १० वटा समूह बनाइएको थियो । कोशी, सुदूरपश्चिम, मधेश, कर्णाली, बागमती, लुम्बिनी र गण्डकी प्रदेशमा आधारित प्रतिनिधिले छुट्टाछुट्टै समूहमा विमर्श भइसकेपछि प्रतिवेदन लेख्न सुरु गरिएको छ । प्रतिवेदन आइतबार प्रत्येक समूहका टोलीनेताले महाधिवेशन हलमा प्रस्तुत गर्ने छन् ।
शनिबार दिनभर छलफल विमर्शपछि त्यसको निष्कर्ष निकालेर प्रतिवेदन लेखन कार्य सुरु भएको एमाले बागमती प्रदेश कमिटीका उपसचिव भक्तकुमारी लामाले जानकारी दिनुभयो । सहभागी प्रतिनिधिले दिएको सुझावका आधारमा १० वटा नै समूहले आफ्नो प्रतिवेदन लेख्न थालेको लामाले स्पष्ट पार्नुभयो ।
एमाले केन्द्रीय प्रचार विभाग प्रमुख राजेन्द्र गौतमले ...
