नेपाललाई विश्व बैंकले चौध अर्ब सहायता दिने
नेपाल । एक लाख साना तथा मझौला व्यवसायलाई वित्तीय पहुँच बढाउन विश्व बैङ्कले नेपाललाई करिब १४ अर्ब रुपियाँ (नौ करोड ५० लाख डलर) सहायता उपलब्ध गराउने भएको छ । कार्यकारी निर्देशकको बोर्ड बैठकले यस्तो निर्णय स्वीकृत गरेको विश्व बैङ्कले जारी गरेको विज्ञप्तिमा उल्लेख छ ।
यो सहायता दिगो र समावेशी वित्त परियोजना अन्तर्गत नेपाललाई उपलब्ध हुने छ जुन यसअघिको विश्व बैङ्कको वित्तीय क्षेत्रको स्थायित्व र वृद्धिका लागि वित्तीय क्षेत्रको विकास नीति ऋण शृङ्खलाकै रूपमा रहने उल्लेख छ । उक्त शृङ्खलाको पहिलो चरण सन् २०२४ मै पूरा भइसकेको छ ।
पछिल्लो परियोजनाले खास गरी कर्जा सूचना केन्द्रमा प्रविधि र संस्थागत क्षमता अभिवृद्धिमा पनि लगानी गर्ने छ । यो परियोजना सरकारले हालै स्वीकृत गरेको दोस्रो वित्तीय क्षेत्र विकास रणनीतिसँग तादाम्य रहने पनि विज्ञप्तिमा उल्लेख छ ।
यो परियोजनाले कर्जा तथा निक्षेप सुरक्षण कोषको ज...
