अर्थतन्त्र

नेपाल । सरकारले सहकारी संस्थामा बचत गरेर रकम फिर्ता नपाएका पीडितलाई आगामी जेठ पहिलो सातादेखि बचत फिर्ता दिन सुरु गर्ने भएको छ । भूमि व्यवस्था, सहकारी तथा गरिबी निवारण मन्त्रालयले आवश्यक कार्यविधि तयार गरी कार्यान्वयन चरणमा लैजाने तयारी पूरा गरेको जनाएको छ । समस्याग्रस्त सहकारी व्यवस्थापन समितिले मंगलबार आयोजना गरेको पत्रकार सम्मेलनमा भूमि व्यवस्था, सहकारी तथा गरिबी निवारणमन्त्री प्रतिभा रावलले आगामी जेठको पहिलो साताबाट बचत फिर्ता प्रक्रिया औपचारिक रूपमा सुरु गरिने जानकारी दिनुभयो । मन्त्रालयका अनुसार सहकारी क्षेत्रमा देखिएको वित्तीय सङ्कटका कारण हजारौँ सर्वसाधारणको बचत जोखिममा परेको अवस्थालाई ध्यानमा राख्दै यो निर्णय गरिएको हो । प्रारम्भिक चरणमा साना बचतकर्तालाई प्राथमिकता दिइने छ भने त्यसपछि क्रमशः अन्य पीडितलाई पनि समेटिने योजना छ । मन्त्री रावलले सरकार सहकारीपीडितप्रति गम्भीर रहेको ...

नेपाल । सन् २०२६ को अप्रिलमा नेपालमा एक लाख ७ हजारभन्दा बढी पर्यटक भित्रिएका छन् । नेपाल पर्यटन बोर्डले सोमबार सार्वजनिक गरेको तथ्यांकअनुसार यस महिना १ लाख ७ हजार ९३४ विदेशी पर्यटक नेपाल भित्रिएका हुन् । बोर्डको तथ्यांकअनुसार क्षेत्रगत रूपमा हेर्दा दक्षिण एसिया (सार्क) बाट सबैभन्दा बढी ३३ हजार ४३२ पर्यटक भित्रिएका छन्, जुन कुल आगमनको ३१ प्रतिशत हो । यस्तै, दक्षिण एसियाली राष्ट्रबाट २६ हजार ७ २६ पर्यटक भित्रिएका छन् । युरोपबाट २१ हजार ९८८, ओसिनियाबाट ५ हजार ८९८, अमेरिकाबाट २ हजार ५१८, पश्चिम एसियाबाट एक हजार ६९७ र अफ्रिकी मुलुकबाट ३१५ र अन्य मुलुकबाट १५ हजार ३६० पर्यटक भित्रिएका छन् । मुलुकगत रूपमा भारतपछि चीन प्रमुख स्रोत बजारका रूपमा देखिएको छ भने अन्य एशियाली मुलुकहरू युरोप र अमेरिकाबाट आउने पर्यटकहरूको संख्या पनि क्रमशः बढ्दो क्रममा रहेको छ । देशगत तथ्यांक हेर्दा सबैभन्दा भारतबाट ब...

नेपाल । अर्थमन्त्री डा. स्वर्णिम वाग्लेले निजी क्षेत्रलाई विकासको मुख्य सारथिका रूपमा अगाडि बढाउन सरकार प्रतिबद्ध रहेको बताउनुभएको छ । सोमबार आयोजित नेपाल उद्योग वाणिज्य महासङ्घको ६०औँ वार्षिक साधारण सभालाई सम्बोधन गर्दै अर्थमन्त्री डा. वाग्लेले राष्ट्रिय स्वतन्त्र पार्टीले आगामी सात वर्षमा नेपालको अर्थतन्त्रलाई एक सय अर्ब डलरको बनाउने लक्ष्य राखेकाले निजी क्षेत्रको दरिलो साथबिना असम्भव भएको बताउनुभएको हो । रोजगारी सिर्जना र अर्थतन्त्रको आकार विस्तारमा निजी क्षेत्र नै मेरुदण्ड रहेको उहाँको भनाइ छ । सरकारले खर्च गर्ने बजेट निजी क्षेत्रले तिरेको करबाट सङ्कलन हुने बताउँदै उहाँले सरकारले चलाउने खर्च कुल गार्हस्थ उत्पादनको करिब २५ देखि ३० प्रतिशत मात्र रहेको स्पष्ट पार्नुभयो । सरकारले आर्थिक विकासमा बाधक रहेका करिब दुई दर्जन पुराना ऐन खारेज गर्ने तयारी गरेको बताउँदै अर्थमन्त्री वाग्लेले कार्...

नेपाल । नागढुङ्गा–सिस्नेखोला सुरुङमार्ग आगामी आर्थिक वर्ष २०८३–८४ देखि सञ्चालन गर्ने योजना बनेको छ । प्रतिनिधि सभा अन्तर्गत पूर्वाधार विकास समितिका सभापति आशिष गजुरेल नेतृत्वको टोलीले सोमबार सुरुङमार्गको स्थलगत अनुगमन गरेको नागढुङ्गा–सिस्नेखोला सुरुङमार्ग निर्माण आयोजनाका प्रमुख सौजन्य नेपालले जानकारी गराउनुभएको हो । आयोजना प्रमुख नेपालले जेठ अन्तिमदेखि सुरुङमार्ग परीक्षण सुरु गरिने र साउनको दोस्रो सातादेखि पूर्ण रूपमा व्यावसायिक किसिमले सञ्चालन गरिने जानकारी गराउनुभएको थियो । आयोजना प्रमुख नेपालले २०८२ सालको साउन र भदौमा परेको भारी वर्षाका कारण आयोजनाको पश्चिमी पोर्टलमा गएको पहिरोले आयोजना निर्माण र सञ्चालन ढिलो हुन गएको बताउनुभयो । अहिलेसम्म आयोजनाको भौतिक प्रगति ९९ प्रतिशत र वित्तीय प्रगति ९६ प्रतिशत पुगेको जानकारी गराउँदै आयोजना प्रमुख नेपालले आयोजनाको लागत वृद्धि, निर्माणमा भएको ढ...

नेपाल । सहकारी संस्थाको बचत रकम फिर्ता नगर्ने संस्थाका सञ्चालक, कर्मचारी तथा सम्बन्धित अन्य व्यक्तिका नाममा विदेश यात्रासमेत प्रतिबन्ध लगाउने गरी सरकारले नयाँ कानुनी प्रबन्ध गरेको छ । सहकारी ऐन, २०७४ लाई संशोधन गर्न बनेको अध्यादेशबाट सरकारले विदेश यात्रामा प्रतिबन्धसँगै सञ्चालक, कर्मचारी तथा सम्बन्धित व्यक्तिको चल अचल सम्पत्ति रोक्का गर्ने पनि कानुनी व्यवस्था गरेको छ । अध्यादेश नेपाल राजपत्रमा प्रकाशन भई कार्यान्वयनमा आइसकेको छ । सहकारी ऐनको मूल व्यवस्था संशोधन गरेर नियमन प्राधिकरणको काम, कर्तव्य र अधिकार थप गरिएको हो । प्राधिकरणको सिफारिस अनुसार बचत फिर्ता नगरेमा सम्पत्ति रोक्का र यात्रा प्रतिबन्धको कानुनी व्यवस्था गरिएको हो ।...

नेपाल । वायुसेवा सञ्चालक सङ्घ नेपालले हवाई इन्धनको मूल्यवृद्धि र घट्दो यात्रु उपलब्धताका कारण हवाईसेवा क्षेत्रमा आर्थिक सङ्कट उत्पन्न भएको जनाउँदै सरकारसँग राहत माग गरेको छ । पश्चिम एसियामा उत्पन्न तनावका कारण वायुसेवा कम्पनी गम्भीर आर्थिक सङ्कटमा परेको उल्लेख गर्दै सङ्घले सरकारसँग तत्काल राहत तथा सहुलियत उपलब्ध गराउन संस्कृति, पर्यटन तथा नागरिक उड्डयन मन्त्रालयसमक्ष आग्रह गरेको हो । सङ्घका अध्यक्ष प्रतापजङ्ग पाण्डेका अनुसार नेपाल नागरिक उड्डयन प्राधिकरण अन्तर्गत लाग्ने ल्यान्डिङ, पार्किङ, नेभिगेसन, हाउजिङलगायतका शुल्कमा कम्तीमा ५० प्रतिशत छुट दिनुपर्ने माग गरिएको छ । त्यस्तै विसं २०७८ चैत ३० मा स्वीकृत विमानस्थल सेवा शुल्क नियमावली, २०७८ तत्काल संशोधन गर्न सरकारको ध्यानाकर्षण गराइएको छ । हवाई इन्धनमा भइरहेको मूल्यवृद्धि, पश्चिम एसियामा उत्पन्न द्वन्द्व, कोरोना महामारीको दीर्घकालीन प्र...

नेपाल । नेपाल आयल निगमले पेट्रोलियम पदार्थको मूल्य परिवर्तन गरेको छ । निगमले बिहीबार राति १२ बजेदेखि लागु हुने गरि पेट्रोल, डिजेल मट्टितेलको मुल्य घटाएको छ भने एलपी ग्याँस तथा हवाई इन्धनको मुल्य बढाएको हो । निगमले पेट्रोलमा प्रतिलिटर २ रुपैयाँ, डिजल–मट्टीतेलमा प्रतिलिटर १२ रुपैयाँले घटाएको छ भने आन्तरिक तर्फको हवाई इन्धनमा प्रति लिटर ७ रुपैयाँ र अन्तर्राष्ट्रिय तर्फको हवाई इन्धन काठमाडौँको लागि प्रति किलो लिटर ४६ डलरले बढाएको जानकारी दिएको छ। खाना पकाउने एलपी ग्याँसमा प्रति सिलिन्डर १५० ले बढाएको निगमले जनाएको छ।...

नेपाल । ‘आठ घण्टा काम, आठ घण्टा मनोरञ्जन र आठ घण्टा आराम’ भन्ने नारासहित सन् १८८६ देखि सुरु भएको मजदुर आन्दोलनको सम्झनामा विविध कार्यक्रम गरी शुक्रबार नेपालसहित विश्वभर १३७औँ अन्तरराष्ट्रिय श्रमिक दिवस मनाइँदैछ । फ्रान्सको पेरिसमा सन् १८८९ मा सम्पन्न विश्वका श्रम सङ्गठन एवं श्रमिक नेताहरूको सम्मेलनको निर्णय गरेअनुरूप सन् १८९० देखि हरेक वर्ष अङ्ग्रेजी महिनाको मे १ तारिखमा अन्तरराष्ट्रिय श्रमिक दिवस मनाइँदै आइएको छ । मजदुरले यस दिवसलाई पर्वका रूपमा लिँदै आफ्ना हक अधिकारको सुनिश्चितताका लागि सरकार र रोजगारदातालाई दबाब दिने उद्देश्यले विभिन्न कार्यक्रम गर्दै आएका छन्। विसं २००७ मा भएको विराटनगर मजदुर आन्दोलनसँगै नेपालमा अन्तरराष्ट्रिय श्रमिक दिवस मनाउन थालिएको इतिहास छ । विसं २०४६ को राजनीतिक परिवर्तनपछि सरकारले अन्तरराष्ट्रिय श्रमिक दिवसका अवसरमा सार्वजनिक बिदा दिन थालेको हो । ...

नेपाल ।  सरकारले कर्मचारीलाई १५ दिनमै पारिश्रमिक दिने कार्य सुरु गरेको छ । पाइलट परियोजनाको रुपमा उक्त कार्य आज बुधबार देखि कार्यन्वयनमा आएको अर्थ मन्त्रालयले जनाएको छ । बुधबार अर्थ मन्त्रालयमा आयोजित एक कार्यक्रमबीच अर्थमन्त्री डा.स्वर्णिम वाग्लेले १५ दिनमै कर्मचारीलाई तलब दिने कार्यको शुभारम्भ गर्नुभयो । महालेखा नियन्त्रक कार्यालयको कर्मचारीहरूलाई तलब प्रविष्ट गर्ने प्रणाली कम्प्युटरराइज्ड गभरमेन्ट एकाउन्टिङ सिस्टम (सिगास) मार्फत कोष तथा लेखा नियन्त्रक कार्यालयमा भुक्तानी आदेश पठाई अर्थमन्त्री  वाग्लेले १५ दिनमै तलब दिने कार्यको सुरुआत गर्नुभएको हो । अर्थमन्त्रीको सो आदेशसँगै अर्थ मन्त्रालयका कर्मचारीहरूले वैशाख महिनाको पहिलो अर्धमासिक (१५ दिन) तलब प्राप्त गर्नुभएको थियो । १५ दिनमै तलब भुक्तानी कार्यको शुभारम्भ गदै अर्थमन्त्री डा.स्वर्णिम वाग्लेले अर्थतन्त्र चलायमान बनाउन सरकारल...