कोलोराडोखबर संवाददाता
नेपाल । प्रेम प्रस्तवा अस्वीकार गर्दा परीक्षा दिएर फर्कंदै गएकी एक छात्रालाई शुक्रबार आफ्नै शिक्षकले गोली प्रहार गरेका छन् ।
झापाको दमकमा परीक्षा दिएर फर्किँदै गरेकी छात्रा एनिका अधिकारीलाई दिउँसो १२ बजे सिरहा घर भएका अमितकुमार यादवले गोली हानेका थिए । एनिका दमकस्थित हिमालय माध्यमिक विद्यालय दमकमा कक्षा १२ मा मानविकी संकायमा अध्ययनरत छिन् ।
उनी ११ मा भर्ना हुन अघिल्लो साल सो विद्यालय गएकी थिइन् । प्रधानाध्यापक द्रोणबहादुर श्रेष्ठका अनुसार घटनामा संलग्न भनिएका यादव उदयपुरमा शिक्षकको रूपमा कार्यरत थिए । एनिकाले ती व्यक्तिले आफूलाई पढाएको बताएकी छन् ।
प्रेम प्रस्ताव राखेपछि आफूले गलत नियतले नहेर्न भन्दै टाढा भएको एनिकाले बताएकी छिन् ।
प्रतिक्रिया दिनुहोस्