कोलोराडोखबर संवाददाता
अमेरिका । पश्चिम कोलम्बियाको चिया (कफी) उत्पादनका लागि प्रसिद्ध क्षेत्रलाई केन्द्रविन्दु बनाएर गएको शक्तिशाली भूकम्पका कारण कम्तीमा २५४ जनाको मृत्यु भएको छ। भग्नावशेषमा थप मानिसहरू पुरिएको आशङ्कामा उद्धारकर्मीहरूले खोज तथा उद्धार कार्यलाई तीव्र बनाएका छन्।
सोमबार बिहान गएको ७.४ म्याग्निच्युडको यो भूकम्पलाई कोलम्बियामा यस शताब्दीकै सबैभन्दा विनाशकारी मानिएको छ। भूकम्पका कारण आवासीय भवन, विद्यालय, स्वास्थ्य संस्था तथा सडकहरूमा ठूलो क्षति पुगेको छ।
२५४ जनाको मृत्यु भएको पुष्टि भएको छ। जसमध्ये पेरेरामा १०१ र देशको तेस्रो ठूलो सहर कालीमा ९५ जनाको ज्यान गएको छ।
प्रशान्त महासागरीय क्षेत्र नजिकै रहेको आदिवासी बहुल ‘चोको’ (Chocó) क्षेत्रमा विद्युत र टेलिफोन सेवा पूर्ण रूपमा ठप्प भएकाले उद्धार कार्यमा बाधा पुगेको छ। क्षति पुगेका कारण पेरेरा, जनस्वास्थ्य नियन्त्रण क्षेत्र, मनिजालेस लगायत ६ वटा विमानस्थल बन्द गरिएका छन् भने दर्जन्औँ प्रमुख सडकहरू अवरुद्ध छन्।
भूकम्पपछि १०० भन्दा बढी पराकम्पहरू महसुस गरिएकाले हजारौँ मानिसहरू खुला आकाशमुनि रात बिताउन बाध्य भएका छन्।
मंगलबार दिनभर उद्धारकर्ताहरू, प्रहरी र स्थानीय स्वयंसेवकहरूले क्रेन, एक्जाभेटर र खाली हातैले भग्नावशेष पन्छाउँदै जीवित व्यक्तिहरूको खोजी जारी राखेका छन्।
काली सहरस्थित ‘टोरेस डेल लिमोनार’ नामक ध्वस्त भएको अपार्टमेन्ट परिसरबाट एक महिलालाई जीवितै उद्धार गर्दा स्थानीयले खुसीयाली मनाएका थिए।
भूकम्प लगत्तै नवनिर्वाचित राष्ट्रपति अबेेलार्डो डे ला एस्प्रिएलाले प्रभावित क्षेत्रको भ्रमण गरी पीडितहरूलाई पुनर्बास र आर्थिक सहयोगको प्रतिबद्धता जनाएका छन्। संयुक्त राष्ट्रसङ्घ (UN): प्रभावित क्षेत्रमा खाना र अस्थायी आश्रयका सामानहरू पठाउन टोली खटाइएको जनाएको छ।
संकटकालीन आश्रय, खाद्य सामग्री र क्षति मूल्याङ्कनका लागि १५.५ मिलियन अमेरिकी डलर सहयोगको घोषणा गरेको छ।
इन्टर-अमेरिकन डेभलपमेन्ट बैंकले पुनर्निर्माणका लागि ५० मिलियन डलर तत्काल उपलब्ध गराउने जनाएको छ।
प्रतिक्रिया दिनुहोस्