न्यूरो साइन्समा अभ्यास गरिरहेकी डा‍. प्रेरणा श्रेष्ठले अमेरिकामा पाइन् २२ लाख डलर अनुदान

अमेरिका । नेपालबाट अमेरिका आएर न्यूरो साइन्समा अभ्यास गरिरहेकी डा‍. प्रेरणा श्रेष्ठले अनुदान प्राप्त गरेकी छिन् ।

अमेरिकाको न्यूयोर्क राज्यको स्टोनी ब्रुक युनिभर्सिटीमा न्यूरोवायोलोजी एण्ड बिहेभियर विभागमा अध्यापन गर्दै आएकी श्रेष्ठले अमेरिकी सरकारी निकाय नेशनल इन्ष्टिच्युट अफ मेन्टल हेल्थले २२ लाख डलर अर्थात् २९ करोड २५ लाख बराबरको रकम उपलब्ध गराउने भएको हो ।

पोस्ट ट्रमाटिक स्ट्रेस डिसअर्डर भएका व्यक्तिहरूमा दर्दनाक अनुभवको निरन्तर घुसपैठ गर्ने सम्झनाहरू किन हुन्छन् भन्ने अनुसन्धानको लागि उक्त अनुदान दिइएको हो ।

चार वर्षको अनुदानले ३१ अक्टोबर २०२७ सम्म उनको कामलाई फन्ड गर्नेछ ।

सन् २०२१ देखि स्टोनी ब्रुकमा प्राध्यापक रहेकी श्रेष्ठले दुई दशकभन्दा बढी समयदेखि न्यूरोसाइन्समा विशेषज्ञता हासिल गरेका छन् । उनी पहिले न्यूयोर्क विश्वविद्यालय र रकफेलर विश्वविद्यालयमा पोस्टडक्टोरल अनुसन्धानकर्ता थिइन्, जहाँ उनले जीवन विज्ञानमा पीएचडी प्राप्त गरिन् ।

उनको विगतका अनुसन्धान परियोजनाहरूले तनाव प्रेरित अवसाद र दिमागमा भावनात्मक सम्झनाहरू कसरी भण्डारण गरिन्छ भन्नेबारे प्रकाश पारेको छ ।

Neuroscientist Receives $2.2 Million for Pivotal PTSD Research