कोलोराडोखबर संवाददाता
नेपाल । शुत्रबार भैरहवास्थित जिल्ला कारागारबाट छुटेका रास्वपाका सभापति रवि लामिछाने न्यायको लडाइँ बाँकी रहेको बताएका छन् ।
उनले आफूमाथि भएको अन्याय देशमाथि भएको अन्यायको तुलनामा केही पनि नभएको बताउँदै आफूले बोल्ने समय आउने पनि बताए ।
उनले हिसाबकिताब गर्न बाँकी रहेको पनि बताएका छन् ।
सहकारी ठगीको मुद्दामा नख्खु कारागारमा रहेका उनी भैरहवास्थित जिल्ला अदालत रुपन्देहीमा धरौटी रकम बुझाएर छुटेका हुन् । उनले कुल ३ करोड ७४ लाख ८४ हजार रुपैयाँ धरौटी बुझाएको सूचना अधिकारी पदम अर्यालले जानकारी दिए ।
बिहीबार उच्च अदालत बुटवलले बैंक ग्यारेन्टीमा छाड्ने आदेश दिएपछि लामिछाने कागजी प्रक्रिया पूरा गर्न काठमाडौंबाट रुपन्देही पुगेका थिए । लामिछाने कागजी प्रक्रिया पूरा गरेर रिहा भएका जिल्ला अदालत रुपन्देहीका सूचना अधिकारी पदम अर्यालले बताए ।
लामिछानेलाई बिहीबार तुलसीपुर उच्च अदालत बुटवल इजलासका न्यायाधीश वासुदेव आचार्य र तेजनारायण पौडेलको इजलासले जिल्ला अदालतको साउन २६ को आदेश बदर गर्दै बिगो बराबरको बैंक जमानत लिएर सर्तसहित थुनामुक्त गर्न आदेश गरेको थियो ।
प्रतिक्रिया दिनुहोस्