खेलकुद

नेपाल । भुटानको थिम्पुमा सम्मन्न फोर नेसन्स कप बक्सिङ च्याम्पियनसिप २०२५ मा नेपालले चार स्वर्ण पदक जितेको छ । यो नतिजासँगै चार राष्ट्र सहभागी प्रतियोगितामा नेपाल दोस्रो भयो । भुटान पहिलो भयो । चार टोलीको संयुक्त प्रशिक्षण शिवीर अप्रिल ८–१० तारिख तथा प्रतियोगिता अप्रिल ११–१३ तारिखसम्म भएको थियो । प्रतियोगितामा नेपालका सात खेलाडी फाइनल पुगेकोमा चारले स्वर्ण जित्न सफल भएका हुन् । महिला ५० केजी तौलसमूहमा नेपालकी आरती बम्जनले भुटानकी जामो जिग्दाललाई ५–० अङ्कले हराउँदै स्वर्ण जित्नुभयो । महिला ५२ केजीमा नेपालकी अस्मिता दुवालले भुटानकै डेमो नोर्नुलाई ५–० अङ्कले पराजित गर्दै स्वर्ण, महिला ५४ केजीमा नेपालकी वर्षा श्रेष्ठले भुटानकै लामो तासीलाई ४–१ अङ्कले हराउँदै स्वर्ण र पुरुष ५१ केजीमा नेपालका लक्ष्मण राईले भारत ९सिक्कीम० का कृष्ण कैलाश राईलाई ५–० अङ्कले हराउँदै स्वर्ण जित्नुभएको हो । यस्तै पुर...

नेपाल । हङकङमा जारी चार देशीय टी-२० अन्तर्राष्ट्रिय सिरिजको फाइनलमा नेपाल चुकेको छ । कुवेतले दिएको १७५ रनको लक्ष्य पछ्याएको नेपाल तीन रनले पराजित भएको हो । नेपालका लागि शानदार ब्याटिङ गर्नुभएका बसिर अहमदले ४३ बलमा ८० रन बनाउनुभयो । १९ औं ओभरमा एउटा नो बलमा छक्का प्रहार गरेर दुई डट बल खेल्नुभएका अहमद तेस्रो बलमा आउट हुनुभएको हो । बसिरको विकेट लिएसँगै कुवेतले नेपाललाई १९.३ ओभरमा अलआउट गरेको हो। नेपालका लागि नन्दन यादवले १४ बलमा ३७ रन बनाउनुभयो भने आशिफ शेखले ११ बलमा २१ रन जोड्नुभयो। अन्य ब्याट्सम्यानले फाइनलमा भने उत्कृष्ट प्रदर्शन गर्न सकेनन् । नेपालको ब्याटिङ लाइनविरुद्ध कुवेतका अनुदीप चेन्थमाराले तीन विकेट हात पार्दा यासिन पटेल र नवीनराज राजेन्द्रनले दुई दुई विकेट हात पार्नुभयो । टस हारेर पहिले ब्याटिङको निम्तो पाएको कुवेतले निर्धारित २० ओभरमा सात विकेट गुमाउँदै एक सय ७४ रन बनाएको थियो...

अमेरिका । नेपाली तेक्वान्दो निर्णायक काजल श्रेष्ठ अमेरिकामा सम्मानित हुनुभएको छ । काजललाई न्युयोर्कमा रहेको च्याम्पियन मार्सल आर्ट्स क्लब युएसएले नगद र सम्मान पत्रले सम्मानित गरिएको ११औँ दक्षिण एसियाली खेलकुद (साग) का स्वर्ण तथा एसिया प्यासेफिक सितोरियो करातेका स्वर्णधारी, क्लबका प्रशिक्षक तथा अध्यक्ष सुनिल लामाले जानकारी दिनुभयो । प्रशिक्षक लामाका अनुसार काजललाई एसियाडका कास्य तथा सागका स्वर्ण र रजत विजेता मनिता शाहीबाट तीन सय अमेरिकी डलर र पुष्प थापा मगरबाट एक सय अमेरिकी डलर गरी कुल चार सय अमेरिकी डलर र सम्मान पत्रबाट सम्मान गरिएको हो । काजल अमेरिकाको टेक्कासमा भएको डालास इन्टरनेशनल तेक्वान्दो च्याम्पियनसिप २०२५ मा निर्णायकको भूमिका निर्वाह गर्न त्यहाँ पुग्नुभएको थियो । १३औँ दक्षिण एसियाली खेलकुद ९साग० की स्वर्णधारी २७ वर्षीय काजल गत वर्ष तेक्वान्दोको अन्तर्राष्ट्रिय रेफ्री बन्नुभएको ...

नेपाल । नेपाल हङकङमा जारी चारदेशीय टी–२० अन्तर्राष्ट्रिय सिरिजको फाइनलमा प्रवेश गरेको छ । मिसन रोड क्रिकेट मैदानमा शनिबार आयोजक हङकङविरुद्ध लिग चरणको अन्तिम खेल वर्षाका कारण रद्द भएसँगै नेपाल शीर्षस्थानमा रहँदै फाइनलमा पुगेको हो । हङकङले नौ ओभरमा तीन विकेट गुमाउँदै ६८ रन बनाउँदा वर्षाका कारण खेल रोकिएको थियो । त्यसपछि खेल पुनस् सञ्चालन हुन नसकेपछि दुवै टोलीले एक एक अङ्क बाँडेका हुन् । यससँगै नेपालले तीनबाट पाँच अङ्क बनायो । समान खेलबाट तीन अङ्क बनाएको हङकङ तेस्रो स्थानमा रह्यो । फाइनलमा नेपालले कुवेतसँग प्रतिस्पर्धा गर्नेछ । चार अङ्क बनाएको कुवेत तेस्रो भएको हो । नेपालले पहिलो खेलमा कतारलाई आठ विकेटले हराएको थियो भने दोस्रो खेलमा कुवेतलाई ६ विकेटले पराजित गरेको थियो ।...

नेपाल । अलराउन्डर दीपेन्द्रसिंह ऐरीको कीर्तिमानसहित नेपालले हङ्कङमा जारी चारदेशीय टी–२० आई सिरिजमा दोस्रो जित निकालेको छ । हङकङको मिसन रोड क्रिकेट मैदानमा बिहीबार भएको दोस्रो खेलमा नेपालले कुवेतलाई ६ विकेटले हरायो । यसअघि नेपालले पहिलो खेलमा कतारलाई आठ विकेटले पराजित गरेको थियो । जितसँगै नेपालले दुई खेलबाट चार अङ्क बनाएको छ । जितका लागि कुवेतले दिएको एक सय ८६ रनको लक्ष्य पछ्याएको नेपालले १८.५ ओभरमा चार विकेटको क्षतिमा लक्ष्य पूरा गरेको थियो । यो टी–२० अन्तर्राष्ट्रिय क्रिकेटमा नेपालले पूरा गरेको सबैभन्दा ठुलो लक्ष्य हो । यसअघि नेपालले मलेसियाविरुद्ध एक सय ६६ रनको लक्ष्य पूरा गरेको थियो । नेपालका लागि कुशल भुर्तेलले सर्वाधिक ८१ रन बनाउनुभयो । उहाँले ५० बलमा ६ चौका र ६ छक्काको सहयोगमा उक्त रन बनाउनुभएको हो । यस्तै आसिफ शेखले ५३ रन बनाउनुभयो । उहाँले ३८ बलमा चार छक्का र दुई चौक हान्नुभएको...

नेपाल । नेपाल यु–१९ क्रिकेट टिमले अफगानिस्तानलाई ८५ रनले हराएको छ । टस हारेर सुरुम ब्याटिङको निम्तो पाएको नेपालले डिएलएस पद्धतिबाट ८५ रनको शानदार जित निकालेको हो । तीन खेलको एक दिवसीय शृङ्खलामा नेपालको यो सान्त्वना जित हो बुधबार मुलपानी क्रिकेट मैदानमा सुरुमा ब्याटिङ गरेको नेपालले दिएको १९२ रनको लक्ष्य पछ्याइरहेको अफगानिस्तानले २०.१ ओभरमा ब्याटिङ गर्दै गर्दा पानी परेको थियो । पानी परेर खेल सञ्चालन हुने अवस्था नभएपछि डिएलएस पद्धतिबाट खेलको निर्णय गरिएको हो । पानी पर्नुअघि अफगानिस्तानले २०.१ ओभरमा ४६ रन बनाउँदा ६ विकेट गुमाएको थियो । अन्तिम खेलमा अफगानिस्तानको ब्याटिङ लाइनलाई रोक्न नेपालका बलरले कसिलो बलिङ गरेका थिए । नेपालका लागि अपराजित पौडेलले दुई विकेट लिनुभयो भने दयानन्द मण्डल, विपिन शर्मा, सन्तोष यादव र अशोक धामीले एकएक विकेट हात पार्नुभयो । अफगानिस्तानका फैसल सिनोजादा र अजिजुल्लाह म...

नेपाल । हङ्कङमा आजदेखि सुरु भएको चारदेशीय टी–२० आई सिरिजको पहिलो खेलमा नेपालले कतारलाई आठ विकेटले पराजित गरेको छ । कतारले जितका लागि दिएको १५२ रनको लक्ष्य नेपालले १७ ओभरमा दुई विकेट गुमाउँदै पूरा गरेको हो । नेपालका लागि कुशल भूर्तेलले सर्वाधिक ३८ रन बनाउनुभयो। भुर्तेलले १९ बलमा चार चौका र तीन छक्का प्रहार गर्दै ३८ रन बनाउनुभएको हो । कप्तान रोहित पौडेलले ३७ रन जोड्नुभयो । उहाँले २९ बलमा दुई चौका र एक छक्का प्रहार गर्नुभयो । आसिफ शेखले ३३ रनको योगदान दिँदा बसिर अहमदले ३० रन बनाए । नेपालले अतिरिक्त १६ रन प्राप्त गर्यो । कतारका लागि मुजीब–उर–रहमानले दुई विकेट हात पार्नुभयो । त्यसअघि हङकङको टिन क्वाङ रोड रिक्रिएसन रङ्गशालामा टस हारेर पहिले ब्याटिङको निम्तो पाएको कतारले निर्धारित २० ओभरमा पाँच विकेट गुमाउँदै १५१ रन बनाएको थियो । कतारका लागि कप्तान इक्रामुल्लाह खानले सर्वाधिक ५४ रन बनाउनुभयो ।...

नेपाल । आईपीएल २०२५ मा सनराइजर्स हैदराबाद (एसआरएच) ले लगातार चौथो हार बेहोरेको छ । घरेलु मैदानमा भएको खेलमा गुजरात टाइटन्सले हैदराबादलाई ७ विकेटले पराजित गर्दै लगातार तेस्रो जित दर्ता गरेको छ। राजीव गान्धी अन्तर्राष्ट्रिय स्टेडियममा भएको खेलमा गुजरातले टस जितेर बलिङ रोजेको थियो । हैदराबादले २० ओभरमा ८ विकेट गुमाएर १५२ रन बनाएको थियो । हैदराबादका लागि नीतीश कुमार रेड्डीले ३१ र हेनरिक क्लासेनले २७ रन बनाएका थिए। उनीहरुले एक मात्र अर्धशतकीय साझेदारी गरे । गुजरातका मोहम्मद सिराजले ४ विकेट लिए भने प्रसिद्ध कृष्णा र साई किशोरले २(२ विकेट लिए । १५३ रनको लक्ष्य पछ्याएको गुजरातले १६।४ ओभरमा ३ विकेट गुमाएर लक्ष्य पुरा गर्‍यो । गुजरातका कप्तान शुभमन गिलले अविजित ६१ रनको शानदार पारी खेले भने शेरफेन रदरफोर्डले ३५ रनको योगदान दिए। वासिङ्टन सुन्दरले पनि ४९ रन बनाए। हैदराबादका मोहम्मद शमीले २ विकेट लिए ...

नेपाल । हङकङमा यही अप्रिल ९ देखि २३ तारिखसम्म सञ्चालन हुने अन्तर्राष्ट्रिय टी–२० सिरिजका लागि नेपाली राष्ट्रिय क्रिकेट टोलीको घोषणा भएको छ । नेपाल क्रिकेट संघ (क्यान) ले शनिबार प्रशिक्षणमा रहेका खेलाडीबाट अन्तिम १४ सदस्यीय टोलीको घोषणा गरेको हो । रोहित पौडेलको कप्तानीमा रहेको टोलीमा लोकेश बम, साहब आलम, बसिर अहमद र नन्दनकुमार यादवले पुनरागमन गर्नुभएको छ । यस सिरिजमा आयोजक हङकङसहित नेपाल, कतार र कुवेतले प्रतिस्पर्धा गर्नेछन् । नेपालले ९ तारिख कतारसँग खेल्दै सिरिजको सुरुवात गर्नेछ । यस्तै नेपालले दोस्रो खेल अप्रिल १० मा कुवेत र तेस्रो तथा अन्तिम खेल अप्रिल १२ मा हङकङसँग खेल्नेछ । लिग चरणको शीर्ष दुई टोलीबिच फाइनल भिडन्त हुनेछ । अन्तिममा दुई टोलीले तेस्रो स्थानका लागि खेल्नेछन् । रोहितकुमार पौडेल (कप्तान) सहित कुशल भुर्तेल, आसिफ शेख, दिपेन्द्रसिंह ऐरी, ललित राजवंशी, लोकेश बम, बसिर अहमद, सो...