अन्तराष्ट्रिय/प्रवास

अमेरिका । ओटावास्थित नेपाली दूतावासद्वारा हालै क्यानडाको ब्रिटिस कोलम्बिया प्रान्तको सरेमा मोबाइल कन्सुलर क्याम्प सञ्चालन गरियो । शिविर हिन्दू बौद्ध फाउन्डेसन अफ क्यानडा, नेपाल कल्चरल सोसाइटी अफ ब्रिटिस कोलम्बिया, गैरआवासीय नेपाली सङ्घ क्यानडा र त्यस प्रान्तमा रहेका नेपाली र अन्य सामुदायिक संस्थाहरूसँगको सहकार्यमा सञ्चालन गरिएको उक्त दूतावासले बिहीबार जनाएको छ । शिविरमा नेपाली नागरिकहरू, विशेष गरी क्यानडाको ब्रिटिस कोलम्बिया, सास्काचेवान, मनिटोबा र अल्बर्टा प्रान्तहरूमा रहेका नेपाली विद्यार्थीहरूले राहदानी नवीकरण र अन्य कन्सुलर सेवा प्रदान गरिएको थियो । केही समयदेखि उक्त दूतावासले नेपाली समुदाय र विद्यार्थी रहेका प्रान्तहरूको नजिक शिविरमार्फत यस्तो सेवा प्रदान गर्दै आएको दूतावासले जारी गरेको प्रेस विज्ञप्तिमा जनाइएको छ । साथै उक्त दूतावासले भ्यानकुभरमा रहेका नेपाली उद्यमीहरूसँग पनि छलफल...

नेपाल । गैरआवासीय नेपाली संघका अध्यक्ष डा बद्री केसीले गैरआवासीय नेपाली नागरिकताको पूर्ण कार्यान्वयनका लागि पुनः गृहमन्त्रीको ध्यानाकर्षण गराउनुभएको छ । बुधबार गृहमन्त्री रमेश लेखकसँगको भेटमा गैरआवासीय नागरिकता लिएका व्यक्तिले संविधानमा उल्लेख भए बमोजिमको आर्थिक, सामाजिक र सांस्कृतिक अधिकार प्रयोग गर्न पाउने गरी मार्गप्रशस्त गर्न ध्यानाकर्षण गराउनुभएको हो । उक्त अवसरमा महिला सचिव राधिका (टीका) गुरुङ पनि उपस्थिति हुनुहुन्थ्यो । सो अवसरमा संसदमा जारी हिउँदे अधिवेशनमार्फत नै संविधान प्रदत्त अधिकारको उपभोग गर्न पाउने गरी कानूनी प्रावधान ल्याउन, गैरआवासीय नेपाली नागरिकता बहाक नागरिकलाई १० वर्ष भिसा शुल्क नलाग्ने प्रावधानलाई प्रतिस्थापन गर्ने कानून बनाई गैरआवासीय नेपालीलाई नेपालमा आवत–जावत तथा बसोबास गर्दा भिसा नै नचाहिने कानून बनाउन, एनआरएन एक्टलाई पूर्णता दिई कार्यान्वयनमा ल्याउन र अन्य आवश्...

नेपाल । शिक्षा, विज्ञान तथा प्रविधि मन्त्रालयले भारतको ओडिसा राज्यका विश्वविद्यालय तथा शिक्षण संस्थाका लागि प्रदान गर्ने वैदेशिक अध्ययन अनुमतिपत्र अर्थात एनओसी रोक्ने चेतावनी दिएको छ । ओडिसास्थित केआईआईटी विश्वविद्यालयमा अध्ययनरत छात्रा प्रकृति लम्सालको मृत्यु प्रकरणपछि मन्त्रालयले मंगलबार प्रेस विज्ञप्ति जारी गर्दै भविष्यमा एनओसी दिन रोक्ने चेतावनी दिएको हो । उक्त घटनाप्रति मन्त्रालयको गम्भीर ध्यानाकर्षण भएको जनाउदैँ घटनाको न्यायपूर्ण र वैधानिक रूपमा समाधान नगरिएमा भविष्यका लागि भारतको ओडिसा राज्यका विश्वविद्यालय तथा शिक्षण संस्थानमा अध्ययनका लागि प्रदान गर्दै आएको वैदेशिक अध्ययन अनुमतिपत्र (एनओसी) प्रदान गर्ने कार्य स्थगित गर्ने चेतावनी दिएको मन्त्रालयका सहसचिव एवम प्रवक्ता शिबकुमार सापकोटाले जानकारी दिए ।...

नेपाल । भारतस्थित नेपाली दूतावासले भारतको ओडिसास्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयको होस्टेलमा नेपाली छात्राको मृत्यु प्रकरणमा निष्पक्ष छानबिनको माग गरेको छ। नयाँ दिल्लीस्थित नेपाली दूतावासले सोमबार साँझ एक विज्ञप्ति जारी गर्दै नेपाली विद्यार्थी प्रकृति लम्सालको मृत्यु र त्यसपछिका घटनाक्रमलाई लिएर सम्बन्धित विश्वविद्यालयका रजिष्ट्रारदेखि केन्द्र सरकार तथा उडिसा राज्यको मुख्यमन्त्री कार्यालय र अन्य सम्बन्धित भारतीय निकायसँग निरन्तर सम्पर्क गरिरहेको जनाएको छ। विश्वविद्यालयको लापरबाहीका कारण नेपाली छात्राको मृत्यु भएको भन्दै विद्यार्थी आन्दोलित भएपछि केआईआईटी प्रशासनले नेपाली विद्यार्थीलाई तत्काल क्याम्पस खाली गर्न उर्दी जारी गरिएको थियो । विद्यार्थीले विश्वविद्यालय छाड्न नमानेपछि ५ सयभन्दा बढी नेपाली विद्यार्थीलाई होस्टेलबाट जर्बजस्ती उठाएर ...

अमेरिका । क्यानडाको टोरेन्टोमा अवतरणका क्रममा विमान दुर्घटना हुँदा तीनजना गम्भीर घाइते भएका छन् । ​विमान मिनियापोलिसबाट स्थानीय समय अनुसार सोमबार बिहान ११ः३४ बजे उडेको थियो। टोरन्टो पियर्सन अन्तर्राष्ट्रिय विमानस्थलमा अवतरण गर्ने दुर्घटना हुँदा अन्य १२ जनालाई सामान्य चोटपटक लागेको छ । गम्भीर घाइते हुनेमा एक बालक, ४० वर्षीया महिला र ६० वर्षीय पुरुष छन् । विमानमा ७६ यात्रु र चालक दलका चार सदस्य गरी ८० जना सवार थिए । सबैलाई विमानबाट निकालेर सुरक्षितस्थानमा राखिएको अमेरिकी संघीय उड्डयन प्रशासनले जनाएको छ ।...

अमेरिका । विदेशमा नेपालीले सिकेको ज्ञान, सीप र पुँजीलाई नेपालको समृद्धिमा लगाउने उद्देश्यसहित सन् २००३ मा स्थापित गैरआवासीय नेपाली संघको सञ्जाल ९० देशमा विस्तार भएको छ । गैरआवासीय नेपाली संघका महासचिव गौरीराज जोशीका अनुसार सोलोभेनिया, माल्दोवा र क्रोएशियाका राष्ट्रिय समन्वय समितिहरू थपिएपछि संघको सञ्जाल ९० देशमा पुगेको हो । जोशीका अनुसार यसअघि गठन भएको गैरआवासीय नेपाली संघ रोमानियाको पुनर्गठन गरेर सक्रिय पारिएको छ ।...

अमेरिका । भारतको राजधानी दिल्लीको नयाँदिल्ली रेलवे स्टेसनमा भागदौड हुँदा १५ जनाको मृत्यु भएको छ । बीबीसी हिन्दीका अनुसार आइतबार बिहान भएको घटनामा कैयौँ मानिस घाइते छन् । लोकनायक अस्पताल (एलएनजेपी) का सीएमएस रितु सक्सेनाले नयाँ दिल्ली रेलवे स्टेशनमा भएको भागदौडमा १५ जनाको मृत्यु भएको बताएकी छिन् । प्रधानमन्त्री नरेन्द्र मोदी र रक्षामन्त्री राजनाथ सिंहले नयाँदिल्ली रेलवे स्टेशनमा भएको भागदौडमा मृत्यु भएकाप्रति श्रद्धाञ्जली अर्पण गरेका छन् ।...

अमेरिका । नेपाल अमेरिका एकता समाज र ८८४८ इन्टरटेनमेन्ट ला को आयोजनामा मार्च २ तारिखका दिन अन्तरक्रिया कार्यक्रम गरिने भएको छ । अमेरिकाको क्यालिफोर्नियास्थित श्री पशुपतिनाथ एण्ड बुद्ध मन्दिरमा आयोजित कार्यक्रममा इमिग्रेशन लयर यज्ञ नेपाल, सीईओ एबीएसई ट्याक्स राजेन्द्र शिवाकोटी र रिटेलर–इञ्जिनियर रिशव पौडलसँग अन्तरक्रिया गर्न लागिएको हो । त्यस क्षेत्रमा नेपालीहरुले भोग्दै आएको विभिन्न समस्या र सवालहरुका बारेमा कार्यक्रममा अन्तरक्रिया गरिने नेपाल अमेरिका एकता समाजका अध्यक्ष अर्जुन पौडेलले बताए । कानूनी, वित्तीय र घरजग्गा मामिलाहरू जस्ता महत्वपूर्ण विषयमा छलफल हुने कार्यक्रममा उपस्थितिका लागि आयोजक संस्थाले निमन्त्रणा गरेका छन् । ...

अमेरिका । अमेरिकामा रिपब्लिकन सांसदहरूले डिभी चिठ्ठा प्रणालीलाई रोक्नु पर्ने तर्क गरिरहेका छन् । उनीहरुले डिभी चिठ्ठा प्रणाली मार्फत आप्रवासीहरूलाई अनियमित रूपमा भिसा वितरण गर्न ‘फेसलेस कम्प्युटर कोड’ लाई अनुमति दिएर राष्ट्रिय सुरक्षालाई कमजोर पार्ने सरकारी कार्यक्रम अन्त्य गर्न खोजिरहेका बताएका छन् । वार्षिक चिठ्ठामार्फत बिभिन्न देशका गरेर ५५ हजार मानिसहरु अमेरिका भित्रिने गरेका छन् । चिठ्टामार्फत सहजै भिसा र ग्रीन कार्डहरू दिइने गरिन्छ । कोटामा आधारित भिसा र डिभी जारी गर्नुले राष्ट्रिय सुरक्षालाई कमजोर बनाउने र दक्ष प्रतिभाका लागि अवसरहरू नपाउने पनि सांसदहरुले बताएका छन् ।...