अन्तराष्ट्रिय/प्रवास

नेपाल । पश्चिमी जर्मनीमा डच सीमा नजिकै विमान दुर्घटना हुँदा तीन जना डच नागरिकको मृत्यु भएको डच विदेश मन्त्रालयले पुष्टि गरेको छ । मन्त्रालयले डच सार्वजनिक प्रसारणकर्ता एनओएसलाई पीडित ५७ र ५८ वर्षका दुई पुरुष र एक २३ वर्षीया महिला रहेको बताएको छ । विमानले पश्चिम-मध्य नेदरल्याण्ड्सको हिलभर्समको सानो एयरफिल्डबाट स्थानीय समय अनुसार विहान लगभग १०ः२५ मा जर्मनीको उत्तरी राइनवेस्टफालिया राज्यको एर्केलेन्ज जिल्लाको गर्डेरथ नजिकै रडारबाट सम्पर्क विहिन भएको लगभग केही समय पछि ११ः१८ दुर्घटनाग्रस्त भएको थियो । विमान नेदरल्यान्ड्सको हिलभर्सम फ्लाइट संस्थामा दर्ता गरिएको जनाइएको छ । दुर्घटनाको कारण थाहा नभएसम्म व्यवस्थापनले सबै उडान तत्काल स्थगित गर्ने घोषणा गरेको जनाइएको छ । डच सुरक्षा बोर्डले सोमबार दुई उड्डयन अनुसन्धानकर्ताले प्रारम्भिक अनुसन्धानमा सहयोग गरिरहेको बताएको छ ।...

अमेरिका । अमेरिकाले नेपालसहित ७५ देशलाई डाईभर्सिटी (डीभी) तथा आप्रवासी भिसा दिन पुनः प्रक्रिया अघि बढाएको छ । गत जनवरीमा अमेरिकी ट्रम्प प्रशासनले नेपालसहित ७५ वटा देशका नागरिकलाई ‘सरकारी सहायता (वेलफेयर) मा निर्भर हुन सक्ने’ सम्भावना देखाउँदै आप्रवासी र डीभी भिसा जारी गर्न अस्थायी रोक लगाएको थियो । उक्त रोक असंवैधानिक र कानुनी अधिकार बाहिरको रहेको उल्लेख गर्दै अदालतले बदर गरिदिएको थियो । अदालतले विदेशमन्त्री मार्को रुबियोसँग यसरी एकमुस्ट आप्रवासी भिसा रोक्ने कानुनी अधिकार नभएको पनि आदेशमा उल्लेख गरेको छ । अदालतको पछिल्लो आदेशपछि विदेश मन्त्रालयले अमेरिकी अध्यागमन तथा राष्ट्रियता ऐनको धारा २२१ (जी) अन्तर्गत अस्वीकृत भएका भिसा पहिचान गरी पुनः प्रक्रिया अघि बढाउनसमेत निर्देशन दिएको जनाएको छ । यससँगै दूतावासहरुले डीभी प्रक्रिया र आप्रवासी भिसाको हकमा रोकिएका फाइलहरु पुनरावलोकन गर्ने, अदालत...

अमेरिका । रसुवाको भोटेकोसी नदीमा आएको बाढीका पीडितलाई राहत तथा पुनर्स्थापना कार्यमा सहयोग पुर्याउन अमेरिकाको विदेश मन्त्रालयले थप वित्तीय सहायता स्वीकृत गरेको छ। अमेरिकी विदेश मन्त्रालयको इन्टरनेसनल नार्कोटिक्स एन्ड ल इन्फोर्समेन्ट अफेयर्स ब्युरोले नेपाल प्रहरीलाई फोरेन्सिक सहायता तथा डीएनए किट उपलब्ध गराउन १० लाख डलर स्वीकृत गरेको विदेश मन्त्रालयले जनाएको हो। यससँगै अमेरिकाले हालसम्म कुल ५० लाख डलरभन्दा बढीको मानवीय, स्वास्थ्य तथा फोरेन्सिक सहायता उपलब्ध गराइसकेको जनाएको छ।प्रभावित क्षेत्रमा रहेका अमेरिकी नागरिकको सुरक्षालाई सर्वोच्च प्राथमिकतामा राखिएको पनि विदेश मन्त्रालय जारी गरेको विज्ञप्तिमा जनाइएको छ। अमेरिकी सहायताअन्तर्गत विश्व खाद्य कार्यक्रम मार्फत ३० लाख डलर बराबरको खाद्य तथा लजिस्टिक सहायता समावेश गरिएको बताइएको छ। यस सहायताबाट बाढी प्रभावित १० हजार परिवारलाई तीन महिनासम्म ...

अमेरिका । मध्यपूर्वमा पुनः चर्किएको द्वन्द्वका कारण इन्धनको मूल्य बढेपछि अमेरिकामा मुद्रास्फीति थप तीव्र भएको छ । यसले आगामी मध्यावधि निर्वाचनअघि अमेरिकी उपभोक्ताको खर्च र जीवनयापनको लागतसम्बन्धी चिन्ता थप बढाएको छ । अमेरिकी श्रम विभागका अनुसार अगस्ट महिनामा उपभोक्ता मूल्य सूचकांक अघिल्लो वर्षको सोही अवधिको तुलनामा ३ दशमलव ४ प्रतिशत बढेको छ । जुलाईमा पनि वार्षिक मुद्रास्फीति ३ दशमलव ४ प्रतिशत नै थियो । तर मासिक आधारमा भने मूल्यवृद्धिको गति तीव्र भएको छ । अगस्टमा उपभोक्ता मूल्य ० दशमलव ४ प्रतिशत बढेको छ, जबकि जुलाईमा यो वृद्धि केवल शुन्य दशमलव १ प्रतिशत थियो । मध्यपूर्वमा पुनः सुरु भएको हिंसात्मक द्वन्द्वपछि पेट्रोलियम तथा इन्धनको मूल्यमा आएको उछालले समग्र मुद्रास्फीतिमा दबाब थपेको हो । कोरोना महामारीपछि मूल्यवृद्धि अत्यधिक बढेको पाँच वर्षभन्दा बढी समय बितिसक्दा पनि अमेरिकामा महँगी अपेक...

अमेरिका । समुद्रको सतह निरन्तर बढेको कारण सन् २१०० सम्ममा दुई लाख ५० हजारभन्दा बढी तटीय क्षेत्रका अष्ट्रेलियाली घर तटीय बाढीको जोखिममा पर्ने प्रतिवेदनले जनाएको छ । गैरसरकारी संस्था क्लाइमेट काउन्सिलले बिहीबार जारी गरेको प्रतिवेदनमा बढ्दो समुद्री सतह र आँधीबेहरीले २१ औँ शताब्दीमा राष्ट्रिय अर्थतन्त्रलाई आठ खरव ५५ अरव अष्ट्रेलियन डलर बराबरको क्षेतिहुने प्रतिवेदनमा उल्लेख गरिएको छ । प्रतिवेदनले सन् २१०० सम्ममा बाढीले दुई लाख ६७ लाख तटीय घर र दुई लाख हेक्टर भूमिका साथै उत्तरी क्षेत्रका महत्वपूर्ण पूर्वाधारलाई क्षतिको जोखिममा पार्ने जनाएको छ । आँधीबेहरी र तटीय बाढीको प्रभाव र समुद्रको सतहको वृद्धिले समुदायलाई पटक(पटक असर गरिरहेको मौसम विज्ञान ब्यूरोका जलवायु पूर्वानुमानका पूर्वप्रमुख र प्रतिवेदनका सह(लेखक एन्ड्र्यू वाटकिन्सले विज्ञप्तीमा उल्लेख गर्नुभएको छ । वैज्ञानीकका अनुसार हालका सामान्य त...

अमेरिका । अमेरिकाको न्यूयोर्कमा संयुक्त राष्ट्रसङ्घको ८१ औँ महासभा मङ्गलबारबाट सुरु भएको छ । संयुक्त राष्ट्रसङ्घको मुख्यालय न्युयोर्कमा सुुरु भएको महासभा आगामी २९ ‘सेप्टेम्बर’सम्म जारी रहने छ । ‘विश्वासको पुनस्र्थापना, रुपान्तरणको व्यवस्थापनः सबैका लागि काम गर्ने संयुक्त राष्टसङ्घ’ भन्ने नारासहित करिब २० दिन चल्ने महासभाको बैठकलाई अध्यक्ष खालिलुर रहमान र महासचिव एन्टोनिया गुटेरेसले सम्बोधन गर्नुभयो । सो अवसरमा अध्यक्ष रहमानले विश्वशान्ति, सुरक्षा, न्याय, जलवायु परिवर्तनलगायतका जल्दाबल्दा मुद्दामा घनिभूत एवं प्रभावकारी ढङ्गबाट छलफल एवं विचारविमर्श भई विश्वव्यापी समस्या सम्बोधन गर्न अहिलेको ८१ औँ महासभा सफल हुने विश्वास व्यक्त गर्नुभयो । त्यसै गरी, दिगो विकासका रणनीति कार्यान्वयन, पर्यावरणीय दिगोपन, मानवअधिकार र मानवीय समस्या, डिजिटल गभर्नेन्स र प्रविधिको उपयोग, वहुपक्षीय हितका लागि...

नेपाल । भारतको मध्य प्रदेशमा नक्कली मदिरा सेवनबाट पछिल्ला केही दिनमा १५ जनाको मृत्यु भएको छ भने १०० भन्दा बढी व्यक्ति सरकारी अस्पतालमा उपचाररत छन् । घटना राज्यको सागर जिल्लाको बाँदा क्षेत्रमा भएको हो । सरकारी अधिकारीका अनुसार अस्पताल भर्ना भएकामध्ये केहीको अवस्था गम्भीर छ । मृतक तथा बिरामी आसपासका विभिन्न गाउँका बासिन्दा हुन् । उनीहरूमा बान्ता हुने, चक्कर लाग्ने र धमिलो देखिने जस्ता लक्षण देखिएका छन् । साथै मिर्गौलामा समेत असर देखिएकाले मिथाइल अल्कोहलका कारण विषाक्तता भएको आशंका गरिएको छ । स्थानीय प्रहरीले कम्तीमा २० जनाविरुद्ध उजुरी दर्ता गरिएको र तीमध्ये १० जनालाई पक्राउ गरिएको जनाएको छ । दोषी ठहरिएकामाथि कडा कारबाही गरिने प्रहरीले बताएको छ ।...

नेपाल । अमेरिकाको मियामी अन्तर्राष्ट्रिय विमानस्थलमा आइतबार अमेजनको कार्गो विमान धावनमार्गबाट बाहिरिएर सडकमा पुगेपछि दुर्घटनाग्रस्त हुँदा कम्तीमा पाँच जनाको मृत्यु भएको छ भने पाँच जना घाइते भएका छन् । प्युर्टो रिकोको सान हुआनबाट आएको विमान स्थानीय समयअनुसार दिउँसो करिब २ बजे अवतरण गर्ने क्रममा धावनमार्गबाट बाहिरिएको थियो । त्यसपछि विमान विमानस्थल वरपरका गोदाम तथा अन्य व्यवसायमा काम गर्ने कर्मचारीले प्रयोग गर्ने सडकमा पुगेको थियो । मियामी–डेड काउन्टीका अधिकारीहरूका अनुसार दुर्घटनामा पाँच जनाको मृत्यु, तीन जना गम्भीर घाइते र सुई जना सामान्य अवस्थामा घाइते भएका छन् । दुर्घटनापछि विमानबाट बाक्लो कालो धुवाँ आकाशतर्फ फैलिएको थियो ।...

नेपाल । अमेरिकी राष्ट्रपति डोनाल्ड ट्रम्पले चार वर्षभन्दा लामो समयदेखि जारी युक्रेन युद्ध अन्त्य गर्ने प्रयास स्वरूप आफ्ना विशेष दूत स्टिभ विट्कफ र जेरेड कुशनरलाई मस्को र किएभ पठाउने घोषणा गर्नुभएको छ । ट्रम्पका अनुसार दुवै वार्ताकारले शान्ति सम्झौताको सम्भावना खोज्ने छन् र युद्ध अन्त्य गर्ने प्रस्तावसमेत लिएर जाने छन् । उहाँहरूले शनिबार मस्कोमा रुसी राष्ट्रपति भ्लादिमिर पुटिन र आइतबार किएभमा युक्रेनी राष्ट्रपति भोलोदिमिर जेलेन्स्कीसँग भेटवार्ता गर्ने बताइएको छ । युक्रेनका एक वरिष्ठ अधिकारीका अनुसार विट्कफ र कुशनर आइतबार किएभ पुग्ने कार्यक्रम छ । तर, क्रेमलिनले उहाँहरूको भ्रमणबारे तत्काल कुनै टिप्पणी गर्नुभएको छैन । ट्रम्पले आफूले पठाएका दुवै वार्ताकारले यस अघि गाजा र इरान सम्बन्धी युद्धविराम वार्तामा महत्वपूर्ण भूमिका खेलेको बताउनुभयो । उहाँले शान्ति स्थापनाका लागि आफ्नो प्रशासनसँग स्पष...