अन्तराष्ट्रिय/प्रवास

अमेरिका । गत भदौ २३ र २४ गते देशभर फैलिएको जेनजी पुस्ताको आन्दोलनका क्रममा क्षतिग्रस्त भएका भौतिक संरचनाहरूको पुनर्निर्माणमा नेपाल सरकारसँग सहकार्य गर्ने प्रतिबद्धता जनाएको गैरआवासीय नेपाली संघ (एनआरएए) ले भग्नावशेषहरूको अवलोकन कार्य सुरु गरेको छ । यही क्रममा, भदौ ३१ गते मंगलबार संघीय संसद भवनको अवलोकन गरिएको छ । गैरआवासीय नेपाली संघकी उपाध्यक्ष रोजीना प्रधान राई र प्रमुख कार्यकारी निर्देशक राजेन्द्र कुमार राउतको नेतृत्वमा गएको टोलीले संसद भवनमा आगजनीबाट भएको क्षतिको प्रत्यक्ष निरीक्षण गरेको हो । उक्त टोलीमा संघका सचिव स्वतन्त्र प्रताप शाहसहित केन्द्रीय कार्यालयका अन्य पदाधिकारीहरू र कर्मचारीहरूको पनि सक्रिय सहभागिता रहेको थियो । संघले आन्दोलनका क्रममा भएको भौतिक र आर्थिक क्षतिको मूल्यांकन गर्दै प्रभावित संरचनाहरूको पुनःनिर्माणमा सरकारलाई आवश्यक सहयोग र सहकार्य गर्नेछ । ...

नेपाल । जेनजी आन्दोलनको क्रममा बालुवाटारस्थित गैरआवासीय नेपाली संघ (एनआरएनए) को सचिवालय रहेको भवन क्षतिग्रस्त भएको हुँदा अर्को सूचना जारी नभएसम्मका लागि संघको सचिवालय अस्थायी रूपमा बन्द गरिएको छ । संघका प्रवक्ता फणिन्द्र पन्तका अनुसार सचिवालयका सम्पूर्ण कार्यहरू घरबाट सम्पादन गर्ने व्यवस्था गरिएको छ । यस व्यवस्थाबाट अत्यावश्यक सेवा प्रवाहमा कुनै असर नपर्ने संघले जनाएको छ । ...

नेपाल । नेपालको ४२औँ तथा पहिलो महिला प्रधानमन्त्रीको रूपमा सुशीला कार्की नियुक्त भएपछि गैरआवासीय नेपाली संघ (एनआरएनए) र विश्वभरका गैरआवासीय नेपालीहरूले हार्दिक बधाई तथा शुभकामना व्यक्त गरेका छन् । संघले जारी गरेको विज्ञप्तिमा ऐतिहासिक जेन–जी आन्दोलनको मर्मअनुरूप, जनताको हितमा जनताको म्यान्डेटलाई पूरा गर्न प्रधानमन्त्री कार्कीको नेतृत्वमा गठन भएको अन्तरिम सरकार सफल हुने विश्वास प्रकट गरिएको छ । एनआरएनएले नेपालको पुनः समृद्धि, शान्ति र सुन्दरता कायम गर्ने साझा लक्ष्यमा हातेमालो गर्दै पूर्ण सहयोग गर्ने प्रतिवद्धता व्यक्त गरेको छ । संघले प्रधानमन्त्री कार्कीलाई देशलाई समृद्धिको मार्गमा अघि बढाउन सहयोग र समर्थन गर्न सबै सरोकारवालालाई पनि अनुरोध गरेको छ ।   ...

नेपाल । जेनजी आन्दोलनको क्रममा गैरआवासीय नेपाली संघ (एनआरएनए) को बालुवाटारस्थित केन्द्रीय कार्यालय रहेको भवनमा समेत आगजनी भएको छ । प्रधानमन्त्री केपी शर्मा ओलीको निवासमा आगजनी गरी फर्किएको समूहले संघको केन्द्रीय कार्यालयमा तोडफोड र आगजनीको प्रयास गरेको बताइएको छ । संघका अध्यक्ष डा. बद्री केसीले बुधबार एक विज्ञप्ति जारी गर्दै आन्दोलनका क्रममा र त्यसपछि पनि देशभर भएका सार्वजनिक सम्पत्तिमाथि आगजनी, तोडफोड, हिंसा र लुटपाटका घटनाप्रति एनआरएनए स्तब्ध भएको प्रतिक्रिया दिएका छन् । आन्दोलनकारीहरूले भवनभित्र पार्क गरिएका दुईवटा सवारीसाधनमा आगजनी गर्नुका साथै पहिलो तलामा सामान्य तोडफोड गरेको भए पनि सचिवालय कक्षमा भने ठूलो क्षति नभएको जनाइएको छ । गैरआवासीय नेपाली संघले शुक्रबारदेखि केन्द्रीय कार्यालय नियमित रूपमा सञ्चालन हुने जनाएको छ ।...

अमेरिका । एनआरएनए एनसीसी अमेरिकाको आयोजनामा यही सेप्टेम्बर १३, शनिबार, डालस, टेक्सास गर्न लागिेको बृहत् राष्ट्रिय भेला तथा कार्ययोजना सम्मेलन स्थगित भएको छ । मातृभूमि नेपालमा घटेको अप्रत्यासित र दुःखद् घटनाक्रम संवेदनशील परिस्थितिका कारण निर्धारित मितिमा कार्यक्रम गर्न संभव नभएकाले स्थगित गरिएको एनआरएनए एनसीसीका महासचिव आरसी पन्तले जानकारी दिनु भयो । डालासको अर्भिङस्थित हिल्टन गार्डेन इनमा आयोजना हुने लागेको उक्त कार्यक्रमको तयारी अन्तिम चरणमा रहेको बेला प्रवक्ता द्रोर्ण गौतमले नयाँ मितिमा उक्त कार्यक्रम गरिने विज्ञप्ति मार्फत जानकारी गराएका छन् । कार्यक्रममा एनआरएनए आईसीसीका अध्यक्ष डा। बद्रि केसी, उपध्यक्षक्ष हेमराज शर्मा, रविन शेरचन, महासचिव गौरीराज जोशी र उपमहासचिव प्रविण गुरुङको समेत सहभागिता रहने तय भएको थियो । गत जुलाई २७ र २८ मा भएको निर्वाचनबाट विकास उप्रेतीको नेतृत्वम...

नेपाल । गैरआवासीय नेपाली संघ (एनआरएनए) को १२औं महाधिवेशन स्थगित भएको छ । नेपालमा उत्पन्न पछिल्लो राजनीतिक संकटलाई मध्यनजर गर्दै संघको बुधबार बसेको बैठकले आगामी ६ महिनाभित्र एकताको महाधिवेशन गर्ने निर्णय गरेको हो । संघको विधानअनुसार अधिकतम ६ महिनासम्म अधिवेशन सार्न सकिने व्यवस्था छ । यसअघि अधिवेशन काठमाडौँमा आगामी अक्टोबर ११ देखि १३ तारिखसम्म हुने तय गरिएको थियो। सो अधिवेशनका लागि करिब ३५ सय प्रतिनिधिले नाम दर्ता गरेका थिए । प्रेस विज्ञप्ति काठमाडौँसहित देशका विभिन्न स्थानमा २०२५ सेप्टेम्बर ८ र ९ मा भएको 'जेनजी' पुस्ताको प्रदर्शन र त्यसपछि उत्पन्न भएको असामान्य परिस्थितिप्रति गैरआवासीय नेपाली संघ गम्भीर चिन्ता व्यक्त गर्दछ। प्रदर्शनका क्रममा र त्यसपछि पनि देशैभरि भएका सार्वजनिक सम्पत्तिमाथि आगजनी, तोडफोड, हिंसा र लुटपाटका घटनाले गैरआवासीय नेपाली संघ स्तब्ध भएको छ । बालुवाटारस्थित संघको ...

अमेरिका । टेक्ससका उद्यमी तथा समाजसेवी हरिबोल भण्डारीले मङ्गलबार बिहान आफ्नै निवासस्थान ग्रेनवरीमा आत्महत्या गर्नुभएको छ । उहाँको आत्महत्याको कारण भने खुलेको छैन । काठमाडौँको मूलपानी घर भइ झण्डै दुई दशकदेखि अमेरिकामा बसोबास गर्दै आउनु भएका ५५ वर्षीय भण्डारी लामो समयदेखि नेपाली कांग्रेसका महासमिति सदस्य समेत रहनुभएको थियो । प्रवासमा रहेर पनि राजनीति र समाजसेवालाई निरन्तर रुपमा अगाडि बढाइरहनु भएका भण्डारीका श्रीमती र दुई छोरा छन् । उहाँको टेक्सस र मिजोरीमा ग्यासस्टेसन र होटलमा लगानी समेत रहेको बताइएको छ ।...

नेपाल । थाइल्यान्डको सर्वोच्च अदालतले मङ्गलबार पूर्वप्रधानमन्त्री थाक्सिन सिनावात्रालाई भ्रष्टाचार र शक्तिको दुरुपयोगको आरोपमा अघिल्लो सजायअनुसार एक वर्षको जेल सजाय भोग्नुपर्ने निर्णय सुनाएको छ । एक न्यायाधीशका अनुसार थाक्सिनको सजायको कार्यान्वयन ठीकसँग भएको थिएन, त्यसैले बैङ्ककको प्रहरी अस्पतालमा गरिएको नजरबन्दलाई जेल सजायको रूपमा गणना गरिएको थिएन । एक दशकभन्दा बढी समय स्व–निर्वासनमा बिताएपछि थाइल्यान्ड फर्केका थाक्सिन जेलमा एक दिनभन्दा कम समय बिताएपछि स्वास्थ्य कारण देखाएर अस्पतालमा भर्ना हुनुभएको थियो ।...

अस्ट्रेलिया, फिनल्याण्ड, फ्रान्स, जापान, कोरिया गणतन्त्र, बेलायत, नर्वे, जर्मनी, र संयुक्त राज्य अमेरिकाका नेपालस्थित दूतावासहरूबाट संयुक्त प्रेस विज्ञप्ति हामी काठमाडौं तथा नेपालका अन्य स्थानहरूमा देखिएका हिंसात्मक घटनाप्रति गहिरो दुःख व्यक्त गर्दछौं । यी घटनाहरूका कारण ज्यान गुमाउने दुःखद अवस्था उत्पन्न भएको र कैयौं घाइते भएकोमा हामी संवेदनशील भएका छौं । पीडित परिवारजन, प्रभावित व्यक्तिहरूप्रति हामी हार्दिक समवेदना प्रकट गर्दछौं। साथै, घाइते सबैलाई शीघ्र स्वास्थ्यलाभको कामना गर्दछौं । हाम्रा सरकारहरूले शान्तिपूर्ण सभा र अभिव्यक्तिको स्वतन्त्रताको सार्वभौमिक अधिकारप्रति आफ्नो दृढ समर्थन पुनः व्यक्त गर्दछ । हामी सबै पक्षलाई अधिकतम संयम अपनाउन, परिस्थितिलाई थप बिग्रिन नदिई शान्तिपूर्ण तरिकाले समाधान खोज्न तथा यी मौलिक अधिकारहरूको पूर्ण संरक्षण सुनिश्चित गर्न आग्रह गर्दछौं ।...

शोक सभा तथा दीप प्रज्वलन नेपालमा हालै भएको Gen Z विरोध प्रदर्शनका क्रममा अकालमा ज्यान गुमाउनुभएका सम्पूर्ण आत्माहरूको चिर शान्तिको कामना गर्दै हामी गहिरो श्रद्धाञ्जली अर्पण गर्दछौँ। साथै, घाइते सबैको शीघ्र स्वास्थ्यलाभको कामना गर्दछौँ। यस दुःखद घडीमा आज बेलुकी ७:३० बजे नेपाली घरको प्राङ्गणमा आयोजित मौन धारण तथा दीप प्रज्वलन कार्यक्रममा सम्पूर्ण नेपाली भाषी दाजुभाइ तथा दिदीबहिनीहरूलाई उपस्थित भई श्रद्धाञ्जली अर्पण गर्न हार्दिक अनुरोध गर्दछौँ। मिति: २०२५ सेप्टेम्बर ८ समय: बेलुका ७:३० बजे स्थान: नेपाली घर, 4001 W. 76th Ave, Westminster, CO घाईते तथा ज्यान गुमाएका बाल युवाहरूको सम्मानमा आयोजना शोक सभा शान्तिपूर्ण तरिकाले आयोजना गरिने यस कार्यक्रम मार्फत एकता, सम्झना र प्रार्थना गर्दै न्यायको आवाज उठाउनेछौं। कृपया आफ्नो साथमा मैनबत्ती ल्याइदिनुहोस् र समुदायसँगै एकतामा उभिनु...