मनोरन्जन

नेपाल । अनुया तामाङले ‘भ्वाइस किड्स’ सिजन ३ को उपाधि जितेकी छन् । शनिबार आयोजित ग्राण्ड फिनालेमा तामाङले उपाधि जितेकी हुन् । उपाधि जितेसँगै अनुयाले १० लाख रुपैयाँ र प्रायोजकको तर्फबाट गिफ्ट ह्याम्पर प्राप्त गरेकी छन् । अन्य फाइनलिस्टलाई पनि गिफ्ट ह्याम्पर प्रदान गरिएको छ । कोच प्रमोद खरेलको टिमबाट अनुया र लाक्पा शेर्पा, कोच मिलन नेवारको टिमबाट समीक्षा धिताल र रिञ्जिन डोल्मा लामा फाइनलिस्ट थिए । कोच छेवाङ लामाको टिमबाट द्वितिका प्रधान र छेसाङ तामाङ, कोच मेलिना राईको टिमबाट सिमला धिताल र आयुष लामाले फिनालेमा प्रतिस्पर्धा गरे । तेस्रो सिजनको मुख्य प्रायोजकमा वात्साल्य न्याचुरल आइभीएफ थियो ।...

–सुपेन्द्र बस्नेत (बोस्टन, अमेरिका) । केही दिन अघि नेपालबाट अमेरिका भित्रिएका चर्चित नेपाली कलाकारहरुले बोस्टनवासी प्रवासी नेपालीहरुलाई छमछमी नचाएका छन् । पहिलो पटक अमेरिका भित्रिएका गायिकाहरु रचना रिमाल, शान्तिश्री परियार, ज्योति मगर र मोडल तथा कलाकार करिश्मा ढकालले अमेरिकाका लागि पहिलो सांगीतिक कार्यक्रम गर्दै बोस्टनवासी प्रवासी नेपालीहरुलाई छमछमी नचाएका हुन् । गत अगस्ट १० तारिख शनिबार आयोजना गरिएको उक्त कार्यक्रम फ्लाई नेपाको प्रस्तुतिमा अमेरिकाका विभिन्न सहरहरुमा हुनगइरहेको दुई महिने सांगीतिक कार्यक्रम ‘अब नाच्छ अमेरिका’ अन्तर्गतको पहिलो हो । अमेरिकाको बोस्टन सहरका लागि नेपालका पर्यटन प्रवर्धक तथा घरजग्गा कारोबारी मिलन गुरुङले संयोजन गरेको कार्यक्रमको मुख्य उद्देश्यहरु नेपाली गीत संगीतलाई प्रवर्धन गर्ने, नेपालको पर्यटन प्रवर्धनमा टेवा पुर्याउने, आपसी सम्बन्ध कसिलो बनाउने र मनोरञ्ज...

नेपाल । गायक प्रकाश तिमल्सिनाको निधन भएको छ । ​ तिमल्सिनाको शनिबार साँझ निधन भएको हो । घरमै बेडमा अचेत अवस्थामा फेला परेपछि परिवारले पाटन अस्पताल पुर्‍याएको र अस्पताल पुर्‍याउँदा उनलाई चिकित्सकले मृत घोषणा गरेका थिए। गायन प्रतियोगिता नेपाली ताराबाट उदाएका प्रकाश भैंसेपाटीमा बस्दै आएका थिए । उनका ‘प्रिय तिम्रो सिउँदोमा सिन्दुर भर्न देऊ’ लगायत दर्जनौं गीत लोकप्रिय छन् । २०४५ सालमा कोशीमा आएको बाढीले घर परिवार सबै गुमाएका उनले आँखाको ज्योति पनि गुमाएका थिए । ३ वर्षको उमेरमा बाढीले बगाउँदा धेरै तल माझीले जालमा पारेर उनलाई निकालेको र पछि हजुरआमाले पालेको प्रकाशले अन्तर्वार्ताहरुमा बताएका थिए ।...

-सुपेन्द्र बस्नेत (बोस्टन, अमेरिका) । अमेरिकामा रहेका प्रवासी नेपालीहरुलाई छमछमी नचाउन नेपाली सांगीतिक क्षेत्रका चर्चित चार कलाकारहरु बोस्टन उत्रिएका छन् । बोस्टनवासी प्रवासी नेपालीहरुसंग साक्षात्कार गर्दै नाच्ने नचाउने र रम्मे रमाउने उद्देश्यका साथ उनीहरु बोस्टन उत्रिएका हुन् । बोस्टन उत्रिनेहरुमा गायिकाहरु शान्तिश्री परियार, रचना रिमाल, ज्योति मगर र मोडल तथा कलाकार करिश्मा ढकाल रहेका छन् । उनीहरु दुई महिने सांगीतिक यात्रा ‘अब नाच्छ अमेरिका’ को दौडाहाका क्रममा अगष्ट ८ तारिख बिहिबार बोस्टन आइपुगेका हुन् । उनीहरुलाई स्थानीय प्रवासीहरुले स्वागत गरेका थिए । स्वागत कार्यक्रममा प्रवासी नेपाली समुदायका विभिन्न संघ संस्थाहरुका अध्यक्ष तथा प्रतिनिधिहरु, सामाजिक व्यक्तित्वहरु, कलाकारहरुलगायतको उपस्थिति रहेको थियो । सहभागीहरुले कलाकारहरुलाई स्वागत गर्दै दुई महिने अमेरिकाको सांगीतिक अभियानको सफलताक...

नेपाल । ‘नमेटिने घाउ’ चलचित्रमा अभिनय गरेका प्रधानमन्त्री केपी शर्मा ओलीले शनिबार आफ्नो भागको दृश्यको संवाद डबिङ गरेका छन् । शनिबार अनामनगरस्थित एक स्टुडियोमा प्रधानमन्त्री ओलीले स्वरांकन गरेको उनको सचिवालयले जनाएको छ । फिल्म एसिड सर्भाइभर मुस्कान खातुनको जीवन कथामा बन्न लागेको हो । यो चलचित्र अभिनेता रमित ढुङ्गानाले निर्देशन गरेका हुन् । प्रधानमन्त्री ओलीले आफ्नो अघिल्लो कार्यकालमा ल्याएको एसिड आक्रमणविरुद्धको अध्यादेशको सन्दर्भममा तत्कालीन प्रधानमन्त्रीको भूमिकामा अभिनय गरेका छन् । चलचित्रमा पूर्वप्रधानमन्त्री माधवकुमार नेपालले पनि अभिनय गरेका छन् ।...

नेपाल । मिस नेपाल २०२४ को उपाधि आश्माकुमारी केसीले जितेकी छन् । गोदावरीको सनराइज हलमा शनिबार भएको फाइनलमा २५ जना प्रतिस्पर्धीहरूलाई पछि पार्दै आश्माले उपाधि चुमेकी हुन् । मिस नेपाल वर्ल्ड आस्मा सोसल वर्कमा स्नातक अध्ययनरत छिन् । २६ वर्षिया उनको उचाइ ५ फिट ५ इन्च छ । उनी काठमाडौं निवासी हुन् । २६ जना सुन्दरीले उपाधिका लागि प्रतिस्पर्धा प्रतियोगितामा मिस नेपाल इन्टरनेशनलको उपाधि करुणा रावलले जितेकी छन् । मिस नेपाल अर्थ भने सुमना केसी भइन् । द हिडन ट्रेजरको आयोजना भएको समारोहमा पूर्व मिस नेपालहरुको उपस्थिती थियो । मिस माल्टाको टोलीसहित जापानबाट आएका मिस इन्टरनेसनलका कार्यकारी निर्देशक पनि फिनालेमा सहभागि थिए । फिनालेमा प्रियंकारानी जोशी, दिब्यदेव, शरद भेसवाकरसहितका ११ जना जजको रुपमा थिए ।...