कोलोराडोखबर संवाददाता
नेपाल । नेकपा (एकीकृत समाजवादी) को पूर्वनिधारित केन्द्रीय कमिटीको बैठक सरेको छ।
प्रचार विभाग प्रमुख तथा पूर्वउपमहासचिव जगन्नाथ खतिवडाका अनुसार साउन १४ गते बोलाइएको केन्द्रीय कमिटी बैठक साउन १६ गतेका लागि सारिएको छ ।
पार्टीमा २०६ केन्द्रीय सदस्य पद रिक्त छन् । हालै भएको महाधिवेशनले अध्यक्षमा माधवकुमार नेपाल, सम्मानित नेतामा झलनाथ खनाल र महासचिवमा घनश्याम भुसाललाई दोहोर्याएको थियो । साथै गत असार २१ गते ९३ सदस्यीय केन्द्रीय कमिटी छानेको थियो । केन्द्रीय समिति र पदाधिकारीमा धेरै नेताहरू आकांक्षी भएकाले टुंग्याउन सकस परेको छ ।
सबै प्रदेशले केन्द्रमा पठाएको सिफारिसका आधारमा नेताहरूको योगदान र क्षमताको मूल्याङ्कन गरी भूगोल, क्षेत्र तथा सन्तुलन मिलाएर मनोनयन गर्ने, कमिटीलाई पूर्णता दिएपछि पदाधिकारी चयन गर्नेलगायत विषयमा छलफल हुनेछ ।
प्रतिक्रिया दिनुहोस्