कोलोराडोखबर संवाददाता
नेपाल । अन्तरराष्ट्रिय क्रिकेट काउन्सिल (आईसीसी) का अध्यक्ष ग्रेग बार्कलेले तीनदिने नेपाल भ्रमणका क्रममा प्रधानमन्त्री पुष्पकमल दाहाल प्रचण्ड, युवा तथा खेलकुदमन्त्री विराजभक्त श्रेष्ठ, राष्ट्रिय खेलकुद परिषद्का सदस्यसचिव टंकलाल घिसिङ र क्यानका पदाधिकारीहरुसँग भेटघाट गरेका छन् ।
यसैक्रममा बुधबार आयोजित पत्रकार सम्मेलनमा बार्कलेले भ्रमण निकै उपलब्धिमूलक रहेको उल्लेख गरे । तर पनि तत्काल नेपालमा ठूला क्रिकेट प्रतियोगिताहरु आयोजना हुन नसक्ने प्रतिक्रिया दिए ।
अझै धेरै पूर्वाधारको विकास हुनु आवश्यक रहेकाले तत्काल नेपालमा कुनै पनि ठूला आयोजना हुन नसक्ने बताएका हुन् । नेपाली क्रिकेटको भविष्य राम्रो रहेको प्रतिक्रिया पनि दिए ।
प्रतिक्रिया दिनुहोस्