कोलोराडोखबर संवाददाता
नेपाल । पहिलो संस्करणको आइसिसी महिला टी–२० च्यालेन्ज ट्रफीअन्तर्गत अमेरिकाविरुद्धको खेलमा नेपाल पराजित भएको छ।
रुवाण्डामा शनिबार भएको खेलमा नेपाल अमेरिकासँग ४४ रनले पराजित भएको हो। अमेरिकाले दिएको १२४ रनको लक्ष्य पछ्याएको नेपाल निर्धारित २० ओभरमा नौ विकेट गुमाएर ७९ रनमा समेटियो।
नेपालका लागि बिन्दु रावलले सर्वाधिक २७ रन बनाइन्। उनले ४५ बलको सामना गर्दै एक चौकाको मद्दतमा २७ रन जोडेकी हुन्। कविता जोशी ११ रनमा आउट हुँदा अन्य ब्याटरले दोहोरो अङ्कमा रन बनाउन सकेनन्।
नेपाललाई सस्तैमा समेट्न अमेरिकाका लागि माहि माधवन र तरनुम चोपराले समान दुई तथा रीतु सिंह, लेखा शेट्टी र सैनभीले समान एक–एक विकेट लिए।
त्यसअघि पहिले ब्याटिङ गरेको अमेरिकाले निर्धारित २० ओभरमा ६ विकेट गुमाएर १२३ रनको योगफल बनाएको थियो। प्रतियोगिताअन्तर्गत आफ्नो दोस्रो खेल नेपालले आइतबार इटालीसँग खेल्नेछ।
प्रतिक्रिया दिनुहोस्