कोलोराडोखबर संवाददाता
नेपाल । गैर आवासीय नेपाली संघ अन्तराष्ट्रि समन्वय परिषद (एनआरएनए) ले नेपाल भलिबल संघलाई आर्थिक सहयोग गरेको छ ।
संघको काठमाण्डौं बालुवाटारस्थित मुख्यालयमा एनआरएनए स्पोर्टस एकेडेमीले मंगलबार आयोजना गरेको कार्यक्रमबीच संघका अध्यक्ष डा. बद्री केसीले भलिबल संघका अध्यक्ष जीतेन्द्रबहादुर चन्दलाई सो सहयोग हस्तान्तरण गरेका हुन् ।
नेपालको राष्ट्रिय खेलसमेत रहेको भलिबल संघलाई गैरआवासीय नेपाली संघले ८ लाख रुपैयाँ सहयोग गरेको हो ।
कार्यक्रममा भलिबल संघका अध्यक्ष चन्दले एनआरएनएको सहयोगले भलिबल खेलको विकासमा थप योगदान पुग्ने विश्वास व्यक्त गर्दै आगामी दिनमा पनि सहकार्य गर्ने प्रतिबद्धता व्यक्त गरे ।
कार्यक्रममा अध्यक्ष डा. केसीले आठौं राष्ट्रिय खेलकुद प्रतियोगिताबाट एनआरएनएको टिमले पनि प्रतिस्पर्धा गरेको स्मरण गर्दै नेपालको खेलकुदको विकासका लागि आफूहरुले सधैं सहयोग गर्ने बताए ।
यसअघि संघले नेपाल क्रिकेट संघ क्यानलाई १० लाख रुपैयाँ सहयोग गरेको हो ।
प्रतिक्रिया दिनुहोस्