कोलोराडोखबर संवाददाता
-लालगोपाल सुवेदी-
एउटाको तारिफ गर्दा अर्को रिसाइदिने
सर्पजीले दूधमा पनि बिखै मिसाइदिने !!
सबैसंग कोइलीझैं मीठो बोलूँ भन्छु
कसैको त नजरमा कसिंगरझैं बन्छु
सकेनन् कि बुद्धले नि संसार रिझाउन
मन छैन कसैको नि चित्त दुखाउन !!
भन्न थाले कसैले त खुकुरी नै जाती
गुहार गुहार भन्छन् यहाँ अचानोका साथी
किन आज मौसमले आँधी हुरी डाक्छ ?
मन्दिर जाने मान्छे पनि देखावटी लाग्छ ।
-हाल अमेरिका ।
प्रतिक्रिया दिनुहोस्