कोलोराडोखबर संवाददाता
नेपाल । नेपाल अटोमोबाइल इम्पोर्टर्स एन्ड म्यानुफ्याक्चर्स एसोसिएसन (नाइमा) ले बुधबारदेखि नाइमा मोबिलिटी एक्स्पो–२०२५ गर्ने भएको छ।
दुईपाङ्ग्रे, तीनपाङ्ग्रे र चारपाङ्ग्रे गरी ५० मोडेलका सवारी रहने सो प्रदर्शनी खरिदकर्ताका लागि नयाँ र उपयुक्त अवसर हुने नाइमाका अध्यक्ष ऋतुसिंह वैद्यले बताइन् ।
नाइमाका कार्यकारी निर्देशक राजकुमार दुलालका अनुसार साउन २१ देखि २५ गतेसम्म हुने प्रदर्शनीका पाँचै दिन दिउँसो सवारी तथा यातायातका विभिन्न विषयवस्तुमा छलफल पनि गरिने छ ।
त्यस्तै यो वर्षको नाडा अटो सो आगामी भदौ ३ गतेदेखि ८ गतेसम्म हुने भएको छ ।
नाडा अटोमोबाइल्स एसोसिएसन अफ नेपालको आयोजनामा काठमाडौँको भृकुटीमण्डपमा नाडा अटो सो २०२५ हुने भएको हो ।
एसोसिएसनकाअध्यक्ष करण चौधरीका अनुसार सोमा १९ वटा चारपाङ्ग्रेका ब्राण्ड, १३ वटा हल्का व्यावसायिक सवारी साधनका ब्राण्ड, ४ वटा दुईपाङ्ग्रे सवारी ब्राण्ड, ३५ कम्पनी (ल्युब्रिकेन्ट, टायर, ब्याट्री, ग्यारेज उपकरण र वित्तीय संस्था) सहभागी हुनेछन्।
प्रतिक्रिया दिनुहोस्