खेलकुद

अमेरिका । इङलिस प्रिमियर लिगमा म्यानचेस्टर युनाइटेड र चेल्सिले १-१ गोलको बराबरी खेल्दै अंक बाँडेका छन् । चेल्सिलाई मोइसेस काइसेडोले हारबाट जोगाएका हुन् । ओल्ड ट्राफोर्डमा गएराति भएको खेलको पहिलो हाफ गोलरहित बराबरीमा सकिएको थियो । अलेहान्द्रो गारान्चो र मार्कस र्यासर्फड गोल नजिक पुगेका थिए । तर सफल भएनन् । ७० औं मिनेटमा कप्तान ब्रुनो फर्नान्डेजले डेडलक तोडे । चेल्सिका गोलकिपर रोबर्ट सान्चेजले, रास्मस होइलुन्डलाइ फाउल गरेपछि युनाइटेडले पेनाल्टीको अवसर पाएको थियो । जसलाई ब्रुनोले गोलमा परिणत गर्दै घरेलु टोलीलाई अग्रता दिलाए। तर युनाइटेडले आफ्नो अग्रता लामो समय जोगाउन भने सकेन् । ७४ औं मिनेटमा काइसेडोले आकर्षक गोल गरेपछि चेल्सीले एक अंक लिन सफल भयो । बाँकी समयमा गारान्चो र फर्नान्डेजले पाएको मौकालाई सदुपोग गर्न सकेनन्। युनाइटेडको, प्रशिक्षक एरिक टेन हाखलाई बर्खास्त गरेपछिको यो पहिलो खेल हो ...

अमेरिका । आइसिसी विश्वकप क्रिकेट लिग–२ त्रिकोणात्मक सिरिजमा अमेरिकासँग नेपाल ३७ रनले पराजित भएको छ । अमेरिकाको डालसस्थित ग्राण्ड पेरी क्रिकेट रङ्गशाला सम्पन्न खेलमा नेपाल अमेरिकासँग पराजित भएको हो । यसअघि भएको पहिलो खेलमा पनि नेपाल अमेरिकासँग तीन विकेटले पराजित भएको थियो । अमेरिकाले दिएको दुई सय ८२ रनको विजयी लक्ष्य पछ्याएको नेपाल ४९ दशमलव पाँच ओभरमा सबै विकेट गुमाउँदै दुई सय ४४ रनमा समेटियो । नेपालका लागि अनिल साहले सर्वाधिक ५२ रनको योगदान दिए । उनले ८० बलमा चार चौका र एक छक्कासहित सर्वाधिक ५२ रन जोडेका हुन् । नेपालले ओपनर आसिफ शेखलाई ६ रनमा गुमाएको थियो । दोस्रो विकेटलाई अनिल र कुशल भुर्तेलले ७१ रनको साझेदारी गरेका थिए । कुशल भुर्तेलले २९ रन जोडे । त्यसपछि कुशल मल्लले ५४ बलमा एक चौका र एक छक्कासहित ३३ रन बनाएर आउट भए । कप्तान रोहित पौडेल एक, गुल्सन झा १२ तथा आरिफ शेख २१ रन बनाउँ...

अमेरिका । नेपाल हङकङ सिक्सेस क्रिकेट प्रतियोगिताको क्वाटरफाइनलबाट बाहिरिएको छ । शनिबार भएको खेलमा नेपाल श्रीलङ्कासँग ४० रनले पराजित भएको हो । हङकङको मिसन रोड क्रिकेट मैदानमा भएको क्वाटरफाइनल खेलमा श्रीलङ्काले दिएको एक सय २४ रनको लक्ष्य पछ्याएको नेपालले पाँच ओभरमा सबै विकेट गुमाउँदै ८३ रन मात्र बनायो । नेपालका लागि राशिद खानले सर्वाधिक ५५ रन बनाए । उनले १८ बलमा आठ छक्का र एक चौका हाने । यस्तै नारायण जोशीले १३ रन बनाए । टस हारेर पहिला ब्याटिङको निम्तो पाएको श्रीलङ्काले निर्धारित ६ ओभरमा दुई विकेट गुमाउँदै एक सय २३ रन बनायो । यसअघि समूह चरणको खेलमा भने नेपालले इङ्ल्यान्ड र अस्ट्रेलियालाई हराएको थियो ।...

अमेरिका । हङकङ सिक्सेसमा नेपालले लगातार दोस्रो जित निकालेको छ । अन्तिम खेलमा नेपालले शनिबार बिहान अस्ट्रेलियामाथि ११ रनको जित निकालेको हो । इंग्ल्याण्डलाई पहिलो खेलमा ६ विकेटले हराएको नेपाल यो जितसँगै पूल ‘बी’को विजेता बन्दै क्वाटरफाइनल प्रवेश गरेको छ । टस हारेर सुरुमा ब्याटिङ गरेको नेपालले अस्ट्रेलियालाई ११२ रनको चुनौती दिएको थियो । ११२ रनको लक्ष्य पछ्याएको अस्ट्रेलिया सय रनमा समेटिएको हो । नेपालका लागि प्रतिश जिसीले तीन विकेट लिनुभयो । दुई ओभर बलिङ गर्नुभएका जिसीले २४ रन खर्चिएर तीन विकेट लिनुभएको हो । लोकेश बम र विवेक यादवले एकएक विकेट हात पार्नुभयो । सुरुमा ब्याटिङ गरेको नेपालका लागि सन्दीप जोराले अर्धशतक पुरा गर्नुभएको थियो । उहाँले १६ बलमा पाँच चौका र चार छक्का प्रहार गर्दै ५१ रन बनाउनुभएको हो । कप्तान सन्दीपले अघिल्लो खेलमा इंग्ल्याण्डविरुद्ध १२ बलमै अर्धशतक बनाउनुभएको थियो । ल...

नेपाल । प्रधानमन्त्री केपी शर्मा ओलीले साफ महिला च्याम्पियनसिप फुटबलमा उपविजेता बनेको नेपाली टोलीलाई नेपाल सरकारले तिहारको बिदालगत्तै पुरस्कार प्रदान गर्ने घोषणा गरेका छन् । प्रधानमन्त्री निवास, बालुवाटारमा बिहीबार राष्ट्रिय टोलीका महिला फुुटबल खेलाडीसँगको भेटघाटका क्रममा प्रधानमन्त्री ओलीले खेल क्षेत्रको विकास र खेलाडीलाई प्रोत्साहनमा कुनै कञ्जुस्याई नगर्ने स्पष्ट गर्दै तिहारलगत्तै पुरस्कार प्रदान गर्ने जानकारी गराए । खेलमा दोस्रो भएको नेपाली टोलीका खेलाडीले जनही तीन लाखका दरले पुरस्कार पाउनेछन् । युवा तथा खेलकुदमन्त्री तेजुलाल चौधरी, काठमाडौँ महानगरपालिकाका उपप्रमुख सुनिता डङ्गोल, अखिल नेपाल फुटबल सङ्घ (एन्फा)का अध्यक्ष पंकजविक्रम नेम्वाङलगायत सहभागी कार्यक्रममा प्रधानमन्त्री ओलीले नेपाली टोलीको बङ्गलादेशविरुद्धको प्रदर्शन उत्कृष्ट भए पनि प्राविधिक कारणवश दोस्रो हुनुपरेको उल्लेख गर्दै...

नेपाल । महिला साफ च्याम्पियनसिपको उपविजेता बनेको नेपाली महिला फुटबल टोलीलाई काठमाडौं महानगरपालिकाले २५ लाख रुपैयाँ प्रदान गरेको छ । महानगरले बुधवार सकिएको फाइनल खेललगत्तै उक्त रकम हस्तान्तरण गरेको हो । प्रतिखेलाडी एक लाख, कोच र व्यवस्थापकलाई जनही ५० हजार रुपैयाँ दिएको हो । उनीहरुलाई मेयर बालेन्द्र शाह र उपमेयर सुनिता डंगोलले संयुक्तरुपमा उक्त रकमको चेक हस्तान्तरण गरेका थिए ।...

नेपाल । दशरथ रंगशालामा बुधबार राति सम्पन्न साफ महिला च्याम्पियनसिपको फाइनलमा नेपाल बंगलादेशसँग पराजीत भएको छ । फाइनलमा घरेलु टोली नेपाललाई २–१ गोलले पराजित गर्दै बंगलादेशले दोस्रो पटक साफ च्याम्पियनसिपको उपाधि जितेको हो । नेपालविरुद्ध बंगलादेशले खेलको ५१औं मिनेटमा गोल गरेको थियो । त्यसको ४ मिनेटमै नेपालकी अमिशा कार्कीले गोल गर्दै बराबरीमा फर्काएकी थिइन् । तर, खेलको ८१औं मिनेटमा गोल गर्दै बंगलादेशले अग्रता लियो । त्यसपछि दुवैतर्फबाट गोल नभएपछि बंगलादेशले लगातार दोस्रोपटक साफ च्याम्पियनसिपको उपाधि जितेको हो । नेपालले भने छैटौं पटक पनि उपविजेतामा सीमित भयो ।...

नेपाल । नेपाल र बंगलादेशबीच साफ (दक्षिण एसियाली फुटबल महासंघ) च्याम्पियनसिपको उपाधिका लागि बुधबार साँझ फाइनल खेल हुँदैछ । साफ च्याम्पियनसिपको फाइनल खेल बुधबार साँझ ६ः३० बजे दशरथ रङ्गशालामा हुनेछ । सन् २०१० मा बंगलादेशबाट सुरूआत भएको साफ च्याम्पियनसिपमा नेपाल ५ पटक फाइनलमा पुगे पनि उपाधि जित्न सकेको छैन । जारी सातौँ संस्करणको साफ च्याम्पियनसिपमा नेपाल भारतलाई पेनाल्टीमा ४–२ ले पराजित गर्दै फाइनलमा प्रवेश गरेको हो । सन् २०२२ मा नेपालमा नै आयोजना भएको गत संस्करणको फाइनलमा नेपाल बंगलादेशसँग १–३ गोलअन्तरले पराजित भएको थियो । सोही संस्करणमा बंगलादेशले पहिलो पटक साफ च्याम्पियनसिपको उपाधि उचालेको थियो । नेपालले समूह चरणको खेलमा भुटानसँग गोलरहित बराबरी खेलेको थियो भने माल्दिभ्सलाई ११–० गोलअन्तरले हराएको थियो । त्यसैगरी नेपालले श्रीलङ्कालाई ६–० ले पराजित गरेको गरेको थियो । बंगलादेशले समूहको पहि...

अमेरिका । अमेरिकामा जारी विश्वकप लिग–२ शृङ्खलाअन्तर्गत एकदिवसीय आईसीसी पुरुष क्रिकेट खेलमा नेपालले स्कटल्याण्डलाई ५ विकेटले पराजित गरेको छ । अमेरिकाको डालसस्थित ग्रान्ड प्रेरि स्टेडियममा टस हारेर पहिलो ब्याटिङ गरेको स्कटल्याण्ड ४१ दशमलव चार ओभरमा सबै विकेट गुमाउँदै १५४ रनमा समेटियो । स्कटल्याण्डलाई सस्तैमा समेट्ने क्रममा सन्दीप लामिछानेले तीन विकेट लिए । साथै करन केसी, सोमपाल कामी, गुल्सन झाले २–२ विकेट तथा आरिफ शेखले एक विकेट लिए । स्कटल्याण्डले प्रस्तुत गरेको उक्त लक्ष्य नेपालले २९ दशमलब ५ ओभरमा पूरा गर्‍यो । नेपालको जितमा आरिफ शेखले ५१ रनको योगदान दिए । साथै कुशल भुर्तेल र गुल्शन झाले २५–२५ रन बनाए भने आसिफ शेखले २१ रन बनाए । लिग–२ अन्तर्गत त्रिकोणात्मक शृङ्खलाको पहिलो खेलमा नेपाल अमेरिकासँग तीन विकेटले पराजित भएको थियो । त्यस्तै स्कटल्याण्डले आफ्नो पहिलो खेलमै अमेरिकालाई १० विकेटले...

नेपाल । भारतलाई पेनाल्टी सुटआउटमा हराउँदै नेपाल साफ वुमन्स च्याम्पियनसिपको फाइनलमा प्रवेश गरेको छ । पेनाल्टीमा नेपाल ४–२ ले विजयी भएको हो । निर्धारित समयमा १–१ को बराबरीमा सकिएपछी खेल पेनाल्टी सुटआउटमा धकेलिएको थियो । भारतका दुई खेलाडीको प्रहार रोकिएको थियो । नेपालबाट प्रहार गरेका चारै खेलाडीले गोल गरे । भारतले खेलको ७१औं मिनेटमा गोल गर्दै अग्रता लिएको थियो । त्यसलगत्तै नेपालले पनि गोल गरेको थियो । नेपालकी प्रीति राईले गरेको गोलमा रेफ्रिले गोलको मान्यता दिइनन् । त्यसपछि विवाद भएर खेल रोकिएको थियो । रोकिएको १ घन्टापछि खेल सुरु भएको थियो । खेल सुरु भएको एक मिनेट भित्रै नेपालीकी सावित्रा भण्डारीले बराबरी गोल फर्काएर बराबरी गरेकी थिइन् । त्यसपछि दुबैतर्फबाट निर्धारित समयमा कुनै गोल भएन् । फाइनलमा प्रवेश गरेको नेपालले अब उपाधिका लागि बंगलादेशसंग खेल्नेछ । आइतबार नै भुटानलाई हराएर बंगलादेश ...