मनोरन्जन

नेपाल । सांस्कृतिक तथा राष्ट्रिय महत्वका विषयवस्तुमा आधारित चलचित्र निर्माणलाई प्रोत्साहन गर्ने उद्देश्यले सरकारले ल्याउन लागेको ‘सांस्कृतिक तथा राष्ट्रिय महत्वको क्षेत्रमा चलचित्र निर्माणका लागि प्रोत्साहन अनुदान कार्यक्रमसम्बन्धी कार्यविधि, २०८३’ को मस्यौदामाथि सरोकारवालासँग छलफल गरिएको छ । सूचना तथा सञ्चार मन्त्रालयमा आयोजित अन्तरक्रियामा चलचित्र क्षेत्रसँग सम्बन्धित विभिन्न संस्था, चलचित्र निर्माता, निर्देशक, कलाकार तथा विज्ञहरूको सहभागिता रहेको थियो । चलचित्र क्षेत्रलाई प्रोत्साहन गर्न चालु आर्थिक वर्ष २०८३–८४ का लागि विनियोजन गरिएको रु तीन करोड ५० लाख अनुदान रकम पारदर्शी, प्रभावकारी र उपलब्धिमूलक ढङ्गले परिचालन गर्न कार्यविधि तयार गर्ने उद्देश्यले मन्त्रालयले सरोकारवालाको सुझाव लिएको हो । कार्यक्रममा सूचना तथा सञ्चारमन्त्री डा. विक्रम तिमिल्सिनाले चलचित्र क्षेत्रको विकासमा सरकारको...

नेपाल । मिस नेपाल–२०२६ को ताज दीपमाला ढकालले जित्नुभएको छ । दी हिडन ट्रेजरद्वारा आयोजित प्रतियोगिताको शनिबार भएको ग्रान्ड फिनालेमा २३ जनालाई पछि पार्दै उहाँले ताज हात पार्नुभएको हो । प्रतियोगितामा कसिस सुब्बाले मिस नेपाल कस्मो–२०२६ को उपाधि जित्नुभयो भने आर्या निशात मिस नेपाल इन्टरनेसनल, २०२६ घोषित हुनुभयो । ढकाल विश्वप्रसिद्ध लगानी व्यवस्थापन कम्पनी ब्ल्याकरकमा इन्भेस्टमेन्ट स्ट्राटेजिस्टका रूपमा कार्यरत हुनुहुन्छ । उहाँ ब्ल्याक बेल्ट तेक्वान्दो खेलाडी, रनवे मोडल, अन्तर्राष्ट्रिय कार्यक्रम सञ्चालक (होस्ट) तथा म्याराथन धाविका पनि हुनुहुन्छ । हाल उहाँ नेपाल क्यान्सर अस्पतालको गुडविल एम्बास्डरका रूपमा सामाजिक क्षेत्रमा सक्रिय हुनुहुन्छ । मिस वर्ल्डको अन्तर्राष्ट्रिय मञ्चमार्फत क्यान्सरसम्बन्धी जनचेतना अभिवृद्धि गर्ने आफ्नो अभियानलाई विश्वस्तरमा पुर्याउने लक्ष्य रहेको उहाँ बताउनुहुन्छ । ढक...

-नातिबाबु भट्ट (कोलोराडो, अमेरीका) । नेपाली चलचित्र क्षेत्रमा पारिवारिक कथावस्तुमा आधारित चलचित्रहरूले समय–समयमा तहल्का मचाउने गरेका छन् । यही शृङ्खलामा आर्टिस्टिक इन्टरटेन्मेन्टको प्रस्तुतिमा निर्माण भएको 'बा: एक योद्धा' ले आफ्नो आधिकारिक टिजरमार्फत दर्शकमाझ गहिरो भावनात्मक प्रभाव छोड्ने संकेत दिएको छ । आगामी भदौ १९ (सेप्टेम्बर ४) देखि विश्वभर प्रदर्शनमा आउने तयारीमा रहेको यो चलचित्रले बुबाको संघर्ष, त्याग, साहस र निस्वार्थ प्रेमलाई केन्द्रमा राखेको देखिन्छ। लामो समयदेखि अमेरीकाको कोलोराडोलाई आफ्नो कर्मक्षेत्र बनाएका गायक, संगीतकार तथा सफल ब्यवसायी बसन्त लम्सालद्वारा निर्मित यस चलचित्रका लेखक तथा निर्देशक हरि लम्साल हुन् भने कार्यकारी निर्मातामा अनिल बुढाथोकी, लाइन प्रोड्युसरमा अर्जुन पौडेल र सह-निर्मातामा कृष्ण काफ्ले रहेका छन् । यसले चलचित्र निर्माणमा अनुभवी र समर्पित टोलीको सहभागिता...

नेपाल । पलेँटीमा वरिष्ठ कलाकार मदनकृष्ण श्रेष्ठ र यमन श्रेष्ठको संयुक्त प्रस्तुति हेर्न पाइने भएको छ । १८ वर्षपहिले आफ्नो प्रस्तुति दिएका श्रेष्ठले यस पटक छोरा यमनका साथ प्रस्तुति दिनुहुने भएको छ । नेपालयले आयोजना गर्ने पलेँटीमा श्रेष्ठले आफ्ना कालजयी तथा नयाँ गीत प्रस्तुत गर्नु हुने छ । उहाँले गाउनुभएको ‘अरबौँ मान्छेहरूमा...’, ‘खोलावारि खोलापारि...’, ‘फूलबुट्टे सारी...’, ‘सयथरी बाजा...’, ‘बिर्सिदे भन्छौ मायालु...’, ‘पहाड भो मलाई...’ लगायतका गीत प्रस्तुत गर्ने आयोजकले जनाएको छ । यसपालिको थप आकर्षण गायक यमन श्रेष्ठको रहने छ । उहाँ आफ्ना अभिभावक मदनकृष्णकै पथप्रदर्शनमा अघि बढिरहेका कलाकार हुनुहुन्छ । यमन हास्यव्यङ्ग्यात्मक अभिनयका साथै गायन र सङ्गीतमा पनि लागिपरेका कलाकार हुनुहुन्छ । पलेँटी कार्यक्रम यही जुलाई ३१ तारिख शुक्रबार र अगस्त १ तारिख शनिबारका दिन आयोजना हुने छ ।...

अमेरिका । नेपाली चलचित्र इतिहासमा अर्को गौरवपूर्ण तथा ऐतिहासिक अध्याय थपिएको छ । १७ डिसेम्बर २०२६ मा अष्ट्रेलियाको सिड्नीमा पहिलो पटक ९औँ ग्लोबल नेपाली फिल्म अवार्ड २०२६ आगामी आयोजना हुने भएको छ । यस ऐतिहासिक अन्तर्राष्ट्रिय कार्यक्रमको सफल आयोजनाका लागि नेपाल फिल्म सोसाइटी, ग्लोबल नेपाली फिल्म अवार्ड LLC (USA) र भारा इन्टरटेन्मेन्ट अष्ट्रेलियाबीच औपचारिक सम्झौता सम्पन्न भएको छ । सम्झौतापत्रमा नेपाल फिल्म सोसाइटी तथा ग्लोबल नेपाली फिल्म अवार्ड LLC का तर्फबाट सञ्जय खतिवडा (प्रतिनिधि तथा नेपाल संयोजक) र भारा इन्टरटेन्मेन्ट अष्ट्रेलियाका तर्फबाट अरुण श्रेष्ठ (संस्थापक तथा आयोजक) ले हस्ताक्षर गर्नुभएको हो । ‘नेपाली फिल्म भिलेज टु ग्लोबल’ भन्ने नारासहित फिल्मकर्मीलाई सम्मान, पुरस्कार र प्रोत्साहन गर्ने हेतुले विगत २०१६ देखि आयोजना हुँदै आएको अवार्डले यसवर्ष पनि निरन्तरता पाएको ग्लोबल नेपाली...

नेपाल । चलचित्र ‘बा : एक योद्धा’को टिजर सार्वजनिक भएको छ । निर्माण टिमले चलचित्रको मर्मस्पर्शी टिजर सार्वजनिक गरेको हो। ‘एउटा सानो संसार थियो हाम्रो, सब तहसनहस भयो’ भन्ने डाइलग सँगै सुरु भएको टिजरको दृश्यमा चलचित्रका मुख्य पात्र दिव्यदेव पन्त छन्, जसको जुत्तादेखि टाउकोसम्म रगतै रगत लत्पतिएको छ। यसले उनी ठूलै घटनाबाट फर्किएको देखाउँछ । उनको चालले उनको परिवारकै कुनै सदस्य मिसिङ भएको हो कि भन्ने अनुमान लगाउन सकिन्छ । दिव्यदेव जब आफ्नो घर अगाडि देखिन्छन्, उनको दिमागमा विगतका सम्पूर्ण दृश्यहरू एकपछि अर्को गर्दै पल्टिन्छन् । जसले उनको सुन्दर परिवार देखाउँछ । त्यसपछि देखिन्छ परिवारमा आएको विपत्ति । बाबालाई बोलाउँदै कुद्दै गरेकी छोरी र परिवारका अन्य सदस्य, गाउँले आत्तिँदै कुदेको दृश्यले परिवारमा घटेको ठूलो महाविपत्ति देखाउँछ । त्यही बीचमा आउने दृश्यमा डाइलग छ– आज बाउको मुख हेर्ने दिन । तर एउटा ब...

नेपाल । रिबन इन्टरटेनमेन्ट प्रालिले मिसेस नेपाल वर्ल्ड-२०२६ का लागि आवेदन खुला गरेको छ । ललितपुरस्थित दी स्क्वायर होटेलमा आयोजित पत्रकार सम्मेलनमार्फत मिसेस नेपाल वर्ल्ड–२०२६ को औपचारिक घोषणा गरिएको हो । पहिलो चरणको अडिसन साउन २३ गते काठमाडौँमा हुने तथा ग्रान्डफिनाले कात्तिक १४ गते आयोजना गरिने आयोजकले जनाएको छ । रिबन इन्टरटेनमेन्टका अध्यक्ष निशुकान्त झाले प्रतियोगितालाई यस वर्ष अन्तर्राष्ट्रियस्तर अनुरूप थप भव्य रूपमा आयोजना गरिने जानकारी दिनुभयो । एसइई/एसएलसी वा सो सरह उत्तीर्ण विवाहित तथा अविवाहित महिलाले उचाइ र तौलको कुनै मापदण्डबिनै प्रतियोगितामा सहभागिता जनाउन सक्ने छन् । प्रतियोगिताका विजेताले अमेरिकामा हुने मिसेस वर्ल्ड तथा म्यानमारमा आयोजना हुने मिसेस कोस्मो अन्तर्राष्ट्रिय प्रतियोगितामा नेपालको प्रतिनिधित्व गर्ने छन् । छनोट भएका प्रतियोगीलाई ४५ दिने व्यक्तित्व विकास तथा ग्रुमि...

नेपाल । अमेरिकाको न्युजर्सीस्थित जर्सी सिटी काउन्सिलले नेपाली पार्श्व गायक, संगीतकार तथा कलाकार युवराज चौलागाईंलाई नेपाली संगीत, संस्कृति र प्रवासी नेपाली समुदायमा पुर्‍याएको योगदानको कदर गर्दै औपचारिक सम्मान प्रदान गरेको छ । सन् २०२६ जुलाईमा जारी गरिएको सम्मानपत्रमा चौलागाईंलाई नेपाली संगीतको समकालीन यात्रामा एक प्रभावशाली र प्रेरणादायी व्यक्तित्वका रूपमा चित्रण गरिएको छ । सिटी हलमा आयोजित एक समारोहबीच उक्त सम्मानपत्र हस्तान्तरण गरियो। जर्सी सिटीका मेयरद्वारा नियुक्त ‘विविधता र समावेशीकरण सल्लाहकार’ एवं न्युजर्सीका गभर्नरको 'एशियन अमेरिकन प्यासिफिक आइल्यान्डर कमिसन'की कमिस्नर डा. विष्णुमाया परियारले उक्त सम्मानपत्र चौलागाईंलाई हस्तान्तरण गर्नुभएको थियो । काउन्सिलम्यान-एट-लार्ज रोलान्डो लभारोले हस्ताक्षर गर्नुभएको सम्मानपत्रमा चौलागाईंले दुई दशकभन्दा लामो समयदेखि नेपाली संगीत क्षेत्रमा ...

नेपाल । चीनद्वारा आयोजना गरिएको एभरेस्ट इन्टरनेसनल फिल्म फेस्टिभल चाइनामा अवार्ड विजेतालाई मङ्गलबार पुरस्कार प्रदान गरिएको छ । नेपाली चलचित्रको अन्तर्राष्ट्रिय प्रवर्धन तथा दुई देशबिचको सांस्कृतिक सम्बन्ध विस्तार गर्ने उद्देश्यले आयोजना गरिएको उक्त महोत्सवमा सहभागी २१ चलचित्रमध्ये छ चलचित्र अन्तिम प्रतिस्पर्धाका लागि छनोट भएका थिए । छनोट भएका चलचित्रमध्ये विभिन्न विधाका उत्कृष्टलाई नगद पुरस्कारसहित सम्मान गरिएको हो । सो कार्यक्रममा ‘होस्टेल ३’ ले उत्कृष्ट सम्पादन विधामा अवार्ड जित्दै एक हजार अमेरिकी डलर नगद पुरस्कार प्राप्त गर्यो । त्यस्तै ‘महाजात्रा’ ले उत्कृष्ट छायाङ्कन विधामा एक हजार अमेरिकी डलर पुरस्कार हात पार्यो । ‘कबड्डी ४’ बाट अभिनेतृ मेरुना मगरले उत्कृष्ट अभिनेतृ घोषित हुँदै एक हजार अमेरिकी डलर प्राप्त गर्नुभयो । ‘छक्का पन्जा’ बाट दीपकराज गिरी उत्कृष्ट अभिनेता घोषित हुनुभयो । ...

नेपाल । सूचना तथा सञ्चार मन्त्रालय अन्तर्गत श्रव्यदृश्य तथा प्रसारण शाखाले कुनै चलचित्र वा त्यसको कुनै भाग नेपालको सुरक्षा, शान्ति र व्यवस्था, मित्रराष्ट्रसँगको सुसम्बन्धमा विरोध पार्ने देखिएमा त्यस्ता चलचित्र प्रदर्शनमा रोक लगाउन केन्द्रीय चलचित्र जाँच समितिलाई अनुमति दिएको छ । साथै सरकारले नेपालको शान्ति र व्यवस्था, मित्रराष्ट्रसँगको सम्बन्धमा विरोध पार्ने कथावस्तु भएका चलचित्रलाई मुलुकभित्र प्रदर्शन गर्न अनुमति नदिने जनाएको छ । चलचित्र जाँच समितिले जाँचका लागि सिफारिस गर्ने निकाय चलचित्र विकास बोर्डलाई चलचित्र निर्माण, प्रदर्शन तथा वितरण ऐन, २०२६ को दफा ८९३० को स्मरणसमेत गराएको छ । उक्त दफामा कुनै चलचित्र वा त्यसको कुनै भाग नेपालको सुरक्षा, शान्ति र व्यवस्था, मित्रराष्ट्रसँगको सु–सम्बन्धमा विरोध पार्ने देखिएमा त्यस्तो चलचित्रलाई प्रदर्शन गर्न चलचित्र जाँच समितिले अनुमति दिने छैन भनिएक...