मनोरन्जन

नेपाल (हेटौंडा) । चलचित्र पत्रकार संघ नेपालको प्रथम राष्ट्रिय भेला १३ बुँदे घोषणा पत्र जारी भएसँगै सकिएको छ । ५ गते देखी सुरु भएको भेला मंगलबार घोषणापत्र जारी सँगै सकिएको हो । बागमती प्रदेशको राजधानी हेटौँडामा सुरु भएको भेलामा विभिन्न विषयमा अन्तरसंवादका साथै कार्यशाला गरी सम्पन्न भएको हो । कार्यक्रममा सहभागी हुन देशभरबाट करिब दुई सय चलचित्र पत्रकार र कलाकारहरूको उपस्थिती रहेको थियो । संस्था स्थापनाको २५ वर्ष पूरा भएको अवसरमा संघको आयोजनामा भएको भेलामा सिनेमा र पर्यटन संवाद, अन्तरक्रिया, कार्यशाला, गोष्ठी, कार्यपत्र प्रस्तुतलगायत विषयका सेसन सञ्चालन भएका थिए । भेलाको उद्घाटन कार्यक्रम हेटौंडा उपमहानगरपालिकाका नगरप्रमुख मीनाकुमारी लामाले गरेकी थिईन् भने समापन कार्यक्रम प्रदेश सरकारका मुख्यमन्त्री शालिकराम जम्कट्टेलको प्रमुख आतिथ्यतामा भएको थियो । कार्यक्रम संघका केन्द्रीय अध्यक्ष समीर बला...

अमेरिका । नेपालमा इन्द्रेणी लोकदोहोरी कार्यक्रम सञ्चालक कृष्ण कँडेल र केही समयसम्म सोही टिममा आबद्ध गायिका शर्मिला श्रेष्ठबीचको बिवाद चर्किंदै गएको छ । गायिका श्रेष्ठले इन्दे्रणकिा सञ्चालक कँडेलबाट आफू मानसिक हिंसाको शिकार भएको आरोप लगाएकी छन् । बाद्यवाधक लक्ष्मीप्रसाद घिमिरे, पूर्णप्रसाद कँडेल, खगेन्द्र विश्वकर्मा र गाडी चालक जीवन टण्डनसहित भिडियोमा देखिएकी श्रेष्ठले आफूमाथि भएको मानसिक हिंसा खोलेकी हुन् । आफूहरुलाई पक्षपात ढंगले संस्थाबाट निष्काशन गरेको र यौनजन्य हिंसा पनि आफूले महशुस गरेको श्रेष्ठको आरोप छ । तर, कँडेलले भने सामाजिक सञ्जालमार्फत नै ती आरोपहरुको खण्डन गरेका छन् । केही महिनायतादेखि सुरु भएको विवाद शुक्रबार अदालत पुगेको छ । कँडेलले शर्मिला श्रेष्ठलगायतका विरुद्ध काठमाडौँ जिल्ला अदालतमा गाली बेइज्जतीको मुद्दा दर्ता गराएका छन् । कँडेलले सामाजिक सञ्जालमा जनाएको प्रतिक्रिया...

अमेरिका । भारतीय टेलिभिजन रियालिटी शो ‘इण्डियन आइडल’ मा नेपालकी मेनुका पौडेल ‘टप टेन’ बाट बहिरिएकी छन् । आइतबार मेनुकाले आफ्नो सामाजिक संजालबाट आफ्नो इण्डियन आइडलको यात्रा टुंगिएको जनाएकी छन् । साथै उनले फिल्मको गायन, रेकर्डिङ र कन्सर्टमा साथ दिन फ्यानलाई आग्रह गरेकी छन् । आइडलमा रहँदा उनले ‘सलार’मार्फत् भारतीय फिल्म गायनमा डेब्यू गरेकी थिइन् । दुबै आँखा नदेख्ने उनलाई चिकित्सकले ‘एआई भिजन चस्मा’ पनि प्रदान गरेका थिए, जसमार्फत् अबदेखि उनले पढ्न, हिँड्न र मान्छे चिन्न सक्छिन् ।...

कोलोराडो । नेपाली चलचित्रकी निर्माता/निर्देशक तथा चर्चित नायिका रेखा थापा दम्पतीले शनिबार अमेरिकामा ‘बेबी सावर’ गरेका छन् । कोलोराडो स्प्रिङ्समा अभिनेत्री थापा र उनका श्रीमान् बलराम शाही ठकुरीले ‘बेबी सावर’ को आयोजना गरे । रेखाले सामाजिक सञ्जालमार्फत ‘बेबी सावर’को तस्वीर र भिडियो सेयर गरेकी छन् । उनले आगामी सन्तानलाई भगवानको उपहार भएको बताएकी छन् । सन्तानको उपहार त भइहाल्यो, फागुन २५ मा रेखाले निर्माण र अभिनय गरेको फिल्म ‘उपहार’ पनि प्रदर्शनको तयारीमा छ । रेखालाई चिकित्सकले उनलाई माघ अन्तिम वा फागुनको डेलिभरी मिति दिएका छन् । ...

नेपाल । वरिष्ठ गायक योगेश बैद्यको निधन भएको छ । वैद्यको भ्याली अस्पताल लाने क्रममै बिहीबार राति साढे १२ बजे उनको निधन भएको हो । ७७ वर्षका वैद्यलाई प्रतिष्ठित ‘धुंस्वां सायमी सिरपाः’ सम्मान प्रदान गरिएको थियो । उनका नेपालीमा ‘सपना भुलाई सारा आँसु लिएर जाउ’, ‘मेरो आँसुमा नहाँसे’ र ‘नेपाल मेरो उपहार भो’ लोकप्रिय छन् । यस्तै नेपाल भाषामा ‘जय नमो सिरि बुद्ध भगवान’ र ‘जिमि यःम्ह थौ जिथाय् वइ’ लोकप्रिय छन् । विसं २०२२ मा किरण खरेलको शब्द र नातिकाजीको संगीतमा योगेश वैद्यको पहिलो गीत रेकर्ड भएको थियो ‘कति प्यासी छ जिन्दगी’ । त्यसपछि ‘जीवन जिगु...एउटा नेवारी गीत पनि गाए । त्यसपछि रत्न रेकर्डिङ संस्थानमा एकैपटक चारवटा गीत डिस्क रेकर्ड भए । कति प्यासी... सहित नित्य नयनमा तारा, प्रेमको अधुरो कहानी । करिब ३३ वर्ष सरकारी जागिर खाएका योगेश विसं. ०६१ मा सहसचिव पदबाट अवकाश लिएका थिए । उनको शुक्रबार पशुपत...

नेपाल (काठमाडौं) । बिनोद राईले २० लाख नगद सहितको भ्वाइस अफ नेपाल सिजन ५ को उपाधि जितेका छन् । शुक्रबार राती आयोजित कार्यक्रममा राई दर्शकको सर्वाधिक भोटको आधारमा उपाधि बिजेता भएको घोषित भएका हुन् । बिजेता राईले कोच मिलन नेवार समूहको प्रतिनिधित्व गर्छन् । त्यसैगरी मकरबहादुर योन्जन फस्ट रनरअप, कुमार प्रयास राई सेकेण्ड रनरअप र नोगेन लिम्बु थर्ड रनरअप घोषित भए । उक्त फिनालेमा कोच मिलन नेवार, उदय सोताङ, प्रमोद खरेल र राजेशपायल राईले आफ्नो टीमका फाइनलिस्टसँगै प्रस्तुति दिए ।  ...

लण्डन । भूकम्प प्रभावित पश्चिम नेपालका महिला बालबालिकाका लागि सहयोग जुटाउन मंगलबार सांझ लण्डनमा एक गजल सांझ सम्पन्न भएको छ । गैरआवासीय नेपाली संघ (एनआरएनए), अन्तर्राष्ट्रिय समन्वय परिषद महिला विभागको सकृयतामा सम्पन्न सो कार्यक्रमको संयोजन युरोप क्षेत्रकी क्षेत्रीय महिला संयोजक प्रसुना कंडेलले गर्नुभएको हो । ह्यारोस्थित ब्लु रुम स्पोर्टस्मा आयोजित कार्यक्रममा बोल्दै एनआरएनएका उपाध्यक्ष रामशरण सिम्खडाले च्यारिटी कार्यक्रम गरेकोमा महिला विभाग तथा फोरमको प्रशंसा गर्नुभयो । उहाँले भूकम्प पीडितको लागि सानो सहयोगले ठूलो आत्मवल पुग्ने बताउँदै आयोजकप्रति आभार व्यक्त गर्नुभयो । कार्यक्रममा लोकप्रिय गजल गायक राज सिग्देलले ‘उ जितेर गई वा हारेर गई’, लगायतका आफ्ना झन्डै दर्जन लोकप्रिय गजल सुनाउनु भएको थियो । कार्यक्रममा सन्जिता देउजा एवं नारायण गाउंले, कृष्ण भट्ट, फणिन्द्र भट्टराई, बासु लामिछाने लगा...

नेपाल । लघुचलचित्र ‘द स्कुल वाल’ नाईजेरिया र जिम्वावेमा छनोट भएको छ । बालमनोविज्ञानमा आधारित यो लघुचलचित्र नाइजेरियाको इडो स्टेट इन्टरनेशनल फिल्म फेस्टिभल र जिम्वावेको भर्सिटी फिल्म एक्स्पोमा छनोट भएको छ । यसअघि बेलायतको लिफ्ट अफ फिल्ममेकर सेसन्समा छनोट भएको थियो । लघुचलचित्रमा श्लोक साहले मुख्य भुमिका निर्वाह गरेका छन् । अन्य चर्चित कलाकारहरु सुवास प्रसाद गजुरेल, सरोज लामिछाने, चन्द्र प्रसाद पाण्डे, गिता श्री थापा, आयुषा गौतम, बिदुर प्रसाद सिग्देल, निष्ठा दाहाल, रेहान केसी, खेम राज कोईराला, उद्धव दंगाल लगायत सेलीब्रेशन स्कूलका विद्यार्थीहरुको अभिनय रहेको छ । लघुचलचित्रलाई सुरेन्द्र क्षेत्रीले कास्टिङ डिरेक्सनसँगै निर्माणसमेत गरेका छन् । काठमाडौंमा छायांकन गरिएको लघुचलचित्रको दृश्य नारायण जिसीले खिचेका हुन् । लघुचलचित्रको सम्पादन तथा रङ्ग संयोजन अनिल कुमार महर्जनले गरेका छन् । सहायक नि...