एक खेल बाँकी हुँदै वेस्ट इन्डिज ‘ए’ ले जित्यो टी-२० शृंखला

नेपाल । वेस्ट इन्डिज ‘ए’ ले नेपालविरुद्ध जारी ५ खेलको टी-२० शृंखला अन्तरगत बिहीबार सम्पन्न चौथो खेल २८ रनले जितको छ ।

पहिलो खेल हारेको वेस्ट इन्डिज एले त्यसपछि लगातार तीन खेल जितेर अन्तिम खेल बाँकी रहँदै शृंखला जित्ने पक्का गरेको हो । वेस्ट इन्डिज एले चौथो खेलमा २१० रनको विशाल लक्ष्य दिएको थियो। नेपालले निर्धारित २० ओभरमा सबै विकेट गुमाएर १८१ रन जोडेको थियो ।

नेपालका लागि कप्तान रोहित पौडेलले सर्वाधिक ८२ रन जोडे । दीपेन्द्रसिंह ऐरी १९, सन्दीप जोरा १९, कुशल भुर्तेल १ र कुशल मल्ल ४ रन जोडेर आउट भए ।आसिफ शेखले खाता खोल्न सकेनन् । अविनाश बोहराले १७ र सोमपाल कामीले १० रन बनाए ।

शृंखलाअन्तर्गत अन्तिम खेल शनिबार हुने छ ।