कोलोराडोखबर संवाददाता
नेपाल । जापानमा भयरहेको एसियाली खेलकुद २०२६ अन्त्रगत क्रिकेटमा नेपालले विजयी सुरुआत गरेको छ ।
नागोयास्थित कोरोबी एथ्लेटिक पार्कमा नेपालले शुक्रबार अफगानिस्तानलाई पाँच विकेटले हरायो । अफगानिस्तानका कप्तान दार्विस रसुलले टस जितेर गरेको पहिले ब्याटङको निर्णय गलत सावित भएको थियो ।
नेपालका लेफ्ट आर्म स्पीनर ललित राजवंशीले सुरुमै तीन र त्यसपछि कामचलाउ बलर कुशल भुर्तेलले चार विकेट लिएपछि अफगानिस्तानले निर्धारित २० ओभरमा सात विकेटको क्षतिमा १०२ रनको सामान्य स्कोर बनाएको थियो । नेपालले १६ बल बाँकी छँदा नै पाँच विकेटको क्षतिमा १०३ रन बनाएर लक्ष्य प्राप्त गर्यो ।
नेपालले १२ वर्षपछि अफगानिस्तानलाई हराएको हो । सन् २०१४ मा बङगलादेशमा भएको टि(२० विश्वकपमा अफगानिस्तानलाई नौ रनले हराएपछि नेपालले पुनः सो टिमविरुद्ध जित प्राप्त गरेको हो । सोही वर्ष अफगानिस्तानले इन्छन एसियाडमा पनि नेपाललाई क्वाटरफाइनलमा दुई विकेटले हराएको थियो ।
अब समूह एु मा रहेको नेपालले आगामी शनिबार आयोजक जापानसँग खेल्नेछ । सो खेल जितेमा नेपाल समूह विजेता बनेर अगाडी बढ्नेछ । दुई समूहबाट शीर्ष दुई स्थानमा रहने टिम क्वाटरफाइनलमा पुग्ने प्रावधान रहेको छ । समूह ुबीु मा मलेसिया, हङकङ र ओमान रहेका छन् । गत विजेता भारत, पाकिस्तान, श्रीलङ्का र बङगलादेशले सीधा अन्तिम आठमा खेल्नेछन् ।
नेपालका लागि वन डाउन ब्याट्सम्यान सन्दीप जोराले ३५ बलमा ३४ र रोहित पौडेलले ३२ बलमा अविजित ३३ रन बनाउनुभयो । कप्तान दिपेन्द्रसिंह ऐरीले पनि १८ बलमा १५ रनको उपयोगी योगदान दिनुभयो । अफगानिस्तानका लागि दाउदजाई, अब्दुल्लाह अहमदजाई र अरब गुलले एक–एक विकेट लिनुभयो ।
यसअघि ललितले पहिलो स्पेलमै अफगानिस्तानका तीन शीर्ष ब्याट्सम्यानलाई पवेलियन फर्काएपछि खेलमा नेपालले पकड जमाएको थियो । अफगानिस्तानका लागि फैजल र नाजिबुल्लाहले ३०–३० रन बनाउनुभयो । पुछारका ब्याट्सम्यान नान्गेयालिया खानले १५ बलमा तीन चौकासहित अविजत १७ रन बनाएपछि अफगानिस्तानले एकसय रन माथिको स्कोर बनाउन सकेको हो ।
यी तीन बाहेक अन्य ब्याट्सम्यानले दोहोरो अङ्कमा रन बनाउन सकेनन् । ललितले चार ओभरमा १३ रन खर्चर तीन तथा भुर्तेलले चार ओभरमा २१ रन दिएर चार विकेट लिनुभयो ।
प्रतिक्रिया दिनुहोस्