कोलोराडोखबर संवाददाता
काठमाडौं । सर्जक शोभा अधिकारीको दोस्रो कृति ‘सफलताका २७ स्वर्णिम सूत्र’ लोकार्पण गरिएको छ । उनको यसअघि एउटा लघुकथाकृति प्रकाशित छ ।
काठमाडौंमा आयोजित कार्यक्रममा एलपी भानु शर्मालगायत व्यक्तिहरूले पुस्तक सार्वजनिक गरे ।
कार्यक्रममा लेखक अधिकारीले मानव जीवनमा प्रेरणाको ठूलो अर्थ रहने बताइन् । आफूले यसलाई जीवनको औषधिका रूपमा प्रस्तुत गरेको उनले उल्लेख गरिन् ।
कृतिमाथि समीक्षा गर्दै डा. नवराज खतिवडाले सार्वजनिक पुस्तक प्रेरणादायी भएको बताए । उनले कृतिमा सुधार गर्नुपर्ने विषयबारे पनि बोले ।
कार्यक्रममा एलपी भानु शर्मा, पुष्पराज पौडेल, दयाहाङ राई, शशि थापा पण्डितले आफ्ना विचार राखे ।
पुस्तक शिखा बुक्सले प्रकाशनमा ल्याएको हो ।
प्रतिक्रिया दिनुहोस्