खेलकुद

नेपाल । काठमाडौं महानगरपालिकाले ‘सेन्ट्रल एशियन भलिवल एशोसिएसन (काभा) महिला भलिवल नेसन्स लिगको नेपाली टोलीलाई बिहान नगदसहित सम्मान गरेको छ । खेल सकिएको भोलिपल्टउपविजेता नेपाली टोलीका खेलाडी, प्रशिक्षक, टिम म्यानेजर र थेरापिष्टलाई प्रोत्साहन गर्न नगदसहितको सम्मान प्रदान गर्दै प्रमुख बालेन शाहले, खेल विकासका लागि खेलाडीको प्रयत्नलाई नतिजामा रुपान्तरण गर्न सरकारी संयन्त्रले काम गर्नुपर्ने खाँचो रहेको बताउनुभयो । त्यस अवसरमा खेलाडीलाई जनही १ लाख रुपैयाँ, टिम म्यानेजर, मुख्य प्रशिक्षक, सहायक प्रशिक्षक र थेरापिष्टलाई जनही ५० हजार रुपैयाँ नगदसहित सम्मान पत्र प्रदान गरिएको थियो । सम्मान प्राप्त गर्ने खेलाडीहरुमा क्याप्टेन अरुणा शाहीसहित निरुता ठगुन्ना, शान्तिकला तामाङ्, सरस्वती चौधरी, सुमित्रा रेग्मी, उषा भण्डारी, कविता भट्ट, कामना विष्ट, संगम महतो, साफिया पुन, आरती सुवेदी, पुनम चन्द, प्रगति नाथ...

अमेरिका । अमेरिका पेरिस ओलम्पिकको बुधबार १२औं दिनको खेल समाप्तीमा पदक तालिकको शीर्ष स्थानमा कायमै छ । अमेरिका २७ स्वर्ण, ३५ रजत र ३२ कांस्यसहित पहिलो स्थानमा छ । यस्तै दोस्रोमा चीनको २५ स्वर्ण, २३ रजत र ११ कांस्य छ । अस्ट्रेलियाले भने तेस्रोमा छ । अस्ट्रेलियाको १८ स्वर्ण, १२ रजत र ११ कांस्य भएको छ ।

नेपाल । नेपाललाई हराउँदै भारतले काभा वुमन्स नेसन्स लिग भलिबलको उपाधि जितेको छ । त्रिपुरेश्वरस्थित राखेपको कभर्डहलमा सम्पन्न खेलमा नेपाललाई ३–२ सेटले पराजित गर्दै भारतले काभा भलिबलको उपाधि जितेको हो । पाचौं सेटमा भारतले १५–५ ले जित निकाल्यो । पहिलो सेट २५–२३ ले जित निकालेको नेपालले दोस्रो सेट १४–२५ ले गुमाएको थियो । तेस्रो सेटमा २५–२२ ले जित हासिल गरेपनि नेपालले अग्रता जोगाउन सकेन । चौथो सेटमा भारतले २५–२१ ले जित निकाल्दा खेल पाचौं सेटमा धकेलिएको थियो । पाँचौ सेटमा सुरुदेखि नै अग्रता लिदै भारतले उपाधि रक्षा गर्‍यो ।...

नेपाल । नेपाल काभा वुमन्स नेसन्स लिग भलिबलको फाइनलमा पुगेको छ । मंगलबार भएको सेमिफाइनलमा नेपालले इरानलाई सोझो सेटमा पराजित गरेको हो । नेपालले यो खेल २५–२१, २८–२६ र २५–२० ले जित्यो । नेपालले उपाधिका लागि अब भारतसँग खेल्नेछ । यसअघि भारतले मंगलबारनै भएको पहिलो सेमिफाइनलमा श्रीलंकालाई हराएको थियो । नेपाल र भारत यसअघि लिग चरणमा पनि भिडेका थिए । जसमा घरेलु टोली नेपालले जितेको थियो । फाइनल खेल बुधबार हुनेछ । तेस्रो स्थानका लागि इरान र श्रीलंकाले प्रतिस्पर्धा गर्नेछन् ।...

नेपाल । नेपालमा जारी काभा वुमन्स नेसन्स लिग भलिबलको सेमिफाइनलमा नेपालले इरानसँग खेल्ने भएको छ । लिग चरणको खेलमा मालदिभ्सलाई सोझो सेटमा हराएर नेपालले इरानसँगको भिडन्त तय गरेको हो । सोमबार नेपालले मालदिभ्सलाई २५–८,२५–१९ र २५–१८ को सोझो सेटमा हरायो । नेपालले लिग चरणमा श्रीलंका र भारतलाई हराएको थियो भने इरानसँग हार ब्यहोरेको थियो । अर्को सेमिफाइनलमा भारतले श्रीलंकासँग खेल्ने छ ।...

अमेरिका । पेरिसमा जारी ओलम्पिक प्रतियोगितामा अरु भन्दा बढी पदक जितेर अमेरिका शीर्ष स्थानमा उक्लिएको छ । प्रतियोगितामा हालसम्म अमेरिकाले १९ स्वर्ण, २६ रजत र २६ कांस्य जितेर पहिलो तथा चीन १९ स्वर्ण, १५ रजत र ११ कांस्यसहित दोस्रो स्थानमा छ । आयोजक फ्रान्सको १२ स्वर्ण, १४ रजत र १८ कास्य छ भने त्यसपछि अस्ट्रेलिया, बेलायत र दक्षिण कोरिया रहेका छन् । ...

नेपाल । काठमाडौँमा जारी काभा वुमन्स नेसन्स भलिबल लिग अन्तर्गत शनिबार भएको खेलमा नेपालले भारतमाथि शानदार जित हासिल गरेको छ । त्रिपुरेश्वरस्थित राखेपको कभर्डहलमा सम्पन्न खेलमा नेपालले भारतलाई ३–२ को सेटमा पराजित गरेको थियो । नेपाली महिला भलिबल टिमले पहिलो पटक भारतलाई पराजित गरेको हो । यो जितपछि नेपालले २ अंक हासिल गरेको छ भने भारतले एक अंक हासिल गरेको छ । यो जित पछि नेपालको २ खेलमा ५ अंक भएको छ भने भारतको ३ खेलमा ७ अंक भएको छ । यसअघि बिहीबार भएको उद्घाटन खेलमा नेपालले श्रीलंकालाई ३–० को सोझो सेटमा पराजित गरेर प्रतियोगितामा विजयी शुरुवात गरेको थियो । नेपालले तेस्रो खेल आइतबार साँझ ५ः१५ बजेदेखि इरानसँग लिगचरणको अन्तिम खेल सोमबार ५ः१५ बजेदेखि माल्दिभ्सविरुद्ध खेल्ने छ ।...

नेपाल । बिहीबारदेखि सुरु भएको काभा महिला भलिबल नेसन्स लिग प्रतियोगितामा नेपालले श्रीलंकालाई पराजित गरेको छ । त्रिपुरेश्वरस्थित राष्ट्रिय खेलकुद परिषद्को कभर्डहलमा सम्पन्न खेलमा नेपालले श्रीलंकालाई ३–० को सोझो सेटमा पराजित गरेको हो । नेपालले श्रीलंकमाथि पहिलो सेट २५–१९, दोस्रो सेट २५–१८ र तेस्रो सेट २५–१९ ले पाखा लगाउँदै विजयी भयो । यस जितसँगै नेपालले तीन अंक जोडेको छ । अब नेपालले आफ्नो दोस्रो खेल शनिबार भारतसँग खेल्नेछ ।...

नेपाल । भारतले श्रीलंकाविरुद्धको तीन खेलको टी–ट्वान्टी शृंखला एक खेल अगावै जितेको छ । आइतबार भएको दोस्रो खेल भारतले डकवर्थ लुइसपद्धतिका आधारमा ७ विकेटले जितेको छ । वर्षाले प्रभावित खेलमा ८ ओभरमा ७८ रनको लक्ष्य पाएको भारतले ६ दशमलव ३ ओभरमा ३ विकेट गुमाएर जित हात पार्यो । भारतका लागि यशस्वी जैसवालले सर्वाधिक ३० रन बनाए। यस्तै कप्तान सूर्यकुमार यादवले २६ तथा हार्दिक पन्ड्याले २२ रन जोडे। श्रीलंकाका लागि महिश थिकसना, वाविन्दु हसरंगा र मथिसा पाथीरानाले समान १ विकेट लिए । त्यसअघि श्रीलंकाको पाल्लिखेलेमा टस हारेर पहिले ब्याटिङ गरेको घरेलु टोलीले निर्धारित २० ओभरमा ९ विकेट गुमाएर १ सय ६१ रन बनायो । श्रीलंकाका लागि कुशल परेराले सर्वाधिक ५४ रनको अर्धशतकीय इनिङ खेले। परेराले ३४ बलको सामना गर्दै ६ चौका र २ छक्का प्रहार गरे । भारतले पहिलो टी–ट्वान्टी आईमा ४३ रनको जित निकालेको थियो । शृंखलाको तेस्र...

नेपाल । गौशाला-२६ ले क्रिकेटर सन्दीप लामिछानेविरुद्ध मुद्दा अगाडि नबढाउन निवेदन दिएकी छन् । गौशाला-२६ ले सरकारी वकिलको कार्यालयमा आफैले निवेदन लेखेर सन्दीपविरुद्ध मुद्दा अगाडि नबढाउन निवेदन दिएकी हुन् । गौशाला-२६ ले आफुलाई मानसिक रुपमा अप्ठ्यारो परेको भन्दै अब यस मुद्दामा लागिरहन नसक्ने निष्कर्षमा पुगेको निवेदनमा उल्लेख गरेकी छन् । उनले आफुलाई अहिले पनि धम्की आइरहेको र सामाजिक सञ्जालमा अनावश्यक टिप्पणी भइरहेकोले त्यसले आफुलाई मानसिक रुपमा असर गरिरहेको निवेदनमा उल्लेख गरेको सरकारी वकिलको कार्यालय स्रोतले बताएको छ । सन्दीपविरुद्धको मुद्धामा उच्च अदालत पाटनले जिल्ला अदालत काठमाडौँको आदेशलाई उल्टाउदै निर्दोष रहेको फैसला दिएको थियो । उच्च अदालत पाटनका न्यायाधीशद्वय सुदर्शनदेव भट्ट र अञ्जु उप्रेती ढकालको संयुक्त इजलासले सन्दीपलाई सफाई दिएको थियो । यसअघि जिल्ला अदालत काठमाडौंले सन्दीपलाई गत ...