अन्तराष्ट्रिय/प्रवास

अमेरिका । अमेरिकाको टेक्सस राज्यको ड्यालसमा रहेको नेपाली सांस्कृतिक तथा आध्यात्मिक केन्द्रले अबदेखि नेपाली चाडपर्व मनाउँदा नेपालकै क्यालेण्डरलाई आधार मान्ने निर्णय लिएको छ । हिन्दु चाडपर्व मान्ने दिनका सम्बन्धमा विवाद हुन थालेपछि गत हप्ताभरि सर्वेक्षण गरिएको थियो । सो सर्वेक्षणको नतिजा शनिबार सम्पन्न टाउनहल बैठकमा सार्वजनिक गरियो । सर्वेक्षण, यसअघिका चाडपर्वहरुमा देखिएको बहुसङ्ख्यकको उपस्थितिलाई आधार मानेर यस्तो निर्णय भएको बताइएको छ । केन्द्र अन्तर्गत अहिले टेक्ससको ड्यालस फोर्टवर्थ मेट्रोप्लेक्सको युलेस सिटीमा पशुपतिनाथ मन्दिर र बौद्ध बिहार छन् । अमेरिकाका निम्ति भनेर निकालिएका तिथिमा पर्व मनाउने गरी विगत ६ वर्षदेखि मन्दिर तथा बिहारले स्थानीय अलग्गै क्यालेण्डर सार्वजनिक गर्दै आएको थियो । तर ठूलो सङ्ख्यामा भक्तजन तथा हिन्दु धर्ममा आस्था राख्नेहरुले नेपाली पात्रो अनुसारकै दिनमा मान्न चा...

अमेरिका । गैरआवासीय नेपाली संघ, राष्ट्रिय समन्वय परिषद (एनआरएनए) एनसिसि अमेरिकाको सन् २०२५–२७ का लागि हुने भनिएको निर्वाचन अब अगस्ट १७ र १८, २०२५ (आइतवार र सोमवार) मा हुने भएको छ । निर्वाचन सम्पन्न गर्नका लागि टुक रेग्मीलाई निर्वाचन प्रमुखको जिम्मेवारी दिइएको छ । यसअघिका निर्वाचन प्रमुख बासु फुलाराले राजीनामा दिए पछि अन्यौलता सिर्जना भएको थियो । यस अघि बासु फुलारा निर्वाचन प्रमुख र प्रिय रन्जन दाहाल, बिनोद सुवेदी, टुक रेग्मी र खड्ग उप्रेती सदस्य रहेको निर्वाचन आयोगले अगष्ट १६ र १७, २०२५ (शनिवार र आइतवार) निर्वाचन गर्ने निर्वाचन कार्यतालिका सार्वजिक गरेको थियो। एनआरएनए एनसीसी अमेरिकाले मतदाताहरुलाई इमेल मार्फत उक्त परिमार्जित निर्वाचन मितिका बारेमा जानकारी गराएको छ । आसन्न निर्वाचनमा १३ हजार २ सय ८ मतदाताले मतदान गर्न पाउने छन् ।...

नेपाल । वैदेशिक रोजगारीमा कुवेतमा कार्यरत ११ जना नेपाली श्रमिकको विषाक्त मदिरा प्रयोगका कारण मृत्यु भएको छ । कुवेतस्थित नेपाली दूतावासका अनुसार विषाक्त मदिराको प्रयोग गरेर कुवेतका विभिन्न अस्पतालमा भर्ना भएका ४० जना नेपाली श्रमिकमध्ये ११ जनाको मृत्यु भइसकेको पुष्टि त्यहाँको अस्पतालले गरेको हो । दूतावासका अनुसार मृत्यु हुने श्रमिकमध्ये १० जनाको नाम र ठेगाना पुष्टि भइसकेको र एक जनाको पुष्टि हुन बाँकी रहेको छ । पुष्टि भएका मृतक श्रमिकका परिवारले नाम र ठेगाना सार्वजनिक नगर्न आग्रह गरेबमोजिम नै नाम र ठेगाना सार्वजनिक गरिएको छैन । विषाक्त मदिरा पिएर मृत्यु हुने श्रमिक पुरुष २२ वर्षदेखि ४५ वर्ष उमेर समूहका रहेका छन् । उनीहरूमध्ये अधिकांशले कुवेतका उत्पादन तथा सेवाका कम्पनीमा एक वर्षदेखि पाँच–छ वर्षसम्म काम गरिरहेको दूतावासले जनाएको छ । अस्पतालमा भर्ना भएका बिरामीमध्ये १५ जनाको अति विशेषकक्ष (आइ...

अमेरिका । एनआरएनए एनसीसी अमेरिकाको यही अगस्ट १६ र १७ मा हुने भनिएको निर्वाचन अन्यौलमा परेको छ । निर्वाचनको दुई दिनअघि निर्वाचन समितिका संयोजक बासु फुलारासहित सम्पूर्ण सदस्यहरूले सामूहिक रूपमा दिएसंगै निर्वाचन अन्यौलमा परेको हो । यसैक्रममा वर्तमान अध्यक्ष डा. अर्जुन बन्जाडेले एनआरएनए एनसीसी अमेरिकाको असहज अवस्थाका बारेमा सम्बन्धित निकायहरूसँग तत्काल छलफल गरी बिधानअनुसार उचित निर्णय लिने उल्लेख गरेका छन् । यसैगरी यसअघि नै विकास उप्रेतीको नेतृत्वमा एनआरएए एनसीसी अमेरिकाको कार्यसमिति निर्विरोध निर्वाचित भइसकेको छ । सन् २०२५-२७ का अध्यक्षका उम्मेदवार सतेन्द्र साहको प्रतिक्रिया: प्रेस विज्ञप्ति August 14, 2025 एनआरएनए एनसीसी अमेरिकाको वर्तमान निर्वाचन स्थिति र यसको समाधानबारे हाम्रो धारणा गैरआवासीय नेपाली संघ, राष्ट्रिय समन्वय परिषद, अमेरिकाको निर्वाचनको तोकिएको मिति (August 16 & 17,...

अमेरिका । एनआरएनएको १०६औं अन्तर्राष्ट्रिय समन्वय परिषद् (आईसीसी) बैठकको निर्णयअनुसार सन् २०२५ को अक्टोबर ११ देखि १४ सम्म काठमाडौंमा आयोजना हुने १२औं अन्तर्राष्ट्रिय विश्व सम्मेलन तथा महाधिवेशन अन्तर्गत हुने आईसीसी निर्वाचन प्रक्रियाका लागि तयारी सुरु भएको छ । यसै सन्दर्भमा आईसीसी निर्वाचन प्रक्रियाका लागि नियुक्त प्रमुख निर्वाचन आयुक्त अधिवक्ता डा. राजेन्द्र घिमिरे र संघका तर्फबाट अध्यक्ष डा. बद्री केसीबीच निर्वाचन प्रक्रिया सुचारु गर्न समझदारी पत्रमा हस्ताक्षर गरिएको छ । उक्त समझदारीपत्रमा निर्वाचन प्रक्रिया निष्पक्ष, पारदर्शी र विधिसम्मत रुपमा सञ्चालन गर्न आवश्यक सहयोग र समन्वय गर्ने सहमति जनाइएको छ । १२औं महाधिवेशन तथा विश्व सम्मेलनमा विभिन्न मुलुकबाट प्रतिनिधिहरूको सहभागिता रहने जनाइएको छ ।...

अमेरिका । टेक्सासस्थित अस्टिनको उत्तरी भागमा रहेको एउटा पसलभित्र भएको गोलीहानाहानमा तीन जनाको मृत्यु हुनुका साथै अन्य घाइते भएको अमेरिकी प्रहरीले घोषणा गरेको छ । संदिग्धलाई पक्राउ गरिएको प्रहरीले जनाएको छ । रिसर्च बुलेवार्डमा अवस्थित टार्गेट स्टोरमा गोली हानाहानको रिपोर्ट प्राप्त भएपछि प्रहरी अधिकारीहरूले गोली लागि घाइते भएका तीन व्यक्ति पेला पारेको बताएको छ । प्रहरीका अनुसार एक ३२ वर्षीय संदिग्धले स्टोरको पार्किङबाट कार चोरी घटनास्थलबाट भागेको थियो । पीडितमध्ये एकजना चोरी भएको गाडीको मालिक रहेको बताइएको छ । प्रहरीले संदिग्धले भाग्ने प्रयास गरेपछि नियन्त्रणमा लिएको र घटनाको उद्देश्य पत्ता लगाउन अनुसन्धान जारी रहेको पुष्टि गरेको छ । बन्दुक हिंसा संयुक्त राज्य अमेरिकामा सबैभन्दा दबाबपूर्ण सुरक्षा र सामाजिक सङ्कटहरूमध्ये एक बनेको छ । ...

अमेरिका । शनिबार बिहान टेक्ससको ड्यालसमा भएको गोलीकाण्डमा भुटानबाट पुनर्स्थापित एक परिवारका तीन सदस्यको मृत्यु भएको छ । २००८–०९ मा शरणार्थी पुनर्स्थापना कार्यक्रम अन्तरगत ड्यालस आएका ५३ बर्षिय ललित प्रधान, उनकी ३७ बर्षिया पत्नी रजनी श्रेष्ठ प्रधान र ३ बर्षिया छोरा प्रनिश प्रधानको निधन भएको हो । ललितले पत्नी र छोरालाई गोली हानेर हत्या गरेपछि आफैलाई पनि गोली हानेर आत्महत्या गरेका हुन् । शनिबार बिहान २ः१० मा घटना भएको हो । प्रहरी घटनास्थलमा पुग्दा रजनी र प्रनिशको गोलीका कारण निधन भैसकेको थियो भने घाइते अवस्थामा रहेका ललितलाई तत्काल अस्पताल लगेपनि उपचारको क्रममा निधन भएको अन्तर्राष्ट्रिय सञ्चारमाध्यमहरुले उल्लेख गरेका छन् । ...

अमेरिका । गैरआवासीय नेपाली संघ (एनआरएन) आईसीसीले जुलाई महिनाभित्र निर्वाचन सम्पन्न गरेका विभिन्न राष्ट्रिय समन्वय परिषद् (एनसीसी) का अध्यक्ष, पदाधिकारी र सदस्यहरूको सम्मानमा विशेष स्वागत कार्यक्रम सम्पन्न गरेको छ । आइतवार भर्‍चुअल माध्यमबाट आयोजित उक्त कार्यक्रममा एनआरएनए अन्तर्राष्ट्रिय समन्वय परिषद्का अध्यक्ष डा. बद्री केसीले साधारण सभा र निर्वाचन दुवै एनसीसीको वैधानिक अधिकार भएको उल्लेख गर्दै, यी प्रक्रियालाई सहज र सफलतापूर्वक सम्पन्न गराएकोमा सबै एनसीसीहरूप्रति धन्यवाद व्यक्त गरे। उनले गत जुलाई महिनामा ५८ एनसीसीले अधिवेशन र निर्वाचन सम्पन्न गरेकोमा सन्तोष व्यक्त गरे। कार्यक्रममा संघका केन्द्रीय उपाध्यक्ष डा. हेमराज शर्माले, महिला उपाध्यक्ष रोजिना प्रधान राई, केन्द्रीय उपाध्यक्षद्वय रामशरण सिंखडा र रबिनप्रसाद शेरचन, प्रवक्ता फणिन्द्र पन्त, महिला संयोजक अनुजा प्रधान, डिआरसी रोबर्ट लिम...

अमेरिका । एनआरएनए एनसीसी अमेरिकाको बोर्ड अफ डाइरेक्टरमा ध्रुब गौतमले उम्मेदवारी दिनु भएको छ । एनआरएनए भित्र देखिएको गुटउपगुट, विवाद र फुटलाई मध्येनजर गर्दै आगामी दिनमा एनसीसी भित्र एकता कायम गर्न र नेपालीहरुको हकहितका पक्षमा शसक्त आवाज उठाउन उम्मेदवारी दिएको उहाँले बताउनु भयो । अमेरिका क्षेत्रका समाजसेवी तथा व्यवसायी गौतम नेब्रास्का, ओमाहा निवासी हुनु हुन्छ । उहाँ लामो समयदेखि एनआरएनए अभियानमा सक्रिय रहनु भएको छ । सन् २०२५–०२७ कार्यकालका लागि यही अगस्ट १६ र १७ मा निर्वाचन हुँदैछ । ...