अन्तराष्ट्रिय/प्रवास

नेपाल । एनआरएनए आईसीसीको ११२औँ बैठक अध्यक्ष डा. बद्री केसीको अध्यक्षतामा सम्पन्न भएको छ । मार्च १४–१६, २०२६ मा संस्थाको १२औँ विश्व सम्मेलन तथा बृहद् एकताको अन्तर्राष्ट्रिय महाधिवेशन सम्पन्न गर्न आवश्यक सम्पूर्ण नीतिगत निर्णय, तयारीसम्बन्धी कार्यक्रम, प्राविधिक तथा आर्थिक बजेट पारित गरिएको छ। महाधिवेशनका लागि महासचिवको प्रतिवेदन, कोषाध्यक्षको आर्थिक प्रतिवेदन, निर्वाचन समिति लगायतका आवश्यक सबै बुँदाहरू नीतिगत रूपमा पारित गर्दै संघका विभिन्न निकायहरूको सहभागितामा सम्भवतः यस कार्यकालको अन्तिम पूर्ण बैठक अनलाइन माध्यमबाट आज फेब्रुअरी ११, २०२६ मा महासचिव गौरिराज जोशीको सञ्चालनमा भव्यता र भावुकताका साथ सम्पन्न भयो। यस अवसरमा उपस्थित तथा अनुपस्थित सबैको सहयोग र गत कार्यकालभरि गरेका योगदानको कदर गर्दै धन्यवाद ज्ञापन पनि गरियो । संघले संस्थाको विधान २००३ (संशोधित) तथा परराष्ट्र मन्त्रालयद्वारा प...

अमेरिका । पश्चिमी क्यानडाको दुर्गम क्षेत्रमा मङ्गलबार भएको सामूहिक गोलीकाण्डमा कम्तीमा नौ जनाको मृत्यु भएको छ । घटनामा सात जना माध्यमिक विद्यालयमा गोली हानेर मारिएका छन् । घटना रकी पर्वत मालाको फेदीमा अवस्थित सुरम्य पहाडी उपत्यका सहर ब्रिटिस कोलम्बियाको टम्बलर रिजमा भएको हो । रोयल क्यानेडियन माउन्टेड पुलिस (आरसिएमपी) ले जारी गरेको विज्ञप्ति अनुसार कुल २७ जना घाइते भएका छन् । ती मध्ये दुई जनाको अवस्था गम्भीर छ भने अन्य २५ जनालाई विभिन्न किसिमको चोट पटक लागेको छ । क्यानडाली सञ्चार माध्यमले बन्दुकधारी महिला भएको जनाएका छन् । तर आरसिएमपीले मङ्गलबार आयोजित पत्रकार सम्मेलनमा संदिग्धको पहिचानबारे विस्तृत विवरण दिन अस्वीकार गरेको छ । प्रहरीका अनुसार मङ्गलबार दिउँसो टम्बलर रिज माध्यमिक विद्यालयमा सक्रिय बन्दुकधारी रहेको चेतावनी जारी गरिएको थियो । सुरक्षाकर्मीले विद्यालय परिसरको खोजी गर्दा छ जना...

अमेरिका । संयुक्त राज्य अमेरिकाको एक अपील अदालतले होन्डुरस, नेपाल र निकारागुआबाट आएका आप्रवासीहरूलाई प्रदान गरिएको कानूनी संरक्षण अन्त्य गरी उनीहरूलाई निर्वासनतर्फ लैजान सकिने बाटो सोमबार खुला गरिदिएको छ । ट्रम्प प्रशासनले गत वर्ष हजारौँ होन्डुरान, नेपाली र निकारागुआन नागरिकहरूको अस्थायी संरक्षित स्थिति (टिपिएस) समाप्त गर्ने निर्णय गरेको थियो, जसअन्तर्गत ती आप्रवासीहरूले कानूनी रूपमा अमेरिका बस्न र काम गर्न अनुमति पाएका थिए । यसअघि एक सङ्घीय न्यायाधीशले प्रशासनको उक्त निर्णय कार्यान्वयन नगर्न आदेश दिएका थिए । तर नवौँ सर्किट कोर्ट अफ अपील्सले सोमबार सरकारलाई उक्त आदेशविरुद्ध अपिल जारी रहँदासमेत निर्वासन प्रक्रिया अगाडि बढाउन सकिने भन्दै अनुमति दिएको छ । अदालतको निर्णयमा भनिएको छ, “नेपाल, होन्डुरस र निकारागुआका लागि टिपिएस समाप्ति रोक्ने अघिल्लो आदेश अपिलको प्रक्रिया पूरा नहुन्जेल स्थगित ...

अमेरिका । अस्ट्रेलियामा गाडी दुर्घटनामा एक नेपाली महिलाको मृत्यु भएको छ । अस्ट्रेलियाको पर्थ शहरमा शुक्रबार मध्यराति अनियन्त्रित कार घरभित्रै पस्दा ५३ वर्षीया नेपाली महिला विष्णुकुमारी गुरुङको ज्यान गएको हो । उक्त दुर्घटना शुक्रबार राति करिब ११ः४० बजे भएको हो । अलेक्जेन्डर रोड हुँदै रिभरभेल क्षेत्रतर्फ जाँदै गरेको कार अचानक अनियन्त्रित भई एक घरमा ठोक्किएको थियो । दुर्घटनाका बेला विष्णुकुमारी गुरुङ घरको अघिल्लो कोठामा सुतिरहेकी थिइन् । कार ठोक्किएर घरभित्रै पस्दा उनी गम्भीर घाइते भइन् र घटनास्थलमै उनको मृत्यु भएको प्रहरीले जनाएको छ । विष्णुकुमारी केही दिनअघि मात्रै पर्थ पुगेकी थिइन् । उनी छोरी–ज्वाइँको घरमा बस्दै आएकी थिइन् । छोरीले सन्तान जन्माएपछि सहयोगका लागि उनी अस्ट्रेलिया गएकी थिइन् । मृतककी छोरी निशा गुरुङले आफूहरू गहिरो शोकमा रहेको बताइन् । दुर्घटनामा संलग्न कार चालक ३६ वर्षीय...

नेपाल । जापानी प्रधानमन्त्री साने ताकाइचीको पार्टीलाई दुई तिहाइ बहुमत प्राप्त भएको छ । आइतबार सम्पन्न संसदीय आमनिर्वाचनमा उहाँको सत्तारूढ दल लिबरल डेमोक्रेटक पार्टी (एलडिपी) ले दुई तिहाइ बहुमत प्राप्त गरेको हो । प्रधानमन्त्री सानेले आफ्नो लोकप्रियताबाट प्राप्त चुनावी लाभलाई सुरक्षा, अर्थतन्त्र, आप्रवासन र सामाजिक नीतिमा व्यापक रूपान्तरण गर्ने प्रक्रिया अघि बढाउनुहुने भएको छ । संसदीय चुनावमा दुई तिहाइ बहुमत प्राप्त भएपछि उहाँले उक्त शक्तिलाई ठोस कानुनी र नीतिगत कदममा अनुवाद गर्ने तयारी सुरु गर्नुभएको हो । सोमबार उहाँले मन्त्रीपरिषद् पुनर्गठन गरी ढिलाइ भएको बजेटलाई अघि बढाउने प्रक्रिया सुरु गर्नुभयो । यसबाट आगामी साता हुने मतदानमार्फत उहाँ प्रधानमन्त्रीका रूपमा पुनः चयन हुने अपेक्षा गरिएको छ । प्रधानमन्त्री सानेले आफ्नो प्रयासले जापानलाई अझ बलियो र समृद्ध बनाउने विश्वास व्यक्त गर्नुभयो ।...

नेपाल । भारतको नयाँ दिल्लीस्थित भारतीय विद्यापीठ र सार्क जर्नालिस्ट फोरम इन्डिया चाप्टरले नेपालका नृपेन्द्रलाल श्रेष्ठलाई युगल किशोर शुक्ला अन्तर्राष्ट्रिय पत्रकारिता पुरस्कार प्रदान गरेको छ । नेवाः पत्रकार राष्ट्रिय दबूका अध्यक्ष श्रेष्ठसँगै भारतका शशिभूषण कुमारलाई पनि सम्मानित गरिएको थियो । ‘दक्षिण एसियाको शान्ति स्थापना र सहयोगमा पत्रकारिताको भूमिका’ विषयक अन्तर्राष्ट्रिय सम्मेलनमा श्रेष्ठ सम्मानित हुनुभएको हो । सो सम्मेलनमा नेपाल, भारत, श्रीलङ्का, बङ्गलादेश, पाकिस्तान, भुटान,लगायतका देशबाट आएका पत्रकारबिच छलफल भएको छ ।...

अमेरिका । नेपाली मूलका अमेरिकी धावक बाल जोशीले दौरा सुरुवालमा ‘विश्व म्याराथन च्यालेञ्ज’ पूरा गरेर गिनिज बुकमा नाम लेखाएका छन् । जोशीले सात महादेशमा, सात दिन लगातार सञ्चालन भएको सातवटा म्याराथनमा दौरा सुरुवालमा दगुरेर विश्व किर्तिमान कायम गर्दै गिनिजबुकमा नाम लेखाएका हुन् । शुक्रवार अमेरिकाको मायामीमा आयोजित ‘विश्व म्याराथन च्यालेञ्ज’ को समापन समारोहमा गिनिजबुकका प्रतिनिधि माईकल ईम्प्रिकले जोशीलाई प्रमाणपत्र प्रदान गर्नुभयो । अन्टार्टिकाबाट सुरु भएको म्याराथन, अफ्रिकाको केप टाउन, अष्ट्रेलियाको पर्थ, एशियाको दुबई, स्पेनको म्याड्रिड, ब्राजिल हुदै सातौ दिनमा अमेरिकाको मायामीमा सम्पन्न भएको हो । अत्यन्त चुनौतीपूर्ण मानिने ‘विश्व म्याराथन च्यालेञ्ज’ २०१५ बाट सञ्चालन हुँदैआएको छ । सात महादेशमा लगातार सात दिनसम्म सात म्याराथन सञ्चालन हुने भएकोले यो प्रतियोगितालाई ‘७७७ म्याराथन’ भनिन्छ । म्याराथ...

अमेरिका । अमेरिकाका राष्ट्रपति डोनाल्ड ट्रम्प र भारतका प्रधानमन्त्री नरेन्द्र मोदीले सन् २०२५ फेब्रुअरी मा सुरु गरेको अमेरिका–भारत द्विपक्षीय व्यापार सम्झौता (बिटिए) वार्तालाई अगाडि बढाउन अन्तरिम व्यापार सम्झौताको घोषणा गरेका छन् । संयुक्त राज्य अमेरिका र भारत बिचको अन्तरिम सम्झौताले व्यापारमा ऐतिहासिक कोसेढुङ्गाको प्रतिनिधित्व गर्दै आपसी हित र पारस्परिक सन्तुलित व्यापारको साझा प्रतिबद्धता प्रदर्शन गर्ने जनाइएको छ । सम्झौताको एक हिस्साको रूपमा, भारतले सबै अमेरिकी औद्योगिक सामान र अमेरिकी खाद्य र कृषि उत्पादनको विस्तृत श्रृङ्खलामा शुल्क हटाउने वा घटाउने छ । जसमा सुकेको अन्न, रूख बदाम, ताजा र प्रशोधन गरिएका फलफूल, सोयाबिन तेल, वाइन लगायत समावेश छन् । संयुक्त वक्तव्य अनुसार संयुक्त राज्य अमेरिकाले कपडा, छाला जुत्ता, प्लास्टिक, रबर, जैविक रसायन, घरको सजावट, र केही मेसिनरी क्षेत्रलाई समेट्ने ...

नेपाल । पाकिस्तानको बलूचिस्तान प्रान्तमा अलगाववादी समूहले गत शनिबारदेखि सुरु गरेको समन्वित आक्रमणमा दुई सय पचासभन्दा बढी मानिसको मृत्यु भएको छ । सुरक्षा अधिकारीले जनाएअनुसार, आक्रमणमा कुल १९७ आतङ्ककारी मारिएका छन् भने ३६ सर्वसाधारण नागरिक र २२ सुरक्षा अधिकारी पनि ज्यान गुमाएका छन् । बलूचिस्तान प्रान्तका धेरै जिल्लामा अलगाववादीले बैँक, जेल, प्रहरी थाना र सैनिक अड्डालाई लक्षित गर्दै घातक हमला गरेका थिए । प्रान्तको प्रमुख सहर क्वेटामा आयोजित पत्रकार सम्मेलनमा बलूचिस्तानका मुख्यमन्त्रीले भन्नुभयो, “सुरक्षित जिल्ला सफा गरिएका छन्, तर अलगाववादी अझै भागिरहेका छन् र खोजी अभियान जारी छ ।” पाकिस्तान सरकारले बलूच मुक्ति सेना ९बीएलए० लाई यी हमला गरेको जिम्मेवार ठहराएको छ । उक्त समूहले बयान जारी गर्दै सैनिक अड्डा, प्रहरी र प्रशासनिक कार्यालयमा हमला गरेको र आत्मघाती हमला पनि गरेको दाबी गरेको छ । सरकार...

नेपाल । गैरआवासीय नेपाली संघ (एनआरएनए) का अध्यक्ष डा. बद्री केसीले स्पेनमा रहेका नेपाली नागरिकहरूको पासपोर्टसम्बन्धी समस्या तत्काल समाधान गर्न राहदानी विभागका महानिर्देशक तीर्थराज अर्यालको ध्यानाकर्षण गराउनुभएको छ । स्पेन सरकारले कागजातविहीन आप्रवासीलाई कानुनी हैसियत दिने घोषणा गरे पनि नेपाली नागरिकहरूले पासपोर्ट नवीकरण तथा नयाँ पासपोर्ट प्राप्तिमा ढिलाइ र प्राविधिक कठिनाइ भोगिरहेको गुनासो आएपछि अध्यक्ष डा. केसीले यो विषयबारे ध्यानाकर्षण गराउनुभएको हो । उहाँले स्पेन सरकारले कागजातविहीन आप्रवासी श्रमिकलाई अभिलेखीकरणका लागि दिएको अवसर उपयोग गर्न राहदानी विभागले तत्काल घुम्ती राहदानी शिविर पठाउनुपर्ने आवश्यकता औंल्याउनुभयो । “अहिले त्यहाँ राहदानी नभएका तथा म्याद सकिएका नेपालीको संख्या ठूलो छ,” उहाँले भन्नुभयो, “स्पेनस्थित नेपाली दूतावासमा उपलब्ध जनशक्तिले मात्र यस समस्यालाई सम्बोधन गर्न नस...