अर्थतन्त्र

नेपाल । सरकारले सुपारी, केराउ र मरीचको आयात खुला गरेको छ । उद्योग, वाणिज्य तथा आपूर्ति मन्त्रालयले सोमबार राजपत्रमा सूचना निकालेर उत्पादनमूलक उद्योगलाई औद्योगिक प्रयोजनका लागि मात्र कच्चा पदार्थका रूपमा केराउ, सुपारी, सेतो र कालो मरीच आयातका लागि अनुमति खुला गरेको हो । अनुमति दिँदा उद्योग विभागबाट औद्योगिक कच्चा पदार्थको उपलब्धता, आवश्यकता एवं औचित्य र आयात गर्न आवश्यक परिमाणका साथै आयात गरिएको कच्चा पदार्थ औद्योगिक प्रयोजनका लागि कच्चा पदार्थका रूपमा मात्र सदुपयोग भएको सुनिश्चित हुने गरी सम्बन्धित उद्योगका लागि आवश्यक पर्ने कच्चा पदार्थको परिमाण यकिन गरी तोएिका मालवस्तु पैठारीका लागि वाणिज्य, आपूर्ति तथा उपभोक्ता संरक्षण विभागबाट सिफारिस गर्नुपर्ने छ । यस्तै नयाँ स्थापना भएको उद्योगको हकमा उद्योग दर्ता प्रमाणपत्रको प्रतिलिपि, मूल्य अभिवृद्धि कररस्थायी लेखा नम्बर, उत्पादन क्षमता, उद्योगक...

नेपाल । अबदेखि बैंकमार्फत चेकबाट कारोबार गर्दा पाँच लाख रुपियाँ मात्र झिक्न पाइने भएको छ । यसअघि उक्त सीमा १० लाख रुपियाँ रहेकामा नेपाल राष्ट्र बैङ्कले शुक्रबार निर्देशन जारी गर्दै पाँच लाख रुपियाँमा झारेको हो । पाँच लाख रुपियाँभन्दा माथिको चेक जारी गर्दा एकाउन्ट पेयी अनिवार्य गर्दै यस्तो व्यवस्था गरिएको हो । सरकारले सम्पत्ति शुद्धीकरण न्यूनीकरण गर्न नगद कारोबारलाई १० लाखबाट पाँच लाखमा घटाए अनुसार केन्द्रीय बैङ्कले सोमा घटाएको हो । साथै अब पाँच लाख रुपियाँभन्दा धेरै रकम सम्बन्धित व्यक्तिको खातामा मात्रै जम्मा हुन सक्ने व्यवस्था भएको छ । कुनै पनि व्यक्ति वा संस्थाले हरेक पटकको कारोबार नगदमा गर्दा पाँच लाख रुपियाँभन्दा कम र त्यसभन्दा धेरैको गर्नुपर्दा एकाउन्ट पेयी चेकमार्फत गर्नुपर्ने छ तर यो व्यवस्थाले कुनै पनि परिवारले सामाजिक कार्य गर्न वा व्यापारमार्फत नगद सङ्कलन गरेको अवस्थामा भने...

नेपाल । नेपाल राष्ट्र बैंकले शनिबारका लागि विदेशी मुद्राको विनिमयदर निर्धारण गरेको छ । निर्धारित विनिमयदर अनुसार अमेरिकी डलर एकको खरिददर १४३ रुपैयाँ ९७ पैसा र बिक्रीदर १४४ रुपैयाँ ५७ पैसा तोकिएको छ । यस्तै, युरोपियन युरो एकको खरिददर १६७ रुपैयाँ ६५ पैसा र बिक्रीदर १६८ रुपैयाँ ३५ पैसा, युके पाउण्ड स्ट्रलिङ एकको खरिददर १९३ रुपैयाँ ०९ पैसा र बिक्रीदर १९३ रुपैयाँ ९० पैसा, स्वीस फ्रयाङ्क एकको खरिददर १८० रुपैयाँ ०२ पैसा र बिक्रीदर १८० रुपैयाँ ७७ पैसा कायम गरिएको छ । अष्ट्रेलियन डलर एकको खरिददर ९६ रुपैयाँ २२ पैसा र बिक्रीदर ९६ रुपैयाँ ६२ पैसा, क्यानेडियन डलर एकको खरिददर १०३ रुपैयाँ ८० पैसा र बिक्रीदर १०४ रुपैयाँ २३ पैसा, सिङ्गापुर डलर एकको खरिददर १११ रुपैयाँ ९० पैसा र बिक्रीदर ११२ रुपैयाँ ३७ पैसा तोकिएको छ । जापानी येन १० को खरिददर नौ रुपैयाँ १३ पैसा र बिक्रीदर नौ रुपैयाँ १७ पैसा, चिनियाँ युआन ...

नेपाल । नेपालमा रेमिट्यान्स आप्रवाह अहिलेसम्मकै उच्च विन्दुमा पुगेको छ । नेपाल राष्ट्र बैंकका अनुसार चालु आर्थिक वर्ष २०८२–८३ को पहिलो पाँच महिनामै आठ खर्ब ७० अर्ब रुपियाँ रेमिट्यान्स भित्रिएको छ । रेमिट्यान्स आप्रवाह ३५.६ प्रतिशतले वृद्धि भएको छ । मङ्सिर महिनामा मात्रै एक खर्ब ८३ अर्ब १८ करोड रुपियाँ रेमिट्यान्स भित्रिएको छ । गत आवको सोही अवधिमा रेमिट्यान्स वृद्धिदर ४.७ प्रतिशत मात्र रहेको थियो । गत वर्षको सोही महिनामा यो रकम एक खर्ब १८ अर्ब ७९ करोड रुपियाँ थियो । एक वर्षमै करिब ५४ अर्ब रुपियाँले मासिक रेमिट्यान्स बढेको छ । रेमिट्यान्सको तीव्र वृद्धिले विदेशी मुद्रा सञ्चिति सुदृढ, बैङ्किङ प्रणालीमा तरलता सहज र आयात भुक्तानी क्षमता मजबुत बन्दा अर्थतन्त्रमा सकारात्मक प्रभाव देखिएको छ । नेपाल राष्ट्र बैंकले शुक्रबार सार्वजनिक गरेको चालु आव २०८२–८३ को पाँच महिना (२०८२ मङ्सिरसम्म) को तथ्या...

नेपाल । श्रम, रोजगार तथा सामाजिक सुरक्षा मन्त्रालयले रोजगार अनुमति प्रणाली (इपिएस) अन्तर्गत दक्षिण कोरिया जान ‘रोस्टर’ मा परेर पनि जान नपाएका १२ हजार नेपाली श्रमिकको पक्षमा निर्णय गर्ने गरी समितिसमेत गठन गरेको छ । कोरिया जान भाषा र सिप परीक्षा उत्तीर्ण गरेर जाने प्रतीक्षामा रहेका युवाको म्याद सकिन दुई महिना मात्रै बाँकी रहँदा श्रम मन्त्रालयले कोरियासँग युवाको पक्षमा कूटनीतिक पहल गर्ने प्रतिबद्धतासहित समिति गठन गरेको हो । श्रम मन्त्रालयले रोस्टरमा रहेका व्यक्तिको निजी विवरण रोजगारदातासमक्ष पठाउने प्रक्रियालगायत विषयको पारदर्शिता र निष्पक्षता कायम गर्न आवश्यक सुझावसहितको सिफारिस गर्न वैदेशिक रोजगार व्यवस्थापन महाशाखाका प्रमुख पीताम्बर घिमिरेको संयोजकत्वमा छानबिन समितिसमेत बनाएको छ । संयोजक घिमिरेले रोस्टरको म्याद थप गर्ने विषयमा कोरियासँग कूटनीतिक पहल गरिने जानकारी दिनुभयो । उहाँले इपिएस ...

नेपाल । सरकारले इजरायलमा दीर्घकालीन सहायक श्रमिक (केयरगिभर) सहित कृषिक्षेत्रमा समेत नेपाली श्रमिक पठाउने गरी श्रम सम्झौताको स्वीकृत प्रदान गरेको छ । यसअघि दीर्घकालीन सहायक श्रमिकको दर्जा (केयरगिभर) मा संस्थामा काम गर्ने गरी मात्रै श्रमिक पठाउने गरेकोमा अब केयरगिभरको होम टु होम काम गर्ने र कृषिक्षेत्रमा काम गर्ने श्रमिक पठाउने गरी स्वीकृति भएको हो । सोमबार बसेको मन्त्रीपरिषद्को बैठकले इजरायल सरकार र नेपाल सरकारबिच तीन क्षेत्रमा श्रमिक पठाउने गरी श्रम सम्झौता (जिटुजी) गर्ने गरी स्वीकृत गरेको छ । इजरायल सरकारले यी क्षेत्रमा नेपाली श्रमिक लैजाने विषयमा यसअगाडि नै निर्णय गरिसकेको थियो । ओमानसँग बिटुबी गर्न स्वीकृत त्यस्ते नेपाल सरकारले ओमानसँग श्रम समझदारी (बिटुबी) मा स्वीकृति प्रदान गरेको छ । सोमबारको मन्त्रीपरिषद्को बैठकले ओमानसँग श्रम समझदारी गर्न सक्ने गरी स्वीकृति प्रदान गरेको हो । ...

नेपाल । देशको अर्थतन्त्रको यथार्थ तस्बिर तयार पार्ने उद्देश्यसहित सरकारले दोस्रो राष्ट्रिय आर्थिक गणना–२०८२ गर्ने भएको छ । प्रधानमन्त्री तथा मन्त्रीपरिषद् कार्यालय अन्तर्गतको राष्ट्रिय तथ्याङ्क कार्यालयले ‘अर्थतन्त्र मापनका लागि आर्थिक गणना’ मूल नारासहित आगामी चैतदेखि देशव्यापी बृहत् अभियान घोषणा गरेको हो । तथ्याङ्क कार्यालयले बुधबार आयोजित कार्यक्रममा गणनाको कार्यतालिका, लोगो र नारा सार्वजनिक गरेको हो । यस गणना अन्तर्गत २०८२ चैत १ देखि २०८३ असार मसान्तसम्म देशभर तथ्याङ्क सङ्कलन गरिने भएको छ । गणनाबाट प्राप्त विवरणका आधारमा आर्थिक वर्ष २०८३–८४ को सुरुवातदेखि नै नतिजा सार्वजनिक गरिने लक्ष्य राखिएको छ । राष्ट्रिय तथ्याङ्क कार्यालयका अनुसार आर्थिक गणनाले उद्योग, व्यापार, व्यवसाय, सेवा क्षेत्र, सहकारी तथा सार्वजनिक–निजी संस्थाहरूको सङ्ख्या, लगानी, रोजगारी, उत्पादन र सेवा प्रवाहसम्बन्धी विस्...

नेपाल । इन्धनको मूल्य घटेसँगै आन्तरिकतर्फको हवाई भाडा पनि घटाइएको छ । एक रुपियाँ मात्रै पनि तलमाथि हुँदा स्वचालित रूपमा थपघट हुने इन्धनको मूल्य यसपालि प्रतिलिटर छ रुपियाँका दरले घटेपछि देशका अधिकांश गन्तव्यको हवाई भाडा घटाइएको हो । नेपाल नागरिक उड्डयन प्राधिकरणका अनुसार यसअघि प्रतिलिटर १३४ रुपियाँ रहेको हवाई इन्धनको मूल्य घटेर १२८ रुपियाँ कायम भएपछि सुगम र दुर्गमतर्फको हवाई भाडा समायोजन गरिएको छ । नयाँ भाडादर अनुसार शुक्रबारदेखि फ्युल सरचार्ज प्रतिसिट प्रतिमिनेट ६८.९ रुपियाँ तोकिएको छ । काठमाडौँबाट सबैभन्दा टाढाको गन्तव्य धनगढीको भाडा सबैभन्दा धेरै घटेको छ । यस उडानमा २६५ रुपियाँ घटेर पाँच हजार ६५५ रुपियाँ भाडा कायम गरिएको छ । त्यस्तै सबैभन्दा कम काठमाडौँ–सिमरा रुटमा ५५ रुपियाँले हवाई भाडा घटेको छ ।...

नेपाल । सरकारले जापानमा इन्टरनेसल ट्रेनिङ कोअपरेसन अर्गनाइजेसन (जिट्को) मार्फत प्रशिक्षार्थीको श्रमिक पठाउने निर्देशिका खारेज गरेसँगै वैदेशिक रोजगार व्यवसायी कम्पनीबाट जापानमा श्रमिक पठाउने बाटो खुलेको छ । मन्त्रीपरिषद्को यसै साताको बैठकले जिट्कोमार्फत जापानमा प्राविधिक (अभ्यासार्थी) श्रमिक पठाउने निर्देशिका–२०६६ खारेज गरेसँगै म्यानपावरबाट जापानमा श्रमिक पठाउने बाटो खुलेको हो । श्रम, रोजगार तथा सामाजिक सुरक्षा मन्त्रालयले जिट्को निर्देशिका–२०६६ जापानमा प्राविधिक (अभ्यासार्थी) श्रमिक पठाउने निर्देशिका जारी गरेको थियो । कार्यक्रम प्रभावकारी नभएको भन्ने श्रम मन्त्रालयको सिफारिसका आधारमा सरकारले यसलाई खारेज गरेको हो । श्रम मन्त्रालयका सहसचिव पीताम्बर घिमिरेको संयोजकत्वमा केही समयअघि गठित समितिले उक्त कार्यक्रमको औचित्व सकिएको भन्दै खारेज गर्न सिफारिस गरेको थियो । संयोजक सहसचिव घिमिरेले जापा...

नेपाल । नेपाल पर्यटन बोर्डले बिहीबार सार्वजनिक गरेको पर्यटक आगमनसम्बन्धी विश्लेषणात्मक तथ्याङ्क अनुसार सन् २०२५ मा ११ लाख ५८ हजार ४५९ विदेशी पर्यटकले नेपाल भ्रमण गरेका छन् । जुन त्यसअघिको सन् २०२४ को तुलनामा करिब ११ हजारले बढी हो । सो वर्ष ११ लाख ४७ हजार ५४८ विदेशी पर्यटक नेपाल भित्रिएका थिए । बोर्डका अनुसार अक्टोबरमा एक लाख २८ हजार ४४३ पर्यटक भित्रिएका थिए जबकी त्यसअघि २०२४ को अक्टोबरमा एक लाख २४ हजार ३९३ पर्यटक नेपाल आएका थिए । त्यस्तै नोभेम्बरमा एक लाख १६ हजार ५५३ पर्यटक भित्रिँदा २०२४ को नोभेम्बरमा एक लाख १४ हजार ४९६ जना नेपाल आएको तथ्याङ्क छ । डिसेम्बरमा पनि पर्यटकको सङ्ख्या त्यसअघिको वर्षको तुलनामा बढेको छ । गत डिसेम्बरमा ९८ हजार १९० पर्यटक नेपाल आएकोमा सन् २०२४ को सोही महिनामा ९२ हजार मात्रै आएका थिए । पछिल्ला केही वर्षयता नेपाल भित्रिने समग्र पर्यटकको सङ्ख्या पनि निरन्तर वृद्धि ...