अर्थतन्त्र

नेपाल । नेपाली धितोपत्र बजारमा शेयर कारोबार मापक नेप्से परिसूचक मंगलबार ओरालो लागेको छ । नेपाल स्टक एक्सचेञ्जका अनुसार, नेप्से परिसूचक २७ दमलव ३९ अंकले ओरालो लागेर दुई हजार छ सय ६३ दशमलव ३२ मा सीमित भएको छ । कूल एक करोड तीन लाख ३० हजार पाँच सय दुई कित्ता शेयर रु चार अर्ब ५९ करोड ३७ लाख २७ हजार दुई सय ४४ मूल्यमा खरिद–बिक्री भएको छ । ...

नेपाल । नेपालमा मंगलबार सुनचाँदीको मूल्य घट्यो । सुनको मूल्य तोलामा ४०० रुपैयाँले घटेको नेपाल सुनचाँदी व्यवसायी महासंघले जनाएको छ । छापावाल सुन प्रतितोला एक लाख ६० हजार १०० रुपैयाँमा कारोबार भयो । यसअघि सोमबार छापावाल सुन प्रतितोला एक लाख ६० हजार ५०० रुपैयाँमा कारोबार भएको थियो । त्यस्तै चाँदीको मूल्य पनि तोलामा ४० रुपैयाँले घटेको थियो । चाँदी प्रतितोला १९४० रुपैयाँमा कारोबार भएको महासंघले जनाएको छ ।...

अमेरिका । यस वर्षको भौतिक शास्त्रतर्फको नोबेल पुरस्कार वैज्ञानिकद्वय जोन जे हपफिल्ड र जेफ्री इ हिन्टनलाई प्रदान गरिने भएको छ । रोयल स्वीडीस एकेडेमी अफ साइन्सेजले मंगलबार पुरस्कार घोषणा गरेको हो । कृत्रिम स्नायु सञ्जालसँग यान्त्रिक सिकाई सक्षम हुने खालको मौलिक खोजी र आविष्कारका लागि उक्त पुरस्कार वैज्ञानिकद्वयलाई दिइने निर्णय गरिएको अन्तर्राष्ट्रिय सञ्चारमाध्यमले जनाएका छन् । भौतिक शास्त्रतर्फ पुरस्कार पाउने हपफिल्ड अमेरिकास्थित प्रिन्स्टन विश्वविद्यालयका प्रोफेसर हुन् भने हिन्टन क्यानडाको टोरन्टो विश्वविद्यालयका प्रोफेसर हुन् । विश्वभरका भौतिकशास्त्रीहरूका लागि उक्त पुरस्कार सबैभन्दा प्रतिष्ठित पुरस्कार मानिन्छ । नोबेल पुरस्कार विजेताहरूले करिब १ करोड १० लाख स्वीडिश क्रोनर नगद पुरस्कार पाउनेछन् । चिकित्साशास्त्र तर्फको नोबेल भने अमेरिकाका भिक्टर एम्ब्रोस र ग्यारी रुभकुनले प्राप्त गरेका...

नेपाल । प्रधानमन्त्री केपी शर्मा ओलीले विद्युत्को क्षमता विस्तार र खपत वृद्धिको लक्ष्य लिइएको ऊर्जा विकास कार्ययोजनाका विषयमा मन्त्रीहरू र उच्च पदाधिकारीसँग छलफल गर्नुभएको छ । प्रधानमन्त्री तथा मन्त्रीपरिषद्को कार्यालय सिंहदरबारमा सोमबार उहाँले सन् २०३५ सम्म २८ हजार पाँच सय मेगावट क्षमताको विद्युत् उत्पादन गराउन कानुनी, नीतिगत, संस्थागत एवं प्रक्रियागत सुधारका सन्दर्भमा छलफल गर्नुभएको हो । प्रधानमन्त्रीको सचिवालयका अनुसार छलफलमा उत्पादन, पूर्वाधार, व्यापार र वित्तीय स्रोतको व्यवस्थापन कार्यक्रमलाई छिटोछरितो रूपमा अघि बढाउने निष्कर्ष निकालिएको छ ।  ...

नेपाल । नेपाली शेयर बजारले उचाईँ लिंदै गएको छ । यसैक्रममा सोमबार पनि सेयर बजार बढेको थियो । सोमबार नेप्से ३७.१३ विन्दुले बढेर २६९०.७२ अंकमा पुगेको छ । ७ अर्ब रुपैयाँभन्दा बढीको भएको नेप्सेले जनाएको छ ।

नेपाल । नेपाली बजारमा सुनको मूल्य तोलामा रु ५०० ले घटेको छ । नेपाल सुनचाँदी व्यवसायी महासंघका अनुसार आइतबार प्रतितोला रु एक लाख ६१ हजारमा कारोबार भएकामा सोमबार भने रु एक लाख ६० हजार ५०० मा कारोबार भएको थियो । यस्तै चाँदीको मूल्य तोलामा रु पाँचले घटेको छ । आइतबार प्रतितोला रु एक हजार ९८५ मा कारोबार भएको चाँदी सोमबार भने रु एक हजार ९८० मा किनबेच भयो ।...

नेपाल । बिहबार नेपालले बङ्गलादेशमा ४० मेगावाट विद्युत् बिक्रीका लागि त्रिपक्षीय सम्झौता गरेको छ। नेपाल विद्युत् प्राधिकरणका कार्यकारी निर्देशक कुलमान घिसिङ, बङ्गलादेशको बङ्गलादेश पावर डेभलपमेन्ट बोर्र्डका अध्यक्ष मोहमद रिजाउल करिम र भारतको ‘नोडल एजेन्सी’ एनभिभिएनका प्रमुख कार्यकारी अधिकृत रेणु नाराङले उक्त सम्झौतामा हस्ताक्षर गर्नुभएको छ । ऊर्जा, जलस्रोत तथा सिँचाइमन्त्री दीपक खड्का, बङ्गलादेशको वन, वातावरण, जलवायु परिवर्तन तथा जलस्रोतमन्त्री सैयदा रिजवाना हसनको उपस्थितिमा थियो । नेपाललले यसअघि भारतसँग विद्युत निर्यात सम्झौता गरेको थियो । प्राधिकरणले भारतीय एजेन्सी एनभिभिएनलाई बिजुली उपलब्ध गराउनेछ । सो कम्पनीले भारतीय संरचना प्रयोग गरेर बिजुली बङ्गलादेश पुर्याउनेछ।...

नेपाल । भारी वर्षापछि आएको बाढी पहिरो र डुबानमा परेका परिवारका लागि राहत उपलब्ध गराउन सरकारले विपद्‍ कोषमा एक अर्ब रकम निकासा गर्ने निर्णय गरेको छ । गत सोमबार बसेको मन्त्रिपरिषद्‍ बैठकले उक्त निर्णय गरेको हो । त्यसबाहेक प्रधानमन्त्री र मन्त्रीहरूले एक महिनाको तलब राहत कोषमा जम्मा गर्ने निर्णय पनि भएको छ ।  ...

नेपाल । मंगलबारदेखि नेपाल आयल निगमले पेट्रोलियम पदार्थको मूल्य घटाएको छ । इण्डियन आयल कर्पोरेशनबाट इन्धनको मूल्य घटेर आएपछि नेपालमा पनि घटाइएको हो । नयाँ मूल्यअनुसार पेट्रोलमा प्रतिलिटर १, डिजेल र मट्टितेलमा २ र हवाइ इन्धनतर्फ ६ रुपैयाँका दरले घटेको छ ।

नेपाल । मंगलबार नेपाली शेयर बजार ११४ अंकको वृद्धि भएको छ । नेप्से ११४.७० अंकले बढेर २६२३.५६ विन्दुमा रोकिएको हो । मंगलबार ३०७ कम्पनिको कारोबार हुँदा एक करोड ७५ लाख ७ हजार ५५५ कित्ता शेयर ७ अर्ब ६१ करोड ६५ लाख २२ हजार २५८ को खरिद बिक्री भएको थियो । नेप्सेका अनुसार मंगलबार १८ कम्पनीको शेयर मुल्यमा सकारात्मक सर्किट लागेको थियो ।...