धरानबाट भोजपुर जाँदै गरेको जिप उदयपुरमा दुर्घटना हुँदा ८ जनाको मृत्यु

नेपाल । बिहीबार बिहान धरानबाट भोजपुर घोरेटारतर्फ जाँदै गरेको यात्रुवाहक जिप दुर्घटनामा आठ जनाको मृत्यु भउको छ ।

मृत्यु हुनेमा इटहरी ९ का चालक ४० वर्षीय मानबहादुर बस्नेत, भोजपुरको हतुवागढी गाउँपालिका २ का ७० वर्षीया पर्वतमाया राई, २३ वर्षीय चन्द्रप्रकाश राई, ६ महिनाकी बालिका बिसाङ चाम्लिङ राई, हतुवागढी ५ की ३२ वर्षीया राजकुमारी राई, हतुवागढी ९ का ६८ वर्षीय पदमबहादुर थापा, ४५ वर्षीया कमला अधिकारी र हतुवागढी ५ का ४२ वर्षीय किशन राईको सनाखत भएको छ ।

धरानबाट भोजपुरको दक्षिणतर्फ जाँदै गरेको को१ज २५९३ नम्बरको जिप बिहान १०ः३० बजेतिर उदयपुरको बेलका ७ मैनामैनीमा दुर्घटना भएको थियो ।