कोलोराडोखबर संवाददाता
अमेरिका । गैरआवासीय नेपाली संघ (एनआरएनए) एनसीसी अमेरिकाको आगामी कार्यकाल (सन् २०२५–२७) का लागि अध्यक्षमा सतेन्द्र साह निर्वाचित भएका छन् ।
निर्वाचनको मत परिणाम अनुसार साहले ३ हजार २ सय २८ मत ल्याएर विजय हुन सफल भए भने उनका प्रतिस्पर्धीहरु भानु खरेलले २ हजार ५ सय ६, रामहरि अधिकारीले २ हजार ६३ र रामजि(राज) अधिकारीले १०५ मत प्राप्त गरे ।
यसैगरी, वरिष्ठ उपाध्यक्षमा सन्तोष पहरी विजयी भएका छन् । ४ जना राष्ट्रिय उपाध्यक्ष पदमा प्रदीप चौलागाई, डाक्टर गंगाधर आचार्य, आङ् छिरिङ शेर्पा र सुरेन्द्र लौडरी निर्वाचित भए ।
राष्ट्रिय महिला उपाध्यक्ष पदमा सुनिता खत्री निर्वाचित भएकी छिन्। त्यसैगरी, संघको युवा उपाध्यक्ष पदमा विजय वाइबा विजयी भएका छन् ।
निर्वाचन मत परिणाम अनुसार महासचिव पदमा मोहन न्यौपाने विजयी भए । त्यस्तै सचिव(खुला) मा सूर्य बस्ताकोटा विजयी भए । कोषाध्यक्ष पदमा रबिन्द्र उप्रेति विजयी भएका छन् । महिला सचिवमा लक्ष्मी थापा र सह–कोषाध्यक्षमा मोहन कुसारी निर्विरोध निर्वाचित हुन सफल भएका छन् ।
युवा संयोजकमा संसार चौलागाई र महिला संयोजकमा करिना कुवँर चयन भए ।
यसैगरी, खुलातर्फ ८ राष्ट्रिय बोर्ड सदस्य (बोर्ड अफ डाइरेक्टर) पदमा सन्तोष लम्साल, माधव गौतम, बाबुराम काफ्ले, ध्रुव गौतम, राजु साह, इन्द्रकान्त चौधरी, ओम विश्वकर्मा र हेम ठकुल्ला निर्वाचित भएका छन् ।
यसै क्रममा आगामी कार्यकालका लागि अमेरिकाको विभिन्न राज्यहरुको च्याप्टर कार्यसमिति पनि चयन भएको छ ।
निर्वाचन समितिले जनाए अनुसार अगस्ट १७ र १८, मा भएको निर्वाचनमा १३ हजार १ सय ७५ मतदाता मध्ये ८ हजार ३ सय ३ मतदाताले मतदान गरेका थिए ।
निर्वाचन प्रमुख टुक रेग्मीले विशेष परिस्थिमा आफूले लिएको जिम्मेवारी पूरा भएकोमा खुशी व्यक्त गर्दै निर्वाचनको क्रममा प्रत्यक्षपरोक्ष रुपमा सहयोग गर्ने सबैलाई धन्यवाद दिएका छन् ।
यसअघि नै आईसीसीबाट मान्यता प्राप्त विकास उप्रेतीको अध्यक्षमा एनआरएनए एनसीसी अमेरिकाको नयाँ कार्यसमिति पनि चयन भइसकेको छ ।
एनआरएनए एनसीसी अमेरिकाको अध्यक्षमा विकास उप्रेती र महासचिव आरसी पन्त निर्वाचित
प्रतिक्रिया दिनुहोस्