कोलोराडोखबर संवाददाता
-आर. आर. चौलागाईं-
तिमी फोहर बोकेर हिँड्छौ अनि मलाई घृणा लाग्छ
तिमी रक्सी धोकेर हिँड्छौ अनि मलाई घृणा लाग्छ ।
नाच्न नजान्ने आँगन टेढो त्यसै भनेका हैन रहेछन्
तिमी केके सोचेर हिँड्छौ अनि मलाई घृणा लाग्छ ।
केही न केहीका दुई कौडी तथाकथित देउताहरूको
तिमी स्तुति घोकेर हिँड्छौ अनि मलाई घृणा लाग्छ ।
सास फेर्न नपाएर मानिसहरू यहाँ मरिरहेका छन्
तिमी हावा रोकेर हिँड्छौ अनि मलाई घृणा लाग्छ ।
काम गरिरहेका तन्नेरीहरूलाई जे पायो त्यही भनेर
तिमी व्यर्थै खोकेर हिँड्छौ अनि मलाई घृणा लाग्छ ।
-हेटौंडा, मकवानपुर ।
प्रतिक्रिया दिनुहोस्