खेलकुद

नेपाल । बिहीबारको त्रिकोणात्मक टी ट्वान्टी सिरिजको पहिलो खेलमा नेपाल नेदरल्याण्ड्ससँग पराजित भएको छ । कीर्तिपुरस्थित त्रिवि क्रिकेट मैदान भएको खेलमा नेपाल नेदरल्याण्डसँग २० रनले पराजित भएको हो । नेदरल्याण्ड्सले जितका लागि दिएको एक सय ५८ रनको विजयी लक्ष्य पछ्याएको नेपाल निर्धारित २० ओभरमा सात विकेट गुमाउँदै एक सय ३७ रनमा समेटिएको हो । नेपालका लागि सीता रानामगरले सर्वाधिक २८ रनको योगदान दिइन् । उनले ४५ बलमा तीन चौकाको सहयोगमा २८ रन बनाएकी हुन् । त्यसैगरी कविता जोशीले १७ बलमा एक चौका र दुई छक्काको सहयोगमा २७ रन बनाइन् । पुजा महतोले १४ बलमा दुई चौका र दुई छक्काको सहयोगमा २४ रन बनाइन् । त्यसबाहेक अन्य नेपाली खेलाडीले दोहोरो अङ्कमा रन जोड्न सकेनन् । सम्झना खड्काले ९ रन बनाइन् भने कविता कुवँरले ८ तथा कप्तान इन्दु बर्माले ७ रन जोडिन् । अब नेपाली महिला टोलीले शनिबार थाइल्याण्डसँग प्रतिस्पर्धा गर...

नेपाल (हेटौंडा) । मकवानपुरको हेटौंडामा २५औं राष्ट्रिय बुद्धिचाल प्रतियोगिता तथा १०औं महिला राष्ट्रिय बुद्धिचाल प्रतियोगिता शुरु भएको छ । माघ १३ देखि १९ गतेसम्म हेटौंडामा हुने प्रतियोगितामा छनोट भएर आएका महिला तथा पुरुष १२–१२ गरी २४ जनाको सहभागिता रहने नेपाल बुद्धिचाल महासंघका केन्द्रीय महासचिव धरमबहादुर लामाले बताए । प्रतियोगितामा मकवानपुरसहित झापा, काठमाडौं, दोलखा, रौतहट, भक्तपुर, ललितपुर, सुनसरी, चितवन, बाँके, मोरङ, बारा र रुकुमपूर्वका खेलाडीहरुले सहभागिता जनाउनेछन् । प्रतियोगितामा महिला तथा पुरुषतर्फ प्रथम हुने खेलाडीले मार्च १० देखि १९ सम्म हुने एसियन जोनलमा सहभागी हुने र उक्त सहभागिताको लागि सबै खर्चको व्यवस्थापन महासंघले गर्नेछ । दोस्रो हुनेले नगद १५ हजार तथा तेस्रो हुनेले नगद १५ हजार प्राप्त गर्नेछन् । प्रतियोगिताको लागि आयोजकले २४ लाख ५० हजार खर्च हुने अनुमान गरेको छ ।...

अमेरिका । स्पेनिस ला–लिगामा रियल म्याड्रिडले जित हासिल गरेको छ । शनिवार सम्पन्न खेलमा रियलले भाल्लाडोलिडमाथि ३–० को जित निकालेको हो । रियलको जितमा फ्रेन्च स्टार केलिएन एमबाप्पेको ह्याट्रिक सामेल थियो । खेलमा एमबाप्पेले ३०, ५७ र ९१ औं मिनेटमा गोल गर्दै ह्याट्रिक पूरा गरेपछि रियलले सानदार जित हासिल गर्न सफल बन्यो । जितपछि रियल २१ खेलबाट ४९ अङ्क सहित पहिलो स्थानमा कायम छ । ला–लिगाको शनिवार सम्पन्न अन्य खेलहरूमा एट्लेटिको म्याड्रिडले भिल्लारियल सङ्ग बराबरी खेलेको छ भने सेभिल्ला र स्पानोयोल पनि १–१ बराबरीमा रोकिएका छन् । शनिबारनै लस पाल्मास र ओसियाना पनि बराबरी खेल्दा रियल बेटिसले मालार्कालाई १–० गोलले पराजित गरेको छ । ...

अमेरिका । स्कटल्याण्डको रेन्जर्सलाई पराजित गर्दै इङ्लिस क्लब म्यानचेस्टर युनाइटेड युरोपा लिगको अन्तिम १६ मा प्रवेश गरेको छ । शुक्रवार बिहान भएको खेलमा युनाईटेडले रेन्जर्सलाई २–१ ले पराजित गरेको हो । ज्याक बलल्याण्डले आत्मघाती गोल उपहार दिएपछि ५२ औँ मिनेटमा पहिलो अग्रता लिएको म्यानयुको लागि इन्जुरी समयमा गलेको गोल नै विजयी गोल बन्न पुग्यो । आत्मघाती गोलबाट अघि बढेको युनाइटेडले ८८ औँ मिनेटमा रेन्जर्सको तर्फबाट गोल खायो । डिसेरेर्सले खेलको ८८ औँ मिनेटमा गोल गरेपछि खेल बराबरीमा सकिने सम्भावनाबिच ९२ औँ मिनेटमा युनाइटेडको लागि ब्रुनो फर्नान्डेजले विजयी गोल गरे । जितपछि चौथो स्थानमा रहँदै म्यानचेस्टरले अन्तिम १६ मा सिधै स्थान बनाएको छ ।...

नेपाल । आईसीसी महिला यू–१९ विश्वकप क्रिकेट प्रतियोगिताबाट नेपाल बाहिरिएको छ । बुधबार भएको समूहचरणको अन्तिम खेलमा उपाधि दाबेदार अष्ट्रेलियासँग ८३ रनको फराकिलो हार व्यहोर्दै नेपालले विश्वकप यात्रा टुंग्याएको हो । समूह चरणमा नेपालले एउटा खेल पनि जित्न सकेन । मलेसियाको बाङ्गीस्थित यूकेएल क्रिकेट ओभलमा बुधबार भएको खेलमा नेपालले अष्ट्रेलियालाई बलियो चुनौति दिन सकेन । अष्ट्रेलियाले १४० रनको लक्ष्य दिएको थियो । नेपालले पूरै ओभर खेले पनि ८ विकेटको क्षतिमा ५६ रन मात्र बनाउन सक्यो ।...

नेपाल । नेपाली राष्ट्रिय क्रिकेटर सन्दीप लामिछानेलाई एक खेल प्रतिबन्धको कारबाही गरिएको छ । हालै सम्पन्न जय ट्रफी क्रिकेट प्रतियोगितामा रेफ्रीको निर्णयमा असन्तुष्टी जनाउनुभएका सन्दीपलाई नेपाल क्रिकेट संघ (क्यान) ले कुनै पनि घरेलु प्रतियोगितामा एक खेल खेल्न नपाउने गरी कारबाही गरिएको जनाएको छ । जय ट्रफीमा बागमतीको कप्तानी गर्नुभएका सन्दीपले रेफ्रीको निर्णयले खेलाडीलाई असर पुगेको भन्दै रेफ्रीको क्षमतामा समेत प्रश्न उठाउनुभएको थियो । क्यानले संस्थापक जयनारायण शाहको स्मृतिमा आयोजना गरेको जय ट्रफीमा गत संस्करणको पिएम कप पुरुष क्रिकेटको शीर्ष चार टोली नेपाल पुलिस क्लब, त्रिभुवन आर्मी क्लब बागमती र मधेश प्रदेशले प्रतिस्पर्धा गरेका थिए । फाइनलमा पुलिसले आर्मी २८ रनले हराउँदै उपाधि जितेको थियो ।...

नेपाल । मलेसियामा जारी महिला यु १९ विश्वकपमा नेपालले दोस्रो हार व्यहोरेको छ । स्कटल्याण्ड विरूद्ध सोमबार भएको खेलमा लो स्कोरिङ थ्रिलरमा नेपाल एक विकेटले चुक्यो । नेपालले पहिलो ब्याटिङ गर्दै ७३ रनमै अलआउट भएको थियो । कप्तान पूजा महतोले सर्वाधिक २७ रन बनाइन् । जवाफी ब्याटिङ गर्दै स्कटल्याडले ९ विकेट गुमाएर १९औं ओभरमा लक्ष्य भेट्यो ।...

नेपाल । खो–खो विश्वकप प्रतियोगितामा नेपालको पुरुष टोली उपविजेता बनेको छ । नेपाल फाइनलमा भारतसँग पराजित भएको हो । पहिलो पटक आयोजना गरिएको तथा भारतको नयाँ दिल्लीस्थित इन्दिरा गान्धी इन्डोर हलमा आइतबार सम्पन्न फाइनल खेलमा नेपाल आयोजक भारतसँग ५४–३६ अङ्कले पराजित भएको हो । यसअघि आइतबारनै भएको महिलातर्फको फाइनल खेलमा पनि नेपाल भारतसँग नै ७८–४० अङ्कले पराजित भएको थियो।...

नेपाल । महिला यू–१९ विश्वकपको वार्मअप खेलमा नेपाल वेस्ट इन्डिजसँग ८ रनले पराजित भएको छ । वेस्ट इन्डिजले दिएको ११० रनको लक्ष्य पछ्याउने क्रममा नेपाल १०० रनमा अलआउट भयो । दोस्रो इनिङमा खराब सुरुवात गर्दै नेपालले पहिलो बलमै विकेट गुमाएको थियो । ओपनर साना प्रवीण डकआउट भइन् । त्यसपछि सावित्री धामी र कप्तान पूजा महतोबीच २५ रनको साझेदारी भएको थियो । सावित्री ५ रन बनाएर आउट भइन् । त्यसपछि कप्तान पूजा पनि १८ रनमा आउट हुँदा नेपाललाई ठूलो झट्का लाग्यो । उनले २० बलको सामना गर्दै ३ चौका प्रहार गरेकी थिइन् । यसअघि वेस्ट इन्डिजले पहिलो ब्याटिङ गर्दै २० ओभरमा ४ विकेट मात्र गुमाएर १०९ रन जोडेको थियो ।...

अमेरिका । रियल मड्रिडलाई ५–२ ले पराजित गर्दै बार्सिलोनाले १५ औँ पटक स्पेनिस सुपर कपको उपाधि उचालेको छ। आइतबार राति साउदी अरेबियाको किङ अब्दुल्लाह स्पोर्टस् सिटीमा भएको फाइनलमा बार्सिलोनाले रियललाई ५–२ गोल अन्तरले हराउँदै उपाधि उचालेको हो । खेलको पाचौँ मिनेटमा केलियन एमबाप्पेको गोलमा रियलले सुरुवाती अग्रता बनाएको थियो। भिनिसियस जुनियरको पासमा एमबाप्पेले गोल गर्दै टोलीलाई अग्रता दिलाएका थिए । तर खेलको २२ औँ मिनेटमा लामिन यामालको गोलमा बार्सा खेलमा फर्किएको थियो। रोबर्टो लेवान्डोस्कीको पासमा लामिनले गोल गरेका थिए। ३६ औँ मिनेटमा लेवान्डोस्कीले पेनाल्टीमा गोल गर्दै बार्सिलोनाको अग्रता दोब्बर पारे । राफिन्हाले खेलको ३९ र ४८ औँ मिनेटमा गोल थपेका थिए । एक गोल एलेजान्ड्रो बाल्डेले गरे । खेलको ५६ औँ मिनेटमा बार्सिलोना १० खेलाडीमा सिमित बनेको थियो। त्यसकै फाइदा उठाउँदै रोड्रिगोले गोल फर्काए । सु...